MARK 4:39 - Bibəl ta Sar̄

³⁹ Ni ndól̄ anī ndán̄g nél, ba əda bā bo na: Asiī, ī-ra jəke! Adə̄ nél gān̄g kɔ̄ɔ́, ba loo tél to kúkúkú.

Bible sar

³⁹ Ni ndól̄ anī ndán̄g nél, ba əda bā bo na: Asiī, ī-ra jəke! Adə̄ nél gān̄g kɔ̄ɔ́, ba loo tél to kúkúkú.

MARK 4:39 Referans Kwoze

PĀ GƏ̄ 107:29

Kɔ́ɔ̄ɓē rāā adə̄ nél balway ń əla ní dəba ō, bəngál man̄ gə̄ tél ton̄ jəke ō.

PĀ GƏ̄ 89:9

Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, Kɔ́ɔ̄ɓē, i náā n ngan̄g tītīí? Yá̰á̰ kə́ rɔ̄kum gīr̄ gidií.

PĀ GƏ̄ 65:7

Ḭ̄ ī-tə́ndā mbal̄ bo gə̄ ādə̄ ran̄ ngan̄g gotə kógə̄ḿ kə tɔ́gí. Ī-do̰ō̰ kəhɔ rɔ̄ tɔgə ndāŕ tə́ ɓōdīí tə́.

PĀ GƏ̄ 29:10

Kɔ́ɔ̄ɓē ndi dɔ man̄ kə́ taā loo tə́, ni-ndi mban̄g ngándáńg.

JEREMI 5:22

Ā ī-ɓōlíī ndílə́ḿ aĺ a? Mā ń m-ə̄ndā nán̄g ngárə̄ḿnjēý m̄-gāngəń gír ba bo ō, m-əndān m-ādə̄ i dɔ nin̄ kə́ a to ngándáńg kə́ ni asə mān̄ dɔ aĺ ō ní? A ī-ndebiī ta kumḿ tə́ aĺ a? Najə̄ ń Kɔ́ɔ̄ɓē əda ní n noó. Bəngálən gə̄ ḭḭn̄, banī tɔ́gə́də́ gətóo. Kōōdə́ ɓār̄ a mānə̄n̄ dɔn alé.

Gōsə̄ najə̄ gə̄ 8:29

Ni-əja nja loo adə̄ bā bo kadə̄ mān̄ dɔ tə́ alé. Ni-əndā gír dɔ nang.

PĀ GƏ̄ 148:8

hor ō, kɔ̄sə̄ ō, néjə ō, díḿsir ō, nél man̄ kə́ a əla kə tɔ́gɔ́ kə́ a rāā yá̰á̰ ń ni-əda ní ō,

Makətūbə̄ yā Job 38:11

ba m-ə́dan na: Ā ī-reē bátə́ yā kugə̄ loo ń toō tə́ laā, ba ā ī-mān̄ dɔ loo ń toō alé. A̰á̰ā̰, bəngál man̄ yāí gə̄ ń ɔjən̄ rɔ̄də́ ngá̰ý ní, a dəban̄ loo ń toō tə́ laā!

Teē Ngán Israel gə̄ 14:22

Adə̄ ngán Israel gə̄ mānə̄n̄ dan bā bo tə́ kanjə̄ kadə̄ man̄ ɔdə njadə́. Man̄ ḭḭ ra dɔ jīdə́ jōó tītə̄ ndogə̄ mbal̄ beé.

MARK 9:25

Dan ń Jeju a̰a̰ kósə de gə̄ ń a reēn̄ kə ngɔ̄dɔ̄ɔ́ yā kán̄ naā ní anī, əda ndíĺ kə́ yḛr ngeé ń toō najə̄ kə ngangāá, əda na: Ḭ̄ ndíĺ kə́ nge rāā de gə̄ kadə̄ ɔrə̄n̄ najə̄ aĺ ō, oōn̄ najə̄ aĺ ō, m-ə́daī wáńg, ī-teē kemən tə́ kɔ̄ɔ́, ba údə gogə́ to̰ alé.

Teē Ngán Israel gə̄ 14:16

Kə un kāgə̄-jī yān, kə əla kum kə̄ dɔ bā bo tə́, kə gāngəń bā bo naā tə́ jōó kadə̄ ngán Israel gə̄ mānə̄n̄ danaá.

Najə̄ kə́ Majə yā Jeju ń Luk ndang ní 4:39

Jeju nōr̄ kə̄ dɔ dəyá̰ ní tə́ ba ɔr̄ najə̄ kə mo̰y gajaá kə tɔ́gɔ́ anī mo̰y gajə əya̰n. Dəyá̰ ní ḭḭ dɔɔ́ kə̄ ta jī tə́ beē rāā yá̰a̰ kəsa adə̄də́.

NAHUM 1:4

Ni ndán̄g bā bo, anī bā bo iī. Ni-rāā adə̄ ngán man̄ gə̄ malang gətóon̄ kɔ̄ɔ́ kem kār̄də́ gə̄ tə́. Anī loo gə̄ ń a aw̄n̄ kə yá̰a̰ kul̄ gēé ko̰ó̰ tū tə́ dɔ nang kə́ Basan tə́ ō, mbal̄ bo kə́ Karmel ō ní, yá̰a̰ malang kə́ ndi kə kumneé gətóo tū tə́ kɔ̄ɔ́ ō, hútə̄ yá̰a̰ gə̄ kə́ Liban ndəlén̄ kɔ̄ɔ́ ō.

NŌŌ RƆ̄ 3:31

Tɔdɔ̄ Kɔ́ɔ̄ɓē a mbātə́ de kə́ njɔ́ḿ gə̄ tə́ alé.

MATIYE 8:26

Jeju ədadə́ na: Sḭḭ̄ ngé taā kem mámák aĺ gə̄, ī-ɓōlíī i tām̄ rí tə́? Tā anī ḭḭ dɔɔ́ ndán̄g nél ō, bā bo ō, anī loo tél to kúkúkú.

MARK 4:38

Ba Jeju to a ɓīī kə̄lá to tə́ dɔ yá̰a̰ taā gír dɔ tə́. Anī nin̄-ndól̄nən̄ ba ədanən̄ na: Ngoljí, tají a tḭ̄ḭ̄ ní usiī aĺ a?

Najə̄ kə́ Majə yā Jeju ń Luk ndang ní 4:35

Jeju ndán̄g ndíĺ kə́ majaĺ ní ba ədan na kə utə̄ tan ō, kə teē kɔ̄ɔ́ kem deē ń noō tə́ ō. Anī ndíĺ kə́ majaĺ ní ənī deē ní nang tə́ ta kum de gə̄ tə́ malang ba teē kemən tə́ kɔ̄ɔ́ kanjə̄ rāā yá̰á̰ kógə̄ḿ kə́ majaĺ seneé.

Najə̄ kə́ Majə yā Jeju ń Luk ndang ní 8:24

Ngé ndóō yá̰a̰ gə̄ ndɔ́tə̄n̄ kə̄ rɔ̄ Jeju tə́ ngɔr, ndól̄nən̄ dɔ ɓīī tə́ ba ədanən̄ na: Ngoljí, ngoljí, tají a tḭ̄ḭ̄! Jeju ndól̄, ba ndán̄g nél ō, bəngál man̄ ō adə̄ dəban̄. Loo tél to kúkúkú kɔ̄ɔ́.