MARK 3:27 - Bibəl ta Sar̄

²⁷ Deē kógə̄ḿ kə́ yā kaw̄ kem kújə yā dəngam kə́ ngan̄g tə́ kadə̄ ndúr̄ yá̰a̰ yān yā kaw̄ń kɔ̄ɔ́ gətóo, ba ré tṵ́ṵ̄ dəngam kə́ ngan̄g ngeé ń toō kə kəlāá pá tá, gō tə́ anī a ndúr̄ yá̰á̰ kə́ kem kújə yān tə́ yā kaw̄ń ɓáý.

Bible sar

²⁷ Deē kógə̄ḿ kə́ yā kaw̄ kem kújə yā dəngam kə́ ngan̄g tə́ kadə̄ ndúr̄ yá̰a̰ yān yā kaw̄ń kɔ̄ɔ́ gətóo, ba ré tṵ́ṵ̄ dəngam kə́ ngan̄g ngeé ń toō kə kəlāá pá tá, gō tə́ anī a ndúr̄ yá̰á̰ kə́ kem kújə yān tə́ yā kaw̄ń ɓáý.

MARK 3:27 Referans Kwoze

MATIYE 12:29

Loo kadə̄ deē udə kújə yā de kə́ dəngam kə́ ngan̄g tə́ ō, ndúr̄ yá̰a̰ yān yā kaw̄ń, kanjə̄ kadə̄ əla gíŕ tṵ́ṵ̄ dəngam ní kə kəlāá kété ní i ba̰ý? A tṵ́ṵ̄n pá tá a ndúr̄ yá̰á̰ kə́ kem kújə yān tə́ yā kaw̄ń ɓáý.

1 JA̰A̰ 4:4

Sḭḭ̄ ngánə́ḿ kə́ dūú gə̄, sḭḭ̄ ń i yā Nə́ɓā ní, ī-tetiī ngé koō ta kə́ rɔ̄kum aĺ gə̄ ń noō rɔ̄ɔ̄ kɔ̄ɔ́. Tɔdɔ̄ nge ń ndi kemsí tə́ ní bo tɔȳ nge ń ndi dɔ nang tə́ ní.

IJAI 53:12

I tām̄ najə̄ ń toō tə́ n m-ə̄ndān dan de gə̄ kə́ boon̄ tɔȳn̄ madə̄də́ gə̄ tə́ ní. Ni ō, ngé gə̄ ń tɔ́gə́də́ tɔȳ yā madə̄də́ gə̄ ní ō, a kēgə̄n̄ naā yá̰a̰ kənge gə̄ yā madə̄ ba̰ā̰. Tām̄ ni-ndigə koy kə gō kem ndigə yān nəkɔ́ ō, ndigə kadə̄ ni i dan ngé gān̄g róbə gə̄ tə́ ō. A̰á̰ā̰, ni un majaĺ yā de kə́ ngá̰ý gə̄ dɔn tə́ ō, udə dan najə̄ yā de gə̄ kə́ najə̄ i dɔdə́ tə́ yā rāā kadə̄ majə ō.

IJAI 27:1

Ndɔ̄ ngeé ń noō tə́ ní, Kɔ́ɔ̄ɓē a un kaskar yān kə́ bo ō, to ɓōĺ ō, ngan̄g ō, yā rāań yá̰á̰ kə́ tōr̄ kə Lebiatan ń i lī kə́ nge ka̰ȳ ní, Lebiatan ń i lī kə́ kumən edə̄ ngá̰ý ní. Ba dā̰ kə́ majaĺ ngá̰ý kə́ kum bā bo tə́ ngeé ń toō ní a tɔ̄lən.

1 JA̰A̰ 3:8

De kə́ nge rāā majaĺ i deē yā diabəl, tɔdɔ̄ diabəl rāā majaĺ i ta kəla gíŕ tə́ beē.

KOLOSƏ 2:15

Nə́ɓā taā tɔ́gə kɔ̄ɔ́ jī ngé ko̰o̰ ɓē gə̄ tə́ ō, jī ngé tɔ́gə gə̄ tə́ ō, i tītə̄ ń noō. Ngōnən ń tetədə́ rɔ̄ɔ̄ ní, ni-aw̄ sedə́ adə̄ njə̄rān̄ gōn tə́ tītə̄ ɓəlo gə̄, adə̄ de gə̄ malang a̰a̰n̄də́.

JA̰A̰ 12:31

I ngɔlaā ń toō n a gāngə̄n̄ sarya yā de kə́ dɔ nang tə́ laā gə̄ ní. I ngɔlaā ń toō n a ənīn̄ ngār yā de kə́ dɔ nang tə́ laā gə̄ ndágá kɔ̄ɔ́ ní.

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

HEBƏRO 2:14

Ba dan ń ngán gə̄ aw̄n̄ kə dā̰ rɔ̄də́ ō, kə mósə́də́ ō ní, Jeju nəkɔ́ tél to tītə̄də́ ō, adə̄ ni-aw̄ kə dā̰ rɔ̄ tītə̄ yādə́ ō. Ni-rāā tītə̄ noō i yā nujəń diabəl kə ta kūl̄ koyn. Diabəl i nge ń tɔ́gə yā yo i gír jīn tə́ ní.

Makətūbə̄ ń Pol ndang adə̄ Rom gə̄ ní 16:20

Na̰y i ngɔr kadə̄ Nə́ɓā kə́ nge kadə̄ de gə̄ kem sɔl̄ lɔm a rējə̄ Sətan kɔ̄ɔ́ gír njasí tə́. Ādə̄ Kɔ́ɔ̄ɓē yājí Jeju rāā kem majə sesí.

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.