MARK 4:20 - Bibəl ta Sar̄

²⁰ De kə́rēý gə̄ i tītə̄ kōō ń tə́sō dɔ nang kə́ majə tə́ ní. Nin̄-oōn̄ najə̄, ba taān̄ najə̄ ní, adə̄ kumdə́ to. Kum kə́rēý gə̄ i kutə mətá ō, kə́rēý gə̄ i kutə mehḛ́ ō, kə́rēý gə̄ i ɓú ō.

Bible sar

²⁰ De kə́rēý gə̄ i tītə̄ kōō ń tə́sō dɔ nang kə́ majə tə́ ní. Nin̄-oōn̄ najə̄, ba taān̄ najə̄ ní, adə̄ kumdə́ to. Kum kə́rēý gə̄ i kutə mətá ō, kə́rēý gə̄ i kutə mehḛ́ ō, kə́rēý gə̄ i ɓú ō.

MARK 4:20 Referans Kwoze

KOLOSƏ 1:10

I beé n háĺsí a rɔȳń Kɔ́ɔ̄ɓē ō, ā ī-rāāiń yá̰á̰ kə́ nelə̄n ō ní. Ā ī-rāāī yá̰a̰ malang kə́ majə ō, ā ī-gerī Nə́ɓā kum kə̄ kété kété ō.

Najə̄ kə́ Majə yā Jeju ń Luk ndang ní 8:15

Ngé gə̄ ń tə́sōn̄ nang kə́ majə tə́ ní, i ngé gə̄ ń oōn̄ najə̄ yā Nə́ɓā i kə kem kə́ súmūú ō, kə́ majə ō, əren̄ tadə́ nják ngɔ̄mə̄n̄ najə̄ ní adə̄ kumdə́ to ō ní.

MARK 4:8

Ngé kə́rēý gə̄ tə́sōn̄ i dɔ nang kə́ majə tə́. Adə̄ əɓan̄ ō, tɔgən̄ ō, ojən̄ ba edə̄n̄ kum ō. Adə̄ ni kə́ kógə̄ḿ teē kum madə̄ kutə mətá ō, ni kə́ rang kutə mehḛ́ ō, ni kə́ rang ɓú kógə̄ḿ ō.

MATIYE 13:23

Ngé gə̄ ń tə́sōn̄ dɔ nang kə́ majə tə́ ní i ngé gə̄ ń oōn̄ najə̄, ba gerə̄n̄ kum, adə̄ kumdə́ to ní. Kum kə́rēý gə̄ i ɓú ō, kə́rēý gə̄ i kutə mehḛ́ ō, kə́rēý gə̄ i kutə mətá ō.

2 PIYER 1:8

Háĺ kə́ majə gə̄ ń sɔɔ̄ kadə̄ sḭḭ̄ āwīneé ní n noó. Ba ré háĺ kə́ majə gə̄ ngeé ń toō āwīneé ngá̰ý anī, i nin̄ n a rāān̄sí kadə̄ ā ī-rāāī kəla ō, ā ī-gerī Kɔ́ɔ̄jí Jeju Kərist kum kə̄ kété kété ō ní.

TA KƏLA 26:12

Kem ɓāl̄ ngeé ń noō tə́, Isaak dubə̄ kōō anī ənge ngá̰ý, kum kōō kógə̄ḿ ojə madə̄ i ɓú, tɔdɔ̄ Kɔ́ɔ̄ɓē rāā majə seneé.

Makətūbə̄ ń Pol ndang adə̄ Rom gə̄ ní 7:4

Ngákó̰ó̰ḿ gə̄, yāsí i tītə̄ ń noō ō tām̄ yā ndū najə̄ tə́, tɔdɔ̄ dan ń sḭḭ̄ ī-ɓooī naā kə Kərist ní, sḭḭ̄ i de kə́ koy kɔ̄ɔ́ gə̄ ō, adə̄ sḭḭ̄ i yā de kə́ rang. Sḭḭ̄ i de gə̄ yā Kərist ń ndól̄ dan de kə́ koy gə̄ tə́ ní kadə̄ jə-rāāiń yá̰á̰ kə́ majə gə̄ tām̄ yā Nə́ɓā tə́.

JA̰A̰ 15:16

I sḭḭ̄ n ī-gə̄rāmī ní alé, ba i mā n m̄-gə̄rāsí ní. M-ə̄ndā dɔsí tə́ kadə̄ āwī ō, kadə̄ ā̰ā̰nī ngá̰ý ō, kadə̄ ka̰a̰n̄sí to gotoó ō. Loo ń noō tə́ Bɔbə́ḿ a adə̄sí yá̰a̰ malang ń ā ī-dəjeniī kə rīḿ ní.

1 TESALONIK 4:1

Yā tɔ̄ləń ta ní, ngákó̰ó̰jí gə̄, háĺ kə́ kadə̄ nel̄ Nə́ɓā ní, sḭḭ̄ ī-ndóōī rɔ̄jí tə́, adə̄ i ni n ī-rāāī ní. Ba ngɔlaā ń toō ní jə-dəjesí ō, jə-rāāsí ɓɔ́ kə rī Kɔ́ɔ̄ɓē Jeju ō, kadə̄ ī-rāāī kadə̄ majə tɔȳ kə́ kété.

PILIPƏ 1:11

Sḭḭ̄ ā ī-rāāī yá̰á̰ kə́ gō tə́ gə̄ ngá̰ý kə ta kūl̄ Jeju Kərist yā kɔsəń gɔn Nə́ɓā ō, yā ɓōkə́nəń tɔ̄ȳ ō.

MATIYE 13:8

Kumən kə́rēý gə̄ tə́sōn̄ i nang kə́ majə tə́, adə̄ ɔrə̄n̄ dɔdə́ ō, edə̄n̄ kum ngá̰ý ō. Dɔn kə́rēý gə̄ edən̄ kum ɓú kógə̄ḿ ō, ngé kə́rēý gə̄ kutə mehḛ́ ō, kə́rēý gə̄ kutə mətá ō. Gō tə́ anī Jeju əda na:

JA̰A̰ 15:2

Ta jīḿ gə̄ ń anə̄n̄ aĺ ní, ni a jén̄gdə́ kɔ̄ɔ́. Ba ta jīḿ gə̄ malang ń anə̄n̄ ní, ni a tɔ́r̄də́ kadə̄ anə̄n̄ ngá̰ý mān̄ kə́ kété.