MARK 6:12 - Bibəl ta Sar̄

¹² Ngé kə́ kutə gidə i jōó gə̄ ní aw̄n̄, a ənīn̄ mbēr̄ tūr̄ hál.

Bible sar

¹² Ngé kə́ kutə gidə i jōó gə̄ ní aw̄n̄, a ənīn̄ mbēr̄ tūr̄ hál.

MARK 6:12 Referans Kwoze

MATIYE 4:17

Loo ń noō tə́ Jeju əla gír kɔjə de gə̄ najə̄, ədadə́ na: Ī-tūrī háĺsí, tɔdɔ̄ Ɓē ko̰o̰ kə́ dɔ rā̰ tə́ i ngɔr.

KƏLA RĀĀ 20:21

Najə̄ kə́ kum tə́ yāḿ ɓāŕ i Jipə gə̄ ō Gərek gə̄ ō kadə̄ tūrə̄n̄ rɔ̄də́ kə̄ rɔ̄ Nə́ɓā tə́ ō, kadə̄ taān̄ kem Kɔ́ɔ̄ɓē yājí Jeju ō.

KƏLA RĀĀ 11:18

Dan ń nin̄-oōn̄ beé anī asədə́ kɔr̄ najə̄, ba ɔsən̄ gɔn Nə́ɓā ədan̄ na: Yá̰á̰ ní i tītə̄ ń toō rɔ̄kum tā, de gə̄ ń i Jipə aĺ gə̄ ní Nə́ɓā adə̄də́ ta róbə tūr̄ háĺdə́, yā kadə̄ nin̄-əngen̄neé ndi kə kumuú kə́ rɔ̄kum.

KƏLA RĀĀ 2:38

Piyer ədadə́ na: Ī-tūrī háĺsí malang, ba ādə̄ rāān̄sí batém kógə̄ḿ kógə̄ḿ kə rī Jeju Kərist, kadə̄ Nə́ɓā mā̰yń rɔ̄n dɔ yá̰á̰ kə́ majaĺ gə̄ ń ī-rāāī tə́ ní. Ɓá anī ā ə́ngeī Ndíĺ kə́ Táĺ ń Nə́ɓā adə̄ de gə̄ karī ní.

Najə̄ kə́ Majə yā Jeju ń Luk ndang ní 13:3

A̰ á̰, i beé alé, ba ré sḭḭ̄ ī-tūrī háĺsí aĺ anī, ā údiī malang tītə̄ ń noō ō.

Najə̄ kə́ Majə yā Jeju ń Luk ndang ní 11:32

Ndɔ̄ sarya tə́ anī de kə́ Ninibə gə̄ a ḭḭn̄ dɔɔ́ naā tə́ kə de kə́ ngɔlaā gēé yā gān̄g sarya dɔdə́ tə́, tɔdɔ̄ nin̄ tūrə̄n̄ háĺdə́ dan ń oōn̄ najə̄ yā Nə́ɓā ń Jonas ɔjədə́ ní, ba kə́ tɔȳ Jonas i laā.

MATIYE 3:8

Ī-rāāī yá̰a̰ gə̄ kə́ ɔjən̄ kadə̄ sḭḭ̄ i de kə́ ī-tūrī háĺsí rɔ̄kum gə̄.

MATIYE 3:2

tɔdɔ̄ Ɓē ko̰o̰ kə́ dɔ rā̰ tə́ reē ngɔr rɔ̄sí tə́.

EJEKIEL 18:30

I tām̄ najə̄ ń noō tə́ n mā Kɔ́ɔ̄ɓē Nə́ɓā m-ə́dásí sḭḭ̄ Israel gə̄ najə̄ ń toō ní: M-ā m̄-rāā sarya sesí kógə̄ḿ kógə̄ḿ i kə gō háĺsí. I beé ní, ī-tūrī háĺsí, ī-tūrī gidəsí kɔ̄ɔ́ ta yá̰a̰ rāāsí kə́ gōtə́ aĺ gə̄ tə́. I tītə̄ ń noō n ā ə̄sōīiń kum majaĺ tə́ to̰ aĺ ní.

KƏLA RĀĀ 26:20

Ba m-ɔ́jə de kə́ Damas gə̄ najə̄ ta kəga dɔ, gō tə́ anī i de kə́ Jerusalem gə̄ ō, de kə́ gō nang malang kə́ Jude tə́ ō, tá nápar de gə̄ ń nin̄ i Jipə aĺ gə̄ ní m-ɔ́jə́də́ najə̄ ō. M-ɔ́jə́də́ kadə̄ əya̰n̄ gíŕ yá̰a̰ rāādə́ kə́ majaĺ gə̄ kɔ̄ɔ́, ba kə tūrə̄n̄ rɔ̄də́ kə̄ rɔ̄ Nə́ɓā tə́ ō, kə rāān̄ yá̰á̰ kə́ ɔjə kadə̄ nin̄-əya̰n̄ majaĺ yādə́ gə̄ kɔ̄ɔ́ rɔ̄kum ō.

KƏLA RĀĀ 3:19

I beé ní ī-tūrī háĺsí ō, ī-tūrī rɔ̄sí kə̄ rɔ̄ Nə́ɓā tə́ ō, ādə̄ ni-ɔr̄ yá̰á̰ kə́ majaĺ gə̄ ń ī-rāāī ní kɔ̄ɔ́.

Najə̄ kə́ Majə yā Jeju ń Luk ndang ní 24:47

na a ənīn̄ mbēr̄ kə rīneé yā kadə̄ nápar de gə̄ malang kə tūrə̄n̄ háĺdə́ kadə̄ Nə́ɓā māȳń rɔ̄n dɔdə́ tə́ ō, ba a əlan̄ gír na i dɔ ɓē kə́ Jerusalem tə́.

Najə̄ kə́ Majə yā Jeju ń Luk ndang ní 15:10

Ādə̄ m-ə́dásí, de kə́ dɔ rā̰ tə́ gə̄ yā Nə́ɓā a rāān̄ rɔ̄nel̄ kə́ ngá̰ý tītə̄ ń noō ō, tām̄ yā nge rāā majaĺ kə́ kal kógə̄ḿ beē kə́ tūr̄ hálən tə́.

Najə̄ kə́ Majə yā Jeju ń Luk ndang ní 15:7

Ādə̄ m-ə́dásí na rɔ̄nel̄ a to dɔ rā̰ tə́ ngá̰ý tītə̄ ń noō ō tām̄ yā nge rāā majaĺ kə́ kógə̄ḿ beē kə́ tūr̄ hálən tə́ tɔȳ yā de kə́ súmūú kə́ kutə ndōhó gidə i ndōhó gə̄ kə́ ɓō tūr̄ háĺdə́ rāādə́ aĺ tə́.

Najə̄ kə́ Majə yā Jeju ń Luk ndang ní 13:5

A̰ á̰, i beé alé, ba ré sḭḭ̄ ī-tūrī háĺsí aĺ anī, ā údiī kɔ̄ɔ́ malang tītə̄ ń noō ō.

MARK 1:15

Ni ɔjə Najə̄ kə́ Majə yā Nə́ɓā, əda na: Ndɔ̄ asə kɔ̄ɔ́, adə̄ Ɓē ko̰o̰ yā Nə́ɓā i ngɔr. Ī-tūrī háĺsí, ba ī-taāī kem Najə̄ kə́ Majə.

MATIYE 11:20

Anī Jeju əla gír tə́da najə̄ kə́ ngan̄g ngan̄g gə̄ dɔ ɓē gə̄ ń ni-rāā yá̰á̰ kə́ yáā gə̄ ngá̰ý kemeé, banī de kə́ kemeé gə̄ mbātə́n̄ tūr̄ háĺdə́ ní, əda na:

MATIYE 9:13

Āw̄ ī-ndóōī kum najə̄ yā Nə́ɓā ń na, yá̰á̰ ń m̄-gḛy ní i rāā kem majə ba i-tɔ̄l̄ dā̰ tun̄ kadə̄m̄ alé ní. Tɔdɔ̄ m̄-reē i ɓāŕ de kə́ súmūú gə̄ tə́ alé, ba i ɓāŕ ngé rāā majaĺ gə̄ tə́.

Najə̄ kə́ Majə yā Jeju ń Luk ndang ní 9:6

Ngé ndóō yá̰a̰ gə̄ ní aw̄n̄. Nin̄-njə̄rān̄ kə gō ngán ɓē gə̄ malang ɔjən̄neé Najə̄ kə́ Majə ō, rāān̄neé adə̄ rɔ̄ ngé mo̰y gə̄ ngáā kə gō loo gə̄ malang ō.

MARK 1:3

Ndū deē kógə̄ḿ ɓār̄ kem dəla loo tə́ əda na: Ī-rāāī gō róbə yā Kɔ́ɔ̄ɓē əndāniī ō, ī-rāāī róbə yān gə̄ adə̄ ran̄ súmūú ō.

MATIYE 11:1

Dan ń Jeju ɔjə ngé ndóō yá̰a̰ yān kə́ kutə gidə i jōó gə̄ yá̰a̰ gə̄ oy anī ndɔ́tə̄ kɔ̄ɔ́ loo ní tə́ ba aw̄ ndóō de gə̄ yá̰á̰ tə́ ō, kɔjə najə̄ yā Nə́ɓā tə́ ō, kem ɓē gə̄ kə́ gō nang ngeé ń noō tə́.