MARK 5:7 - Bibəl ta Sar̄

⁷ ba əga kɔŕ ngá̰ý əda na: Jeju, Ngōn̄ Nə́ɓā kə́ dɔɔ́, yāí i rí seḿ? m̄-rāāī ɓɔ́, m̄-dəjeī kə rī Nə́ɓāá kadə̄ ī-rāām̄ yá̰á̰ kə́ tōr̄ alé.

Bible sar

⁷ ba əga kɔŕ ngá̰ý əda na: Jeju, Ngōn̄ Nə́ɓā kə́ dɔɔ́, yāí i rí seḿ? m̄-rāāī ɓɔ́, m̄-dəjeī kə rī Nə́ɓāá kadə̄ ī-rāām̄ yá̰á̰ kə́ tōr̄ alé.

MARK 5:7 Referans Kwoze

MATIYE 8:29

De gə̄ ní unən̄ ndūdə́ kə̄ dɔɔ́ ngá̰ý ədanə̄ń na: Ngōn̄ Nə́ɓā, yāí i rí sejí? Ī-reē laā i rāājí yá̰á̰ kə́ tōr̄ tə́ kété no ndɔ̄ tə́ a?

KƏLA RĀĀ 16:17

Nge kəla kə́ dəyá̰ ní tél un gōjí, Pol ō jḭḭ ō, ba əga kɔŕ əda na: De gə̄ ń toō i ngé kəla yā Nə́ɓā kə́ dɔɔ́ gə̄! Nin̄ a ɔjən̄sí i róbə́ kə́ yā kadə̄ deē un a ajə!

Makətūbə̄ ń Jud ndang ní 1:6

Ādə̄ əgā kemsí dɔ tə́ na de kə́ dɔ rā̰ tə́ gə̄ ń əya̰n̄ loo kə́ bo yādə́ ba ndɔ́tə̄n̄ kɔ̄ɔ́ loo ndidə́ tə́ ní, Nə́ɓā ngɔ̄m̄də́ gírí nang tə́, kum loo kə́ risə til nding tə́, kə súĺ kə́ a to ngándáńg, tām̄ yā ndɔ̄ ngān̄g sarya kə́ bo tə́.

MATIYE 26:63

Banī Jeju ndi kə tan kə́ mbóó. Anī ngol ngé tun̄ yá̰a̰ gə̄ ədan na: m̄-dəjeī kə rī Nə́ɓā kə́ ndi kə kumneé, ré i ḭ̄ n i Kərist, adə̄ ḭ̄ i Ngōn̄ Nə́ɓā, anī ə́dájí.

JEJU TEĒ KUM JA̰A̰ 12:12

I beé ní, dɔ rā̰ ī-rāā rɔ̄nel̄ ō, sḭḭ̄ de gə̄ ń ī-ndiī dɔ rā̰ tə́ ní, ī-rāāī rɔ̄nel̄ ō. Ba sḭḭ̄, dɔ nang ō bā bo ō ní, yá̰á̰ kə́ to kum kaȳ aĺ a əsō dɔsí tə́. Tɔdɔ̄ diabəl risə kum kə̄ dɔsí tə́ noō. Wōn̄g rāān ngá̰ý tām̄ ni-ger̄ kadə̄ kum mbang yān na̰y i ngá̰ý alé.

KƏLA RĀĀ 19:13

Jipə kə́rēý gə̄ kə́ ngé kɔr̄ gō ɓē tə̄ɓań ndíĺ kə́ majaĺ gə̄ nāān̄ ɓāŕ rī Kɔ́ɔ̄ɓē Jeju dɔ ngé ndíĺ kə́ majaĺ gə̄ tə́ ō, nin̄-ədan̄ na: Ī-teē kɔ̄ɔ́ kə ta kūl̄ rī Jeju ń Pol ɔjə najə̄ yān ní!

Najə̄ kə́ Majə yā Jeju ń Luk ndang ní 8:28

Dan ń a̰a̰ Jeju anī əga kɔŕ ngá̰ý ō, əsō kə̄ nang tə́ njan tə́ ō, ba un ndūn kə̄ dɔɔ́ ədań ngá̰ý ɓororo na: Jeju, Ngōn̄ Nə́ɓā kə́ dɔɔ́, yāí i rí seḿ? m̄-rāāī ɓɔ́ ba ī-lōō rāām̄ yá̰á̰ kə́ tōr̄.

MARK 3:11

Dan ń ndíĺ kə́ yḛr gə̄ gə̄gē a̰ā̰n̄ Jeju anī, teē tə́sōn̄ nang tə́ non tə́, ba əgan̄ kɔŕ ədan̄ na ni na i Ngōn̄ Nə́ɓā.

MATIYE 4:3

Loo ń noō tə́ diabəl reē rɔ̄n tə́ ngɔr ba ədan na: Ré ḭ̄ i Ngōn̄ Nə́ɓā anī, ə́da kūbə̄rū mbal̄ gə̄ ń toō ādə̄ télən̄ mápa.

1 JA̰A̰ 3:8

De kə́ nge rāā majaĺ i deē yā diabəl, tɔdɔ̄ diabəl rāā majaĺ i ta kəla gíŕ tə́ beē.

2 PIYER 2:4

Tɔdɔ̄ de kə́ dɔ rā̰ tə́ gə̄ ń rāān̄ majaĺ ní, Nə́ɓā əya̰də́ karī alé, banī ɓōkə́də́ loo kə́ yá̰á̰ kə́ tōr̄ a rāādə́ tū tə́ tə́. Tó̰ō̰n̄də́ kə súĺ ba ngōmə̄n̄də́ loo ngeé ń noō tə́ kum til tə́, yā ngóoń ndɔ̄ gān̄g sarya.

MARK 1:24

Jeju kə́ Najaret, yāí i rí sejí? Ī-reē i nujəjí tə́ a? m̄-ger̄ majə kadə̄ ḭ̄ i nge kə́ táĺ yā Nə́ɓā.

MATIYE 16:16

Simo̰ Piyer ə́dan na: Ḭ̄ i Kərist Ngōn̄ Nə́ɓā kə́ ndi kə kumneé.

OJEE 14:8

De gə̄ kə́ Israel tə́ a télən̄ yā reē ndi ndílə́ḿ tə́. Nin̄ a ndɔrə̄n̄ gémē gogə́ ō, a hútə̄n̄ tītə̄ kāgə̄ nduú beē ō, rīdə́ a ɓār̄ ngá̰ý tītə̄ yā kasə nduú kə́ Liban tə́ beē ō.

1 MBAN̄G GƏ̄ 22:16

Anī mban̄g tél əda Mise na: I nja kóndóńg n kə m̄-rā seí kadə̄ ə̄nī míndí ādə̄m̄ kadə̄ i najə̄ kə́ rɔ̄kum kə́ kə rī Kɔ́ɔ̄ɓēé ngóy n kə ə́dam̄ ní?

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.

HEBƏRO 7:1

Melkisedek ngeé ń toō ni i mban̄g kə́ Salem tə́ ō, nge tun̄ yá̰a̰ yā Nə́ɓā kə́ dɔɔ́ ō. Dan ń Abəraham tetə mban̄g gə̄ rɔ̄ɔ̄ ba a tél a reē kə̄ ɓēé anī, Melkisedek ɔjə non ba tɔ́r̄ tan dɔn tə́.

HEBƏRO 2:14

Ba dan ń ngán gə̄ aw̄n̄ kə dā̰ rɔ̄də́ ō, kə mósə́də́ ō ní, Jeju nəkɔ́ tél to tītə̄də́ ō, adə̄ ni-aw̄ kə dā̰ rɔ̄ tītə̄ yādə́ ō. Ni-rāā tītə̄ noō i yā nujəń diabəl kə ta kūl̄ koyn. Diabəl i nge ń tɔ́gə yā yo i gír jīn tə́ ní.

KƏLA RĀĀ 8:36

Dan ń unən̄ róbə́ á ugə̄n̄ loo ń man̄ i tū tə́ ní tə́ anī de kə́ bo ní əda na: Man̄ n toó ō ba i rí n ɔgə̄ kadə̄ ī-rāām̄ batém ní?

JA̰A̰ 20:31

Banī ndangən̄ ngé gə̄ ń toō i yā kadə̄ ī-taāī kem kadə̄ Jeju i Kərist, ni i Ngōn̄ Nə́ɓā. Ba ré sḭḭ̄ ī-taāī kemən anī, ā ə́ngeī ndi kə kumuú kə ta kūl̄neé.

Najə̄ kə́ Majə yā Jeju ń Luk ndang ní 6:35

Ba sḭḭ̄, ī-táriī madə̄ ba̰ā̰sí gə̄ ō, ī-rāāī majə kə de gēé ō, ādī yá̰a̰ loo tə̄nā tə́ kanjə̄ kəndā kemsí dɔ tél kənge yá̰á̰ ní gogə́ ō. Loo ń noō tə́ ā ə́ngeī yá̰a̰ kəndā nja kə́ ngá̰ý ō, ā ī-téliī ngáń Nə́ɓā kə́ dɔɔ́ gə̄ ō. Tɔdɔ̄ ni-rāā kem majə kə ngé ger̄ kem majə yān aĺ gə̄ ō, kə ngé kem ndul gə̄ ō.

Najə̄ kə́ Majə yā Jeju ń Luk ndang ní 4:34

Ajá, Jeju kə́ Najaret, yāí i rí sejí? Ī-reē i nujə sejí tə́ kɔ̄ɔ́ a? m̄-gerī majə, ḭ̄ i Nge kə́ táĺ yā Nə́ɓā.

Najə̄ kə́ Majə yā Jeju ń Luk ndang ní 1:32

Ni a tél de kə́ bo ō, a ɓāŕnən̄ na i Ngōn̄ Nə́ɓā kə́ dɔɔ́ ō. Kɔ́ɔ̄ɓē Nə́ɓā a rāā kadə̄ ni a ndi dɔ kōr̄ kāgə̄ mbang tə́ gotə kaan Dabid tə́.

MARK 14:61

Jeju tél ədadə́ najə̄ alé, ba ndi kə tan kə́ mbóó. Anī ngol ngé tun̄ yá̰a̰ gə̄ dəjen najə̄ ɓáý to̰, ədan na: Ḭ̄ i Kərist, Ngōn̄ Nge ń de gə̄ a rɔȳnən̄ ní a?

Makətūbə̄ ń Pol ndang adə̄ Rom gə̄ ní 16:20

Na̰y i ngɔr kadə̄ Nə́ɓā kə́ nge kadə̄ de gə̄ kem sɔl̄ lɔm a rējə̄ Sətan kɔ̄ɔ́ gír njasí tə́. Ādə̄ Kɔ́ɔ̄ɓē yājí Jeju rāā kem majə sesí.

MARK 5:6

Ni-a̰a̰ Jeju kə̄ sa̰y anī, a̰ȳ ngɔ̄də̄, reē ɔsə non nang tə́ non tə́,

MARK 5:8

I tɔdɔ̄ Jeju ədan na: Ndíĺ kə́ yḛr ī-teē kem deē ń toō tə́ kɔ̄ɔ́.

JAKƏ 2:19

Ré ī-taā kem kadə̄ Nə́ɓā i kal kógə̄ḿ beē anī, ī-rāā i yá̰á̰ kə́ majə, ba ndíĺ kə́ majaĺ gə̄ taān̄ kem ō, ɓōĺ rāādə́ adə̄ ndewn̄ yakə yakə ō.