MARK 6:20 - Bibəl ta Sar̄

²⁰ tɔdɔ̄ Herod ɓōĺ ndíĺ Ja̰a̰, tām̄ ni-ger̄ kadə̄ Ja̰a̰ i de kə́ súmūú ō, i de kə́ táĺ yā Nə́ɓā ō, adə̄ ngɔ̄mə̄n. Loo ń ni-oō najə̄ yān ní, ni gír̄ najə̄ ngá̰ý gə̄gē, ba oō najə̄ yān kə rɔ̄nelēé.

Bible sar

²⁰ tɔdɔ̄ Herod ɓōĺ ndíĺ Ja̰a̰, tām̄ ni-ger̄ kadə̄ Ja̰a̰ i de kə́ súmūú ō, i de kə́ *táĺ yā Nə́ɓā ō, adə̄ ngɔ̄mə̄n. Loo ń ni-oō najə̄ yān ní, ni gír̄ najə̄ ngá̰ý gə̄gē, ba oō najə̄ yān kə rɔ̄nelēé.

MARK 6:20 Referans Kwoze

MATIYE 21:26

Ba ré j-ədaī na i de gə̄ n əlanən̄, anī j-a jə-ɓōlíī kósə de gə̄, tām̄ de gə̄ malang rāān̄ Ja̰a̰ i nge koō ta tə́.

MATIYE 14:5

Adə̄ Herod gḛy tɔ̄l̄ Ja̰a̰ gə̄gē, banī ɓōĺ i kósə de gə̄, tɔdɔ̄ nin̄-rāān̄ Ja̰a̰ i nge koō ta tə́.

JA̰A̰ 5:35

Ja̰a̰ i lámbá ń əndān̄ hor tū tə́ a unjə̄ ní, ba sḭḭ̄ ī-ndigiī rāā rɔ̄nel̄ gō hor yān ní tə́ sḛ́ý.

MARK 11:18

Loo ń ngol gə̄ kə́ dɔ ngé tun̄ yá̰a̰ gə̄ tə́ kə ngé ndóō de gə̄ ndū najə̄ gə̄ oōn̄ beé ní anī, sāān̄ loo tɔ̄lən kɔ̄ɔ́, tɔdɔ̄ nin̄-ɓōĺnən̄, tām̄ yá̰a̰ gə̄ ń ni ndóō kósə de gə̄ ní ɔr kumdə́ ngá̰ý.

MARK 4:16

Adə̄ de kə́rēý gə̄ i tītə̄ kōō ń tə́sō dɔ kɔkərɔ tə́ ní. Dan ń oōn̄ najə̄ anī, nin̄-taān̄ kə ta jī tə́ noō kə rɔ̄nelēé ngá̰ý,

DANIEL 5:17

Anī Daniel un najə̄ ɔr̄, əda mban̄g na: Kɔ́ɔ̄ ɓē gə̄, ī-ngɔ̄m̄ kadə̄ karī yāí gə̄ tām̄ yāí īkɔ́ tə́ ō, yá̰a̰ kəndā nja yāí gə̄ ní ādə̄ de kə́ rang gə̄ ō! Banī m-ā m̄-tə́dá yá̰á̰ ń ndangən̄ ní yā kadī ō, m-ā m-ɔ́jiī kumən ō.

DANIEL 4:27

un najə̄ ɔr̄, əda na: Babilon ń ɓē kə́ bo ń m̄-rāān i loo ndi mban̄g tə́ ní n toó. Ni ɔjə kə̄ ndágá kadə̄ tɔ́gə́ḿ i ngá̰ý ō, kadə̄ ko̰o̰ ɓē yāḿ to kɔsə gɔn ngá̰ý ō.

DANIEL 4:18

mbīn i kə́ majə ō, kanə̄n i ngá̰ý ō, yá̰a̰ kəsa yā de gə̄ malang i kemən tə́ ō, dā̰ kə́ bembeé gə̄ a ndin̄ i gírən tə́ ō, yel̄ kə́ dɔɔ́ gə̄ a rāān̄ ɓēdə́ i kem mbīn kə́ əga ku gə̄ tə́ ō ní,

EJEKIEL 33:32

Tām̄ yādə́ nin̄ tə́ ɓáa, ḭ̄ ī-to i tītə̄ nge kənī pā kə́ míndən nel̄ ngá̰ý, kə́ yá̰a̰ gōsə̄ kə́ ɓār̄ majə ngá̰ý a dān̄ gō pā yān beé. Nin̄ oōn̄ najə̄ kɔrīí gə̄, banī rāān̄ yá̰a̰ gə̄ ń ə́dá ní alé.

2 YÁ̰A̰ GƏ̄ 26:5

Ojias sāā Nə́ɓā kə dɔ ndɔ̄ gə̄ malang ń Jakari nge ndóōn ɓōĺ ndíĺ Nə́ɓā ndiń kə kumneé ní. Adə̄ Nə́ɓā rāā seneé tū yá̰a̰ gə̄ tə́ malang.

2 YÁ̰A̰ GƏ̄ 24:2

Joas rāā yá̰á̰ kə́ gōtə́ ta kum Kɔ́ɔ̄ɓē tə́ kə dɔ ndɔ̄ gə̄ malang ń Yoyada nge tun̄ yá̰a̰ ndiń kə kumneé ní.

2 MBAN̄G 13:14

Elije əsō mo̰y. I mo̰y ń a tɔ̄lən ní. Anī Joas mban̄g kə́ Israel aw̄ rɔ̄n tə́, əga kumən kə̄ ta yān tə́ nōoń ba əda na: Bɔbə́ḿ! Bɔbə́ḿ! Púsə rɔ̄ɔ̄ gə̄ kə ngé kal̄ sə́ndá kə́ Israel tə́ gə̄.

2 MBAN̄G 6:21

Dan ń mban̄g kə́ Israel a̰a̰də́ anī dəje Elije na: Bɔbə́ḿ, m̄-tɔ̄l̄də́ a?

1 MBAN̄G GƏ̄ 21:20

Akab əda Eli na: Madə̄ ba̰ā̰ḿ, ī-téĺ ə́ngem̄ gogə́ ɓáý ḿ? Eli tél ədan na: m̄-tél m-ə́ngeī gogə́ ɓáý to̰ i tām̄ ə́ya̰ rɔ̄í ī-rāań yá̰á̰ kə́ majaĺ ta kum Kɔ́ɔ̄ɓē tə́.

Teē Ngán Israel gə̄ 11:3

Kɔ́ɔ̄ɓē rāā adə̄ de kə́ Ejiptə gə̄ rāān̄ kem majə kə ngán Israel gēé. Tá gō nang kə́ Ejiptə tə́ ní Moijə i de kə́ bo ta kum ngé kəla yā Parao̰ gə̄ tə́ ō, ta kum gír deē yān gə̄ tə́ ō.

KƏLA RĀĀ 2:12

Nin̄ malang ní yá̰á̰ ní ɔr kumdə́ ngá̰ý ō, gerə̄n̄ najə̄ kə́ yā kəda dɔ tə́ aĺ ō, adə̄ dəjen̄ naā na ké kum yá̰á̰ ní na i rí bang wa.

KƏLA RĀĀ 5:24

Loo ń ngār yā ngé ngɔ̄m̄ ta kújə yā Kɔ́ɔ̄ɓē gə̄ ō, ngol gə̄ kə́ dɔ ngé tun̄ yá̰a̰ gə̄ tə́ ō oōn̄ najə̄ gə̄ ń noō ní, nin̄-gírə̄n̄ yá̰á̰ sétə́ dɔ ngámbang kəla gə̄ tə́, ba dəjen̄ naā na ké i rí n rāā yá̰a̰ wa.