MARK 4:37 - Bibəl ta Sar̄

³⁷ Nél kə́ bo ngá̰ý kógə̄ḿ əsō maná, rāā adə̄ bəngál man̄ aw̄ kə̄ kem toó, kem toó, adə̄ man̄ a rāā loo rosə kem to.

Bible sar

³⁷ Nél kə́ bo ngá̰ý kógə̄ḿ əsō maná, rāā adə̄ bəngál man̄ aw̄ kə̄ kem toó, kem toó, adə̄ man̄ a rāā loo rosə kem to.

MARK 4:37 Referans Kwoze

Makətūbə̄ yā Job 1:19

anī nél balway kógə̄ḿ kə́ əla kə tɔ́gɔ́ ḭḭ dām̄ kə́ mángá tə́, reē mbəre kújə dām̄ kílən kə́ sɔ́ gə̄ tə́, adə̄ əsō dɔ ngání kə́ balsáa gə̄ ō kə́ mandə gə̄ ō tə́, adə̄ oyn̄ malang. I mā ngóy n m̄-teē á m̄-reē kadə̄ m-ə́daī ní.

JONAS 1:4

Banī Kɔ́ɔ̄ɓē rāā adə̄ nél kógə̄ḿ kə́ əla kə ngangá ngá̰ý əsō dɔ bā bo tə́. Nél man̄ ní əla kə tɔ́gɔ́ ngá̰ý kə́ too bo a sāā i tɔ̄ɔ̄.

Makətūbə̄ yā Job 1:12

Anī Kɔ́ɔ̄ɓē tél əda nge sekə́ de gə̄ na: Majə, yá̰a̰ kənge yān malang ní, m-ə́ya̰ m-ādə̄ ī-rāań yá̰á̰ ń kemií ndigə ni. Ba ī-lōō kəla jīí kɔdəń rɔ̄n. Loo ń noō tə́ nge sekə́ de gə̄ ɔtə kɔ̄ɔ́ ta kum Kɔ́ɔ̄ɓē tə́.

2 KORḚNTƏ 11:25

Rom gə̄ əndamə̄n̄ kə ndéy mərawaá nja i mətá ō, de gə̄ sāān̄ tɔ̄lə̄m̄ nja kógə̄ḿ ō, tɔdɔ̄ tə́nīmə̄n̄ kə mbalá. To bɔɔ seḿ nja mətá, m̄-rāā ndɔ̄ kógə̄ḿ ō kadə kógə̄ḿ ō dan ɓūl̄ man̄ tə́.

KƏLA RĀĀ 27:41

Nin̄-reē ugə̄n̄ dɔ tɔ̄ɔ̄ man̄ kógə̄ḿ kə́ man̄ a nūgə́ dɔ jī jōó tū tə́ tə́ anī to bo əga nang. Adə̄ loo kaw̄ kə̄ kété gətóo ō, loo tél kə̄ gogə́ gətóo ō. Ta bay to mān̄ udə nángāá ba ra gotoó beé, ba kə̄lán tá bəngál man̄ əndan ngá̰ý, adə̄ ró̰ȳ ta naā tə́ sá sángə́láńg kɔ̄kə́.

MARK 4:36

Nin̄-əya̰n̄ kósə de gə̄ ba aw̄n̄ kə Jeju kem to ń ni-ndi kemeé ní tə́, ba to kə́ rang gə̄ ndin̄ kadən tə́ ō.

MARK 4:38

Ba Jeju to a ɓīī kə̄lá to tə́ dɔ yá̰a̰ taā gír dɔ tə́. Anī nin̄-ndól̄nən̄ ba ədanən̄ na: Ngoljí, tají a tḭ̄ḭ̄ ní usiī aĺ a?