MARK 2:7 - Bibəl ta Sar̄

⁷ I ba̰ý á deē ń toō a ɔr̄ najə̄ beé? Ni a gán̄g i Nə́ɓā. I náā n asə mā̰ȳ rɔ̄n dɔ yá̰á̰ kə́ majaĺ gə̄ tə́ ní? I Nə́ɓā ngóy aĺ a?

Bible sar

⁷ I ba̰ý á deē ń toō a ɔr̄ najə̄ beé? Ni a gán̄g i Nə́ɓā. I náā n asə mā̰ȳ rɔ̄n dɔ yá̰á̰ kə́ majaĺ gə̄ tə́ ní? I Nə́ɓā ngóy aĺ a?

MARK 2:7 Referans Kwoze

IJAI 43:25

Tá i mā, a̰á̰ā̰, i mā n i nge mā̰ȳ rɔ̄ḿ dɔ yá̰a̰ rāāí gə̄ kə́ gōtə́ aĺ tə́ ní, i tɔdɔ̄ i mə̄kɔ́ n m̄-ndigə ō, a əga kemḿ dɔ tə́ to̰ aĺ ō.

Najə̄ kə́ Majə yā Jeju ń Luk ndang ní 5:21

Ngé ndóō de gə̄ ndū najə̄ gə̄ ō, Parijiyḛ gə̄ ō, ədan̄ kə̄ kemdə́ tə́ na: Deē nəkɔ́ ń toō i náā á a tə́da najə̄ kə́ to ngonjə̄ gə̄ dɔ Nə́ɓā tə́ beē? De kə́ asə mā̰ȳ rɔ̄n dɔ yá̰a̰ rāā kə́ majaĺ tə́ i náā, má i Nə́ɓā ngóy aĺ a?

MISE 7:18

Nə́ɓā kə́ to tītīí ndi noó a? Ḭ̄ ɔ̄r̄ yá̰a̰ rāā kə́ gōtə́ aĺ gə̄ kɔ̄ɔ́ ō, ī-mā̰ȳ rɔ̄í dɔ mān̄ dɔ ndū najə̄ gə̄ yā gír deē yāí gə̄ ń na̰yn̄ kə kumdə́ ní tə́ ō. Wōn̄g yāí to gotoó ngándáńg alé, banī nelī kadə̄ ɔ́jə́jí kem majə yāí.

DANIEL 9:9

Kum ko̰o̰ ō, mā̰ȳ rɔ̄ ō, i yá̰a̰ yā Kɔ́ɔ̄ɓē Nə́ɓā yājí tām̄ jə-mbātə́ tan ō,

Najə̄ kə́ Majə yā Jeju ń Luk ndang ní 7:49

Anī ngé gə̄ ń ndin̄ seneé ta yá̰a̰ kəsa tə́ ní tél a ədan̄ kə̄ kemdə́ tə́ na: Deē ń aw̄ bátə́ māȳ rɔ̄n dɔ majaĺ gə̄ tə́ toō i náā?

PĀ GƏ̄ 130:4

Banī ḭ̄ i nge mā̰ȳ rɔ̄í adə̄ a ɓōlə́n̄ ndílí.

Makətūbə̄ yā Job 14:4

I náā n asə rāā kadə̄ yá̰á̰ kə́ unjə̄ njáý njáý teē tū yá̰á̰ kə́ majaĺ tákə̄ tə́ ní? De kə́ asə rāā nge ń noō gətóo.

JA̰A̰ 10:33

Jipə gə̄ tél ədanən̄ na: J-a jə-tə́nāī kə mbalá yā tɔ̄lī i tām̄ kəla kə́ majə kógə̄ḿ tə́ alé, banī i tām̄ tájə̄ kə́ ī-tájə̄ Nə́ɓā tə́. Tɔdɔ̄ ḭ̄ ń i deē ndul ní, ī-rāā rɔ̄í Nə́ɓā tə́.

MARK 14:64

Sḭḭ̄ ōōī najə̄ ń ni-əda ní: I najə̄ kə́ to ngonjə̄ dɔ Nge ń de gə̄ a rɔȳnən̄ ní. Ta kumsí tə́ ní najə̄ ń noō to i ba̰ý? Nin̄ malang gāngə̄n̄ sarya dɔn tə́ ədan̄ na asə kadə̄ oy.

MATIYE 26:65

Loo ń noō tə́ ngol ngé tun̄ yá̰a̰ gə̄ əhɔ ta kūbə̄ kə́ rɔ̄n tə́ rə̄yā̰ ba əda na: Ni-əda i najə̄ kə́ to ngonjə̄ dɔ Nə́ɓā tə́! Ní, kə jə-sāāī najə̄ yā de kə́ kum tə́ gə̄ ɓáý a? Najə̄ kə́ to ngonjə̄ ń ni-əda dɔ Nə́ɓā tə́ ní n ōōī ngɔr toó!

MATIYE 9:3

Anī ngé ndóō de gə̄ ndū najə̄ kə́rēý gə̄ ədan̄ kə̄ kemdə́ tə́ na: Deē ń toō tájə̄ i Nə́ɓā!

JA̰A̰ 10:36

Ba mā ń Bɔbə́ḿ ɔrə̄m̄ tayā tām̄ yān tə́ ba əlam̄ dɔ nang tə́ ní, i ba̰ý n sḭḭ̄ ə́daī na m̄-tájə̄ Nə́ɓā kə najə̄ kɔrə̄ḿ tām̄ kəda kə́ m-ə́da na mā na i Ngōn̄ Nə́ɓā ní?

MARK 2:6

Banī ngé ndóō de gə̄ ndū najə̄ kə́rēý gə̄ ń ndin̄ noó ní gírə̄n̄ kemdə́ tə́ ədan̄ na:

MARK 2:8

Kə̄ ta jī tə́ beé Jeju ger̄ yá̰á̰ ń nin̄-gírə̄n̄ kemdə́ tə́ ní, adə̄ ədadə́ na: I tām̄ rí tə́ á ī-gírī yá̰a̰ gə̄ ń toō kemsí tə́ beé?