MARK 2:27 - Bibəl ta Sar̄

²⁷ Jeju tél ədadə́ ɓáý to̰ na: Nə́ɓā rāā ndɔ̄ sabat i tām̄ yā deē tə́, ba rāā deē i tām̄ yā ndɔ̄ sabat tə́ alé,

Bible sar

²⁷ Jeju tél ədadə́ ɓáý to̰ na: Nə́ɓā rāā ndɔ̄ *sabat i tām̄ yā deē tə́, ba rāā deē i tām̄ yā ndɔ̄ *sabat tə́ alé,

MARK 2:27 Referans Kwoze

KOLOSƏ 2:16

I beé ní, ādə̄ deē kógə̄ḿ gān̄g sarya dɔsí tə́ najə̄ yā yá̰a̰ kəsa tə́ aĺ ō, yá̰a̰ ka̰ȳ tə́ aĺ ō, najə̄ yā rāā nāā tə́ aĺ ō, ndɔ̄ teē nāā tə́ aĺ ō, ndɔ̄ sabat tə́ aĺ ō.

Najə̄ kə́ Majə yā Jeju ń Luk ndang ní 6:9

Anī Jeju ədadə́ na: Yá̰á̰ ń ndū najə̄ adə̄ deē ta róbə rāān ndɔ̄ sabat tə́ ní i rí? Adə̄n i ta róbə rāā yá̰á̰ kə́ majə aké i rāā yá̰á̰ kə́ majaĺ? I ta róbə kajə deē aké i nujə deē?

NDŪ NAJƏ̄ 5:14

ba ndɔ̄ kə́ nge ko̰ sīrí i ndɔ̄ sabat tām̄ yā Kɔ́ɔ̄ɓē Nə́ɓā yāí tə́. Ndɔ̄ ń noō tə́ ḭ̄ ō, ngání gə̄ ō, ngé kəla yāí kə́ dəngam gə̄ ō, kə́ dəyá̰ gə̄ ō, man̄g yāí ō, kərō yāí ō, dā̰ kógə̄ḿ kə́ dan dā̰ yāí gə̄ tə́ ō, tə̄rā kə́ nge nam̄ ń ndi ɓēé looí ní ō, ā ī-rāāī kəla ndɔ̄ ń noō tə́ alé. Majə kadə̄ ngé kəla yāí kə́ dəngam gə̄ ō, kə́ dəyá̰ gə̄ ō, ɔrə̄n̄ koō tītə̄ yāí.

EJEKIEL 20:12

M-ādə̄də́ ndɔ̄ sabat ō. Nge ń noō i yá̰á̰ kə́ to dɔ dáńjí tə́ kadə̄ əgań kemdə́ dɔ tə́ kadə̄ mā Kɔ́ɔ̄ɓē m-ə̄ndādə́ kə rī kəla yāḿ.

IJAI 58:13

Tītə̄ ń toō: Ī-mbātə́ rāā kəla ndɔ̄ sabat tə́, ndɔ̄ ń noō ń i ndɔ̄ kə́ kɔr̄ kam̄ tām̄ yān tə́ ní, ə̄ndā kumií gíŕ yá̰a̰ yāí gə̄ tə́ ndɔ̄ ń noō tə́ alé. Ī-ɓāŕ ndɔ̄ sabat na i ndɔ̄ rɔ̄nel̄. Ī-ɓāŕ ndɔ̄ yā Kɔ́ɔ̄ɓē na i ndɔ̄ kə́ yā ɓōĺ gidə ō, ī-ɓōĺ gidə ndɔ̄ ní kə mbātə́ rāā kəlaá ō, kə mbātə́ kəndā kumií gíŕ yá̰a̰ gə̄ tə́ ō, kə mbātə́ kɔr̄ najə̄ kə́ dan gān̄g aĺ ō.

EJEKIEL 20:20

Ɔ̄rī ndɔ̄ sabat tām̄ yāḿ tə́. Nge ń noō i yá̰á̰ kə́ to dɔ dáńjí tə́, sḭḭ̄ ō mā ō. I beé tá a əga kemsí dɔ tə́ kadə̄ Kɔ́ɔ̄ɓē Nə́ɓā yāsí i mā.

Teē Ngán Israel gə̄ 23:12

Ā ī-rāā kəla yāí ndɔ̄ mehḛ́, ba kə ndɔ̄ kə́ nge ko̰ sīrí anī ā ī-rāā kəla alé, kadə̄ man̄g yāí nin̄ kə kərō yāí taān̄neé koō ō, kadə̄ ngōn̄ nge kəla yāí nin̄ kə tə̄rā kə́ nge namāá ɔrə̄n̄neé koō ō.

JA̰A̰ 7:23

Ré ə́jaī mɔtə deē ndɔ̄ sabat tə́ tām̄ kadə̄ ī-mānī dɔ ndū najə̄ yā Moijə aĺ anī, i tām̄ rí tə́ á wursí atə̄sí seḿ tām̄ m̄-rāā adə̄ rɔ̄ deē kógə̄ḿ ngáā ndɔ̄ sabat tə́ ní?

2 KORḚNTƏ 4:15

Ba yá̰a̰ malang ń rāājí ní i tām̄ yāsí sḭḭ̄ tə́. I tītə̄ ń noō n Nə́ɓā a rajəń de gə̄ kə̄ kété kété, yā kadə̄ kutə ngé ndadə̄n yā kɔsəń gɔnən gə̄ i ngá̰ý ní.

NDŪ NAJƏ̄ 5:12

Ɔ̄r̄ kam̄ ndɔ̄ sabat ə̄ndā tayā tām̄ yā Kɔ́ɔ̄ɓē tə́ tītə̄ ń ədaīneé ní.

MARK 2:28

adə̄ i tām̄ ń toō tə́ n Ngōn̄ Deē i kɔ́ɔ̄ ndɔ̄ sabat gə̄gē ní.