MARK 6:11 - Bibəl ta Sar̄

¹¹ Ba ré kem loo kógə̄ḿ tə́ de gə̄ əhɔn̄sí kə̄ rɔ̄də́ tə́ aĺ ō, oōn̄ najə̄ yāsí aĺ ō anī, ī-teēī loo ń noō tə́ kɔ̄ɔ́, ba ī-*gógī bumbə́rú kə́ njasí tə́, tɔdɔ̄ nge ń noō tél i najə̄ kə́ kum tə́ yādə́.

Bible sar

¹¹ Ba ré kem loo kógə̄ḿ tə́ de gə̄ əhɔn̄sí kə̄ rɔ̄də́ tə́ aĺ ō, oōn̄ najə̄ yāsí aĺ ō anī, ī-teēī loo ń noō tə́ kɔ̄ɔ́, ba ī-*gógī bumbə́rú kə́ njasí tə́, tɔdɔ̄ nge ń noō tél i najə̄ kə́ kum tə́ yādə́.

MARK 6:11 Referans Kwoze

KƏLA RĀĀ 18:6

Banī Jipə gə̄ mbātə́n̄ najə̄ yān ō, tájə̄nən̄ ō. Loo ń noō tə́ Pol yéȳ kūbə̄ yān yakə yakə ba ədadə́ na: Ādə̄ mósə́sí tél əsō dɔsí sḭḭ̄ kɔ́ gə̄ tə́! Najə̄n i dɔḿ tə́ alé. Əla gír ngɔr ń toō tə́ ní m-ā m-āw̄ kə̄ rɔ̄ ngé gə̄ ń nin̄ i Jipə aĺ gə̄ ní tə́.

NEHEMI 5:13

Gō tə́ anī m̄-yéȳ ta kūbə̄ yāḿ yakə yakə ba m-ə́da na: De gə̄ malang ń a ran̄ dɔ míndə́də́ tə́ aĺ ní, Nə́ɓā a yéȳdə́ yakə yakə kɔ̄ɔ́ tītə̄ ń noō, kadə̄ a teēn̄ kem kújə yādə́ tə́ yā kəsō ndágá ō, kadə̄ a teēn̄ kadə yá̰a̰ kənge yādə́ tə́ yā kəsō sa̰y ō. A yéȳdə́ yakə yakə ō, a əya̰n̄də́ kanjə̄ yá̰á̰ kógə̄ḿ ō tītə̄ ń noō! Ngé kán̄ na ā gə̄ malang ədan̄ na: Adə̄ i tītə̄ ń noō! Gō tə́ anī tɔ̄ȳn̄ Kɔ́ɔ̄ɓē ō, rāān̄ yá̰á̰ ń i kə́ kəda ní ō.

Makətūbə̄ ń Jud ndang ní 1:7

Ādə̄ əga kemsí dɔ ɓē kə́ Sodom tə́ ō, kə́ Gomor tə́ ō, ɓē gə̄ kə́ kadədə́ gə̄ tə́ ō. De kə́ kemeé gə̄ rāān̄ yá̰á̰ kə́ majaĺ tītə̄ yā de kə́ dɔ rā̰ tə́ gə̄ ń noō. Nin̄-ɓōkə́n̄ rɔ̄də́ tū sāā naā kə́ kə gō róbəneé aĺ tə́, adə̄ dəngam gə̄ a sāān̄ dəngam madə̄də́ gə̄ tām̄ yā rɔ̄nel̄ yādə́ tə́. Nin̄-əngen̄ ndéý kə́ tām̄ yā yá̰a̰ rāādə́ kə́ gō tə́ aĺ tə́. Ndéy yādə́ ní i hor kə́ to ngándáńg kə́ o̰o̰də́ ō, yá̰á̰ ń rāādə́ ní téĺ i tāā kə́ kumən unjə̄ ngá̰ý tām̄ yā de gə̄ malang tə́ ō.

1 JA̰A̰ 4:17

Táŕ kə́ dɔ dáńjí tə́ majə ɔtə̄ kə taá i kə ta kūl̄ yá̰á̰ ń toō: Jḭḭ̄ jə-sōlī yá̰á̰ kógə̄ḿ alé tām̄ yā ndɔ̄ gān̄g sarya tə́, tɔdɔ̄ jə-toī i tītə̄ Jeju Kərist beé dɔ nang tə́ laā.

2 PIYER 3:7

Banī dɔ rā̰ kə́ ngɔr ń toō tə́ ō, dɔ nang kə́ ngɔr ń toō tə́ ō ní, najə̄ yā Nə́ɓā kə́ kógə̄ḿ beē nəkɔ́ ń toō ngɔ̄m̄də́ i tām̄ yā hor tə́, yā kadə̄ hor nujəń kɔ̄ɔ́. Ngɔ̄mə̄n̄də́ i tām̄ yā ndɔ̄ ń a gāngə̄n̄neé sarya dɔ ngé kem ndul gə̄ tə́ ō, a nujən̄neé sedə́ kɔ̄ɔ́ ō ní tə́.

2 PIYER 2:9

Kumən na Kɔ́ɔ̄ɓē asə kɔr̄ de kə́ ngé rāā yá̰a̰ kə gō ń ni-ndigə ní gə̄ kum yá̰a̰ nāā tə́ ō, asə ngɔ̄m̄ de kə́ gōtə́ aĺ gə̄ yā rāādə́ yá̰á̰ kə́ tōr̄ ndɔ̄ gān̄g sarya tə́ ō.

2 PIYER 2:6

Nə́ɓā gān̄g sarya dɔ ɓē gə̄ kə́ Sodom tə́ ō, Gomor tə́ ō, ba nujə ɓē gə̄ ní kɔ̄ɔ́ kə horoó. I yá̰á̰ ń kadə̄ a rāā ngé kem ndul gə̄ ní n ni-rāā yá̰á̰ ń noō ɔjəńdə́ kadə̄ gerə̄n̄ ní.

Makətūbə̄ ń Pol ndang adə̄ Rom gə̄ ní 2:16

I yá̰á̰ ń toō n a teē ta kumjí tə́ wáńg ndɔ̄ ń Nə́ɓā a gāngəń sarya dɔ yá̰á̰ kə́ to loo mundə̄ tə́ yā de gə̄ tə́ kə ta kūl̄ Jeju Kərist ní. Najə̄ kə́ Majə ń m-ɔ́jə́sí ní əda i tītə̄ ń noō ō.

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

Najə̄ kə́ Majə yā Jeju ń Luk ndang ní 9:5

Ba ré de gə̄ əhɔn̄sí kə̄ rɔ̄də́ tə́ aĺ anī ī-teēī kɔ̄ɔ́ kem ɓēé ba ī-*gógī bumbə́rú kə́ njasí tə́: Nge n noō i yá̰a̰ kɔjə tə́ tām̄ yādə́ tə́.

MATIYE 12:36

Ādə̄ m-ə́dásí najə̄ kə́ bo ngá̰ý, ndɔ̄ gān̄g sarya tə́ anī de gə̄ a ɔrə̄n̄ gír najə̄ kə́ kanjə̄ kumən gə̄ malang ń nin̄-tə́dan̄ ní.

MARK 6:10

Tā anī ədadə́ na: Kújə́ kə́ rá gə̄gē ń ā údiī tū tə́ ní, ā ī-ndiī tū tə́ bátə́ kadə̄ ḭ́ḭīneé loo ń noō tə́.