MARK 2:8 - Bibəl ta Sar̄

⁸ Kə̄ ta jī tə́ beé Jeju ger̄ yá̰á̰ ń nin̄-gírə̄n̄ kemdə́ tə́ ní, adə̄ ədadə́ na: I tām̄ rí tə́ á ī-gírī yá̰a̰ gə̄ ń toō kemsí tə́ beé?

Bible sar

⁸ Kə̄ ta jī tə́ beé Jeju ger̄ yá̰á̰ ń nin̄-gírə̄n̄ kemdə́ tə́ ní, adə̄ ədadə́ na: I tām̄ rí tə́ á ī-gírī yá̰a̰ gə̄ ń toō kemsí tə́ beé?

MARK 2:8 Referans Kwoze

KƏLA RĀĀ 8:22

Ní, ī-tūr̄ hálí dɔ yá̰á̰ kə́ majaĺ ń ī-sāā rāā tə́ ní. Ba ī-ndɔ̄ȳ Kɔ́ɔ̄ɓē, yā kadə̄ ré majanī ni m ā̰ȳ rɔ̄n dɔ gír̄ kə́ kemií tə́ n toō.

KƏLA RĀĀ 5:3

Anī Piyer ədan na: Ananias, i tām̄ rí tə́ á ī-rāā yá̰á̰ ń Sətan ədaī ní? Ḭ̄ ī-sor̄ Ndíĺ kə́ Táĺ ba ɔ̄r̄ ta nar gír loo yāí ə́ga gidə yāí tə́.

JA̰A̰ 6:64

Banī ngé kə́rēý gə̄ dɔ dáńsí tə́ taān̄ kem alé. Jeju əda beé i tɔdɔ̄ ta kəla gíŕ tə́ ní, ni-ger̄ ngé gə̄ ń taān̄ kem aĺ ní ō, deē ń a əlan jī de gə̄ tə́ ní ō.

Najə̄ kə́ Majə yā Jeju ń Luk ndang ní 24:38

Ba Jeju ədadə́ na: Ángalsí ndi kə gōó to̰ alé i najə̄ rí tə́? Kemsí a tɔ́sə̄sí i tām̄ rí tə́?

Najə̄ kə́ Majə yā Jeju ń Luk ndang ní 6:8

Banī Jeju ger̄ gír̄ yādə́, adə̄ ni-əda de kə́ nge jīn oy ní na: Ḭ́ḭ ī-ra dan de gə̄ tə́ loo ń noō tə́. Deē ní ḭḭ ra dɔɔ́.

Najə̄ kə́ Majə yā Jeju ń Luk ndang ní 5:22

Jeju ń ger̄ gír̄ yādə́ ní tél ədadə́ na: Āwī kə gír kə́ beé kemsí tə́ i tām̄ rí tə́.

MATIYE 9:4

Jeju ger̄ gír̄ kə kemdə́ tə́ adə̄ ni-ədadə́ na: Ī-gírī najə̄ kə́ majaĺ kə́ beē gə̄ kemsí tə́ i tām̄ rí tə́?

EJEKIEL 38:10

Mā Kɔ́ɔ̄ɓē Nə́ɓā m-ə́da na: Kum mbang ngeé ń noō tə́ ní, gír̄ gə̄ ngá̰ý a reēn̄ dɔí tə́ ō, ā ī-núm̄ yá̰á̰ kógə̄ḿ kə́ a reē kə yá̰á̰ kə́ to kum kaȳ aĺ ō.

PĀ GƏ̄ 139:2

Ī-ger̄ ta ndiḿ kə̄ nang tə́ ō, ta kḭḭḿ kə̄ dɔɔ́ ō. Yá̰á̰ ń m̄-sāā rāā ní, ḭ̄ ī-ger̄ kété kɔ̄ɔ́ ɓá.

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

JA̰A̰ 21:17

Ədan nja kə́ nge ko̰ mətá na: Simo̰ ngōn̄ Ja̰a̰, ī-tárəm̄ a? Rɔ̄ Piyer nelə̄n alé, tām̄ dəje ń Jeju dəjen nja kə́ nge ko̰ mətá na ké tárən wa ní. Ba ni-tél ədan na: Kɔ́ɔ̄ɓē, ī-ger̄ yá̰a̰ malang, ī-ger̄ kadə̄ nelə̄m̄ seí. Anī Jeju ədan na: Ūl̄ batə̄ yāḿ gə̄.

MARK 7:21

Tɔdɔ̄ yá̰a̰ gə̄ ń a teēn̄ ngarān̄g kem de gə̄ tə́ ní, i gír̄ kə́ majaĺ gə̄ ō, i sāā naā loo kaya tə́ ō, ɓogə ō, tɔ̄l̄ deē ō,

IJAI 55:7

Majə kadə̄ de kə́ majaĺ gə̄ əya̰n̄ háĺdə́ kɔ̄ɔ́. Majə kadə̄ nge rāā yá̰á̰ kə́ majaĺ əya̰ gír̄ yān kə́ to kem ndul gə̄ kɔ̄ɔ́. Majə kadə̄ de gə̄ malang tél reēn̄ kə̄ rɔ̄ Kɔ́ɔ̄ɓē tə́, tɔdɔ̄ kumən a o̰o̰n tām̄ yādə́ tə́. Majə kadə̄ de gə̄ malang tél reēn̄ kə̄ rɔ̄ Nə́ɓā yājí tə́, tɔdɔ̄ ni mā̰ȳ rɔ̄n ngá̰ý.

Gōsə̄ najə̄ gə̄ 24:9

Gír̄ yā mbóo deē i kógə̄ḿ beē, i rāā majaĺ ngóy. De gə̄ gḛyn̄ de kə́ nge mbóo kə de gēé alé.

Gōsə̄ najə̄ gə̄ 15:26

Gír̄ rāā yá̰á̰ kə́ majaĺ gə̄ i yá̰á̰ kə́ yḛr ta kum Kɔ́ɔ̄ɓē tə́, banī najə̄ kə́ kɔr̄ kə kem kə́ majaá unjə̄ njáý njáý.

1 YÁ̰A̰ GƏ̄ 29:17

Nə́ɓā yāḿ, m̄-ger̄ kadə̄ ḭ̄ i nge kəndā ma̰ȳ kem deē ō, nge ndigə háĺ kə́ súmūú ō. Adə̄ i kə kem kə́ súmūú n m̄-ndējīneé yá̰a̰ malang ń noō kə gō kem ndigə yāḿ ní. Ba ɓōólaā gír deē yāí gə̄ ń kánə̄n̄ naā á ran̄ laā ní, m-á̰á̰də́ loo rāā tə́ tītə̄ yāḿ kə rɔ̄nelēé ō.

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

MATIYE 12:15

Dan ń Jeju oō najə̄ yá̰á̰ ń sāān̄ rāā seneé ní anī ndɔ́tə̄ loo ní tə́ kɔ̄ɔ́, ba de gə̄ ngá̰ý unən̄ gōn. Ni tɔ̄l̄ mo̰y gə̄ dɔ de gə̄ tə́ malang.

MATIYE 16:7

Anī nin̄-gírə̄n̄ kemdə́ tə́ ədan̄ na majanī na i tām̄ mápá ń na n-unən̄ jīdə́ tə́ aĺ ní.

MARK 2:7

I ba̰ý á deē ń toō a ɔr̄ najə̄ beé? Ni a gán̄g i Nə́ɓā. I náā n asə mā̰ȳ rɔ̄n dɔ yá̰á̰ kə́ majaĺ gə̄ tə́ ní? I Nə́ɓā ngóy aĺ a?

MARK 2:9

Ni kə́ rá n i kə́ ngan̄g alé ní, i kadə̄ deē ə́da de kə́ lígə̄rī na majaĺ yān gə̄ i kə́ mā̰ȳ rɔ̄ dɔ tə́ kɔ̄ɔ́, aké i kadə̄ deē ə́dan na kə ḭḭ dɔɔ́, un waá yān, ba kə njə̄rā ḿ?