MARK 2:5 - Bibəl ta Sar̄

⁵ Dan ń Jeju a̰a̰ taā kem yādə́ anī, əda nge lígə̄rī na: Ngōnə̄ḿ, yá̰á̰ kə́ majaĺ gə̄ ń ī-rāā ní i kə́ mā̰ȳ rɔ̄ dɔ tə́ kɔ̄ɔ́.

Bible sar

⁵ Dan ń Jeju a̰a̰ taā kem yādə́ anī, əda nge lígə̄rī na: Ngōnə̄ḿ, yá̰á̰ kə́ majaĺ gə̄ ń ī-rāā ní i kə́ mā̰ȳ rɔ̄ dɔ tə́ kɔ̄ɔ́.

MARK 2:5 Referans Kwoze

MATIYE 9:2

Anī de gə̄ reēn̄ kə nge lígə̄rī kógə̄ḿ kə́ to kem waá rɔ̄n tə́. Dan ń Jeju a̰a̰ taā kem yādə́ anī, əda nge lígə̄rī ní na: Ngōnə̄ḿ, ə́hɔ kemií ngan̄g, yá̰á̰ kə́ majaĺ gə̄ ń ī-rāā ní Nə́ɓā mā̰ȳ rɔ̄n dɔ tə́ kɔ̄kə́.

JAKƏ 5:15

Tɔdɔ̄ ré ndɔ̄ȳn̄ sɔɔ̄ń taā ń nin̄-taān̄ kem Nə́ɓā ní anī, nge mo̰y ní a ajə. Kɔ́ɔ̄ɓē a unən yā kudən dɔɔ́ ō, a mā̰ȳ rɔ̄n dɔ yá̰á̰ kə́ majaĺ gə̄ ń ni-rāā tə́ ní ō.

MATIYE 9:22

Banī Jeju tūr̄ rɔ̄n a̰a̰n, ba ədan na: Ngōnə̄ḿ, əhɔ kemií ngan̄g na taā kem yāí ajiī. Anī gíŕ mósə gān̄g dɔ dəyá̰ ní tə́ kə̄ ta jī tə́ beē.

EPEJƏ 2:8

Tām̄ kajə ń ajən̄sí ní, rajən̄sí i mbée sɔɔ̄ń taā kə́ ī-taāī kem. I sḭḭ̄ kɔ́ gə̄ n ájiī rɔ̄sí ní alé, i Nə́ɓā n ajəsí karī ní.

KƏLA RĀĀ 5:31

I ni n Nə́ɓā ɔsən kə̄ dɔɔ́ kə tɔ́gəneé əndānəń ngāraá ō, nge kajə de gə̄ tə́ ō, kadə̄ ngán Israel gə̄ əngen̄neé ta róbə ndə̄ngā rɔ̄də́ ba kəngeń mā̰ȳ rɔ̄ dɔ majaĺ yādə́ gə̄ tə́ ní.

JA̰A̰ 5:14

Gō tə́ anī Jeju tél əngen kem kújə yā Kɔ́ɔ̄ɓē tə́, ba ədan na: Rɔ̄í ngáā kɔ̄ɔ́ tā, ba ī-lōō rāā yá̰á̰ kə́ majaĺ to̰, na sōgə́ yá̰á̰ kə́ tōr̄ ngá̰ý tɔȳ nge ń noō rāāī ɓáý to̰.

Najə̄ kə́ Majə yā Jeju ń Luk ndang ní 5:20

Dan ń Jeju a̰a̰ taā kem yādə́ anī əda na: Madə́ḿ, yá̰á̰ kə́ majaĺ gə̄ ń ī-rāā ní mā̰ȳn̄ rɔ̄də́ dɔ tə́ kɔ̄ɔ́ kadī.

KOLOSƏ 3:13

Ī-tə́gāī tasí dɔ naā tə́, ba ré de kə́rēý i kə najá kə madə̄neé anī, ī-mā̰yī rɔ̄sí dɔ naā tə́. Tītə̄ ń Kɔ́ɔ̄ɓē mā̰ȳń rɔ̄n dɔsí tə́ ní, ī-rāāī tītə̄ ń noō ō.

2 KORḚNTƏ 2:10

Ré deē kógə̄ḿ rāā yá̰á̰ kə́ gō tə́ alé, adə̄ najə̄ əhɔn, ba ī-mā̰yī rɔ̄sí dɔn tə́ anī, mā m-ā m̄-mā̰ȳ rɔ̄ḿ dɔn tə́ ō. Ba yá̰á̰ ń m̄-mā̰ȳ rɔ̄ḿ dɔ tə́ ní, ré m̄-mā̰ȳ rɔ̄ḿ dɔ yá̰á̰ kə́rēý tə́ anī, i najə̄ yāsí sḭḭ̄ tə́ ta kum Kərist tə́,

1 KORḚNTƏ 11:30

I tām̄ najə̄ ń noō tə́ n ngé mo̰y gə̄ i ngá̰ý dansí tə́ ō, de kə́ nujə gə̄ i ngá̰ý ō, ngá̰ý gə̄ oyn̄ kɔ̄ɔ́ ō ní.

KƏLA RĀĀ 14:9

Ndɔ̄ kə́rēý tə́ ndi a oō najə̄ kɔr̄ Pol. Dan ń Pol əndā kumən dɔn tə́ anī, a̰ā̰ kadə̄ taā kem kə́ a ajə deē i kemən tə́.

KƏLA RĀĀ 11:23

Dan ń ni-ɔtə̄ á a̰a̰ majə ń Nə́ɓā rāā ní anī, rɔ̄n nelə̄n ngá̰ý ō, ra sedə́ malang ta kəhɔ gō Kɔ́ɔ̄ɓē kadə̄ ngan̄g ō.

JA̰A̰ 2:25

Ni sāā kadə̄ deē ədan najə̄ kə́ dɔ deē tə́ alé, tɔdɔ̄ ni-ger̄ yá̰á̰ kə́ kem deē tə́.

Najə̄ kə́ Majə yā Jeju ń Luk ndang ní 8:48

Anī Jeju ədan na: Ngōnə̄ḿ, taā kem yāí ajiī, ba āw̄ kə kem sɔl̄ lɔmɔɔ́.

MARK 5:34

Banī Jeju ədan na: Ngōnə̄ḿ, taā kem yāí ajiī. Āw̄ kə kem sɔl̄ lɔmɔɔ́, ba ādə̄ ḭ̄ i de kə́ gír mo̰y yāí gān̄g kɔ̄ɔ́.

IJAI 53:11

Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

IJAI 38:17

Rɔ̄nel̄ aĺ yāḿ kə́ ngá̰ý tél i rɔ̄nel̄. A̰á̰ā̰, ḭ̄ ī-rāā adə̄ m̄-teē ta yo tə́ sɔɔ̄ń tár yāí. Majaĺ yāḿ gə̄ malang ní, ḭ̄ ī-ɓōkə́də́ gidií tə́ sa̰y kɔ̄ɔ́.

PĀ GƏ̄ 103:3

I ni n i nge mā̰ȳ rɔ̄n dɔ yá̰á̰ kə́ gōtə́ aĺ gə̄ ń ī-rāā tə́ ní ō, nge tɔ̄l̄ mo̰y gə̄ malang dɔí tə́ ō ní.

TA KƏLA 22:12

Kɔ́ɔ̄ɓē əda na: Ə́ya̰ ngōn̄, ī-lōō rāān yá̰á̰ kə́ tōr̄. Ngɔlaā ní m̄-ger̄ kadə̄ ī-ɓōĺ ndílə́ḿ, tɔdɔ̄ ɔ̄gə̄m̄ ngōnīí kə́ kal kógə̄ḿ beē alé.

MATIYE 9:5

Kəda na yá̰á̰ kə́ majaĺ yāí gə̄ ń ī-rāā ní Nə́ɓā mā̰ȳ rɔ̄n dɔ tə́ kɔ̄kə́ ō, kəda na kə ḭ́ḭ dɔɔ́ kə ī-njə̄rā ō ní i nge kə́ rá n i kə́ ngan̄g aĺ ngá̰ý tɔȳ madə̄ ní?

MARK 2:6

Banī ngé ndóō de gə̄ ndū najə̄ kə́rēý gə̄ ń ndin̄ noó ní gírə̄n̄ kemdə́ tə́ ədan̄ na: