MARK 4:15 - Bibəl ta Sar̄

¹⁵ De kə́rēý gə̄ i kadə róbə́ ń najə̄ əsō tū tə́ ní. Loo ń oōn̄ najə̄ oy anī, kə̄ ta jī tə́ noō Sətan reē, ba taā najə̄ ń Nə́ɓā əndā kemdə́ tə́ ní kɔ̄ɔ́.

Bible sar

¹⁵ De kə́rēý gə̄ i kadə róbə́ ń najə̄ əsō tū tə́ ní. Loo ń oōn̄ najə̄ oy anī, kə̄ ta jī tə́ noō *Sətan reē, ba taā najə̄ ń Nə́ɓā əndā kemdə́ tə́ ní kɔ̄ɔ́.

MARK 4:15 Referans Kwoze

1 PIYER 5:8

Əhɔī rɔ̄sí dɔ yá̰á̰ tə́ ba ī-lōōī rāā yá̰a̰ kadə̄ mān̄ dɔ majən ō, á̰a̰ī já̰já̰ dɔ rɔ̄sí tə́ ō! Tɔdɔ̄ madə̄ ba̰ā̰sí ń i diabəl ní, a ənī gir̄ gində̄ gidə loo tə́ tītə̄ ɓɔl kə́ a nōō beé, a sāań de kə́ yā kadə̄ n-əhɔ n-rə́yā̰n naā tə́ ba n-əsan.

MATIYE 13:19

Ngé gə̄ ń oōn̄ najə̄ kə́ dɔ Ɓē ko̰o̰ tə́ ba gerə̄n̄ kum aĺ ní, nin̄-ton̄ i tītə̄ bɔ̄gə̄ róbə́ ń kōō tə́sō tū tə́ ní. Ndíĺ kə́ nge ngól̄ loo gə̄ reē nār̄ yá̰á̰ ń dubə̄n̄ kemdə́ tə́ ní kɔ̄ɔ́.

2 KORḚNTƏ 2:11

yā kadə̄ Sətan dumə̄ńjí kə gól̄ loo yānneé alé, tɔdɔ̄ jə-gerī yá̰á̰ ń ni-sāā rāā ní.

Najə̄ kə́ Majə yā Jeju ń Luk ndang ní 8:12

Ngé gə̄ ń tə́sōn̄ kadə róbə́ tə́ ní i de gə̄ ń oōn̄ najə̄ yā Nə́ɓā ba gō tə́ anī diabəl reē ɔr̄ najə̄ ní kemdə́ tə́ kɔ̄ɔ́, na sōgə́ taān̄ kem kadə̄ ajən̄.

MARK 4:4

Dan ń a ənda kōō ní anī, kə́rēý gə̄ tə́sōn̄ bɔ̄gə̄ róbə́ tə́, adə̄ yel̄ gə̄ reē əsan̄ kɔ̄kə́.

KƏLA RĀĀ 5:3

Anī Piyer ədan na: Ananias, i tām̄ rí tə́ á ī-rāā yá̰á̰ ń Sətan ədaī ní? Ḭ̄ ī-sor̄ Ndíĺ kə́ Táĺ ba ɔ̄r̄ ta nar gír loo yāí ə́ga gidə yāí tə́.

IJAI 53:1

Najə̄ kə́ kijə ń j-oō ní, i náā n taā kem ní? I náā n a̰a̰ tɔ́gə yā Kɔ́ɔ̄ɓē ger̄ ní?

JEJU TEĒ KUM JA̰A̰ 20:10

Diabəl ń rāādə́ adə̄ ndúmə̄n̄ ní, ənīnən̄ kum bundūm̄ hor bursu tə́ loo ń dā̰ ō, nge koō ta kə́ rɔ̄kum aĺ ō i tū tə́ ní tə́. Yá̰á̰ kə́ tōr̄ a rāādə́ kadaá ō, ndɔ̄ɔ́ ō, kə dɔ ɓāl̄ gə̄ ɓāl̄ gə̄.

JEJU TEĒ KUM JA̰A̰ 20:7

Dan ń ɓāl̄ kə́ dūbú kógə̄ḿ ní asə anī, a tútən̄ súĺ kɔ̄ɔ́ rɔ̄ Sətan tə́ ō, a ɔr̄nən̄ kɔ̄ɔ́ kújə dəngáy yān tə́ ō.

HEBƏRO 2:1

I tām̄ najə̄ ń toō tə́ n majə kadə̄ j-əhɔī gō najə̄ gə̄ ń j-oōī ní adə̄ ngan̄g tɔȳ kə́ kété ní, na sōgə́ jə-ndúmī ta róbə yā kadə tají tḭ̄ḭ̄.

2 TESALONIK 2:9

Nge mbātə́ ndū najə̄ ní, a reē i kə tɔ́gə yā Sətan ō, kə gíŕ yá̰á̰ kə́ yáā gə̄ malang ō, kə yá̰á̰ kə́ to kɔr kum kə́ rɔ̄kum aĺ gə̄ ō,

MATIYE 22:5

Banī usə de gə̄ ń ni-ɓāŕdə́ ní sḛ́ý aĺ bátə́, adə̄ aw̄n̄ kə̄ loo yādə́ gə̄ tə́. Nge kógə̄ḿ ɔtə aw̄ ndɔr̄ yān tə́ ō, nge kə́rēý ɔtə aw̄ gātə̄ yān tə́ ō,

JEJU TEĒ KUM JA̰A̰ 12:9

Adə̄ dā̰ kə́ to ɓōĺ kə́ bo ngá̰ý ń i lī kə́ jóó ń a ɓāŕnən̄ na i diabəl ō, Sətan ō ní, ni ń i nge gól̄ de gə̄ malang kə́ dɔ nang tə́ ní, mbəre ənīnən̄ dɔ nang tə́, naā tə́ kə deē yān kə́ dɔ rā̰ tə́ gēé.

MATIYE 4:10

Anī Jeju tél ədan na: Āw̄ kɔ̄ɔ́, Sətan! Tɔdɔ̄ ndangən̄ kem makətūbūú ədan̄ na: I Kɔ́ɔ̄ɓē Nə́ɓā yāí ngóy n ā ī-rɔȳn ō, i ni ngóy n ā ī-rāā kəla yān ō ní.

JAKARI 3:1

Kɔ́ɔ̄ɓē rāā adə̄ m-á̰a̰ ngol ngé tun̄ yá̰a̰ gə̄ ń i Yesua ní. Ni-ra kə njan kə́ dɔɔ́ no de kə́ dɔ rā̰ tə́ yā Kɔ́ɔ̄ɓē tə́. Sətan ń i nge kəndā najə̄ dɔ de gə̄ tə́ ní, ra dɔ jī ko̰ Yesua tə́, yā kəndań najə̄ dɔn tə́.

TA KƏLA 19:14

Lot aw̄ ənge umən gə̄ ń nongən̄ ngánən kə́ dəyá̰ gə̄ ní, ədadə́ na kə ḭḭn̄ dɔɔ́ kə teēn̄ kɔ̄ɔ́ kem ɓē ń toō tə́, na Kɔ́ɔ̄ɓē na a nujəń kɔ̄ɔ́. Ba umən gə̄ ndin̄ tītə̄ kə́ ni a ɔr̄ i najə̄ kɔsə kum beé.

HEBƏRO 12:16

Á̰a̰ī jajá̰ kadə̄ de gə̄ ń a sāān̄ naā loo kaya tə́, aláa ngé mbātə́ rāā yá̰a̰ kə gō yā Nə́ɓāá, tītə̄ yā Esau ń un ta róbə kənge yá̰a̰ yān kə́ loo ngōn̄ hágə́ tə́ taāń kār yá̰a̰ kəsa kə́ kógə̄ḿ beē ní alé.

KƏLA RĀĀ 17:32

Dan ń nin̄-oōn̄ najə̄ kə́ dɔ koy tá ndól̄ tə́ anī ngé kə́rēý gə̄ lurnən̄, ba ngé kə́ rang gə̄ ədan̄ na: Ndɔ̄ kə́ rang tə́ tá j-a j-oō najə̄ yāí ń toō ɓáý.

MARK 4:14

Nge kənda kōō ní ənda i najə̄.

MARK 4:16

Adə̄ de kə́rēý gə̄ i tītə̄ kōō ń tə́sō dɔ kɔkərɔ tə́ ní. Dan ń oōn̄ najə̄ anī, nin̄-taān̄ kə ta jī tə́ noō kə rɔ̄nelēé ngá̰ý,