MARK 4:8 - Bibəl ta Sar̄

⁸ Ngé kə́rēý gə̄ tə́sōn̄ i dɔ nang kə́ majə tə́. Adə̄ əɓan̄ ō, tɔgən̄ ō, ojən̄ ba edə̄n̄ kum ō. Adə̄ ni kə́ kógə̄ḿ teē kum madə̄ kutə mətá ō, ni kə́ rang kutə mehḛ́ ō, ni kə́ rang ɓú kógə̄ḿ ō.

Bible sar

⁸ Ngé kə́rēý gə̄ tə́sōn̄ i dɔ nang kə́ majə tə́. Adə̄ əɓan̄ ō, tɔgən̄ ō, ojən̄ ba edə̄n̄ kum ō. Adə̄ ni kə́ kógə̄ḿ teē kum madə̄ kutə mətá ō, ni kə́ rang kutə mehḛ́ ō, ni kə́ rang ɓú kógə̄ḿ ō.

MARK 4:8 Referans Kwoze

JA̰A̰ 15:5

Mā i kāgə̄ nduú, ba sḭḭ̄ i ta jīn gə̄. Deē ń ndi kemḿ tə́ ō mā m̄-ndi kemən tə́ ō ní, a a̰a̰n̄ ngá̰ý. Tɔdɔ̄ kanjə̄ḿ anī, sḭḭ̄ ā ásiī rāā yá̰á̰ kógə̄ḿ alé.

KOLOSƏ 1:6

Najə̄ kə́ Majə aw̄ kum kə̄ kété ō, ojə yá̰á̰ kə́ majə ō, kə̄ loo gə̄ tə́ malang dɔ nang tə́ tītə̄ ń rāań yá̰a̰ dɔ dáńsí tə́ ní. Əla gír rāā yá̰á̰ ní i ndɔ̄ kə́ ta kəga dɔ ń sḭḭ̄ ōōīneé najə̄ rajə ń Nə́ɓā rajəsí tə́ ní ō, ndɔ̄ ń kumsí teēń dɔ tə́ kə́ rɔ̄kum tə́ ní ō.

MARK 4:20

De kə́rēý gə̄ i tītə̄ kōō ń tə́sō dɔ nang kə́ majə tə́ ní. Nin̄-oōn̄ najə̄, ba taān̄ najə̄ ní, adə̄ kumdə́ to. Kum kə́rēý gə̄ i kutə mətá ō, kə́rēý gə̄ i kutə mehḛ́ ō, kə́rēý gə̄ i ɓú ō.

TA KƏLA 26:12

Kem ɓāl̄ ngeé ń noō tə́, Isaak dubə̄ kōō anī ənge ngá̰ý, kum kōō kógə̄ḿ ojə madə̄ i ɓú, tɔdɔ̄ Kɔ́ɔ̄ɓē rāā majə seneé.

KƏLA RĀĀ 17:11

Kem Jipə kə́ Bere tə́ gə̄ majə tɔȳ yā ngé kə́ Tesalonik tə́ gə̄. Nin̄-ndigən̄ najə̄ yā Nə́ɓā láẃ ngá̰ý ō, əndān̄ ma̰ȳ najə̄ kə́ ndang kem makətūbə̄ yā Nə́ɓā tə́ kə dɔ ndɔ̄ gə̄, yā ka̰a̰ń ké najə̄ ń Pol əda ní ké i rɔ̄kum wa ō.

MATIYE 13:8

Kumən kə́rēý gə̄ tə́sōn̄ i nang kə́ majə tə́, adə̄ ɔrə̄n̄ dɔdə́ ō, edə̄n̄ kum ngá̰ý ō. Dɔn kə́rēý gə̄ edən̄ kum ɓú kógə̄ḿ ō, ngé kə́rēý gə̄ kutə mehḛ́ ō, kə́rēý gə̄ kutə mətá ō. Gō tə́ anī Jeju əda na:

JEREMI 23:29

Najə̄ yāḿ to i tītə̄ hor kə́ o̰o̰ loo ō, i tītə̄ mūú kə́ tɔ̄ɔ̄ mbal̄ adə̄ tetə ndujə̄ ō aĺ a? Najə̄ ń Kɔ́ɔ̄ɓē əda ní n noó.

PILIPƏ 1:11

Sḭḭ̄ ā ī-rāāī yá̰á̰ kə́ gō tə́ gə̄ ngá̰ý kə ta kūl̄ Jeju Kərist yā kɔsəń gɔn Nə́ɓā ō, yā ɓōkə́nəń tɔ̄ȳ ō.

JA̰A̰ 7:17

Ré deē kógə̄ḿ gḛy rāā yá̰á̰ ń kem Nə́ɓā ndigə ní anī, a ger̄ ké yá̰á̰ ń m̄-ndóō de gə̄ ní ḭḭ rɔ̄ Nə́ɓā tə́, aké m-ɔ̄r̄ najə̄ i kə dɔḿ mə̄kɔ́ wa.

Najə̄ kə́ Majə yā Jeju ń Luk ndang ní 8:15

Ngé gə̄ ń tə́sōn̄ nang kə́ majə tə́ ní, i ngé gə̄ ń oōn̄ najə̄ yā Nə́ɓā i kə kem kə́ súmūú ō, kə́ majə ō, əren̄ tadə́ nják ngɔ̄mə̄n̄ najə̄ ní adə̄ kumdə́ to ō ní.

Najə̄ kə́ Majə yā Jeju ń Luk ndang ní 8:8

Kə́rēý gə̄ tə́sōn̄ i nang kə́ majə tə́, adə̄ əɓan̄ ō edə̄n̄ kum ngá̰ý ō. Kumən kógə̄ḿ teē madə̄ asə ɓú. Dan ń Jeju ɔr̄ najə̄ ní oy anī, un ndūn kə̄ dɔɔ́ ədań ɓororo na: Deē ń aw̄ kə mbīneé yā koōń loo anī ādə̄ kɔ́ɔ̄ oō.

MATIYE 13:23

Ngé gə̄ ń tə́sōn̄ dɔ nang kə́ majə tə́ ní i ngé gə̄ ń oōn̄ najə̄, ba gerə̄n̄ kum, adə̄ kumdə́ to ní. Kum kə́rēý gə̄ i ɓú ō, kə́rēý gə̄ i kutə mehḛ́ ō, kə́rēý gə̄ i kutə mətá ō.

IJAI 58:1

Kɔ́ɔ̄ɓē əda na: Ī-teē ngaāí ngá̰ý ə́gań kɔŕ! Ī-lōō kəhɔ rɔ̄í! Ī-rāā ndūí ādə̄ ɓār̄ tītə̄ bərúnjə beé! Ɔ́jə́ gír deē yāḿ gə̄ yá̰a̰ rāādə́ kə́ gōtə́ aĺ gə̄, ɔ́jə kojə yā Jakob gə̄ majaĺ yādə́ gə̄.

MARK 4:7

Ngé kə́rēý gə̄ tə́sōn̄ i dan kōn̄ gə̄ tə́. Kōn̄ gə̄ ní tɔgən̄ taān̄ dɔdə́ kɔ̄ɔ́, adə̄ nin̄-a̰a̰nə̄n̄ alé.

MARK 4:9

Gō tə́ anī Jeju əda na: Náā nəkɔ́ ń aw̄ kə mbīneé yā koōń najə̄ anī, ādə̄ kɔ́ɔ̄ oō!

EPEJƏ 2:21

I ni n i nge rāā kadə̄ kújə́ ní ra ngan̄g kə taá ní ō, nge rāā kadə̄ kújə́ ni-ngāl̄ kə̄ dɔɔ́, yā kadə̄ téĺ kújə́ kə́ kɔr̄ kam̄ tām̄ yā Kɔ́ɔ̄ɓē tə́ ō ní.