MARK 2:26 - Bibəl ta Sar̄

²⁶ Ni udə kújə yā Nə́ɓā tə́, dan ń Abiatar i ngol ngé tun̄ yá̰a̰ gə̄ ní, anī ɔy mápa gə̄ ń ndējə̄n̄ Nə́ɓā ní əsa ō, adə̄ ngé gə̄ ń i seneé ní kadə̄ əsan̄ ō. Ba ni-rāā i yá̰á̰ kə́ i de kə́ nge tun̄ yá̰á̰ ngóy n asə rāā ní.

Bible sar

²⁶ Ni udə kújə yā Nə́ɓā tə́, dan ń Abiatar i ngol *ngé tun̄ yá̰a̰ gə̄ ní, anī ɔy mápa gə̄ ń ndējə̄n̄ Nə́ɓā ní əsa ō, adə̄ ngé gə̄ ń i seneé ní kadə̄ əsan̄ ō. Ba ni-rāā i yá̰á̰ kə́ i de kə́ *nge tun̄ yá̰á̰ ngóy n asə rāā ní.

MARK 2:26 Referans Kwoze

2 SAMUEL 8:17

Ngé tun̄ yá̰a̰ gə̄ i Sadok ngōn̄ Ahitub nin̄ kə Ahimelek ngōn̄ Abiatar. Nge ndang makətūbə̄ i Seraya.

1 YÁ̰A̰ GƏ̄ 24:6

Semaya nge ndang makətūbə̄ kə́ ngōn̄ Netanel ń i de kə́ gír ɓē yā Lebi tə́ ní ndang rīdə́ makətūbūú ta kum mban̄g tə́ ō, ngār gə̄ tə́ ō, ta kum Sadok nge tun̄ yá̰á̰ tə́ ō, Ahimelek kə́ ngōn̄ Abiatar tə́ ō, ta kum ngār gə̄ kə́ dɔ gír kojə yā ngé tun̄ yá̰a̰ gə̄ tə́ ō, kə́ dɔ gír kojə yā gotə ngán Lebi gə̄ tə́ ō. Kə́ tām̄ yā de kə́ gír kaa yā Eleajar tə́ gə̄ ɓáa túgə̄n̄ wə̄lā nja i jōó, ba kə́ tām̄ yā de kə́ gír kaa yā Itamar tə́ gə̄ ɓáa túgə̄n̄ nja i kógə̄ḿ beē.

1 SAMUEL 21:1

Tā anī Dabid əsō róbó ō, Jonatan tél ta kaw̄ gogə́ ɓēé ō.

1 MBAN̄G GƏ̄ 4:4

Ngol áskar gə̄ i Benaya kə́ ngōn̄ Yoyada. Nge tun̄ yá̰a̰ gə̄ i Sadok ō, Abiatar ō.

1 MBAN̄G GƏ̄ 2:22

Ī-dəje Abisag kə́ Sunem tām̄ yā Adonia tə́ i tām̄ yā rí tə́? Dan ń ni i nga tɔ́gə́ḿ ní, yá̰á̰ ń kadə̄ ī-dəje tām̄ yān tə́ ní i ko̰o̰ ɓē, i tām̄ yān tə́ ō, tām̄ yā Abiatar nge tun̄ yá̰á̰ tə́ ō, Joab ngōn̄ Seruya tə́ ō!

1 MBAN̄G GƏ̄ 1:7

Adonia oōn̄ naā kə Joab kə́ ngōn̄ Seruya ō, Abiatar kə́ nge tun̄ yá̰a̰ ō, adə̄ nin̄ tetən̄ rɔ̄də́ gōn tə́.

2 SAMUEL 20:25

Sewa i nge ndang makətūbə̄. Sadok ō, Abiatar ō, i ngé tun̄ yá̰a̰ gə̄.

2 SAMUEL 15:35

Tá ngé tun̄ yá̰a̰ gə̄ ń i Sadok nin̄ kə Abiatar ní nin̄ i seí nú aĺ a? Najə̄ malang ń ā ōō kem kújə yā mban̄g tə́ ní, ə́dádə́.

2 SAMUEL 15:29

Adə̄ Sadok nin̄ kə Abiatar télən̄ kə sandúkə madə̄ naā yā Nə́ɓāá aw̄n̄neé gogə́ Jerusalem ō, nin̄ ndin̄ kə̄ noó ō.

2 SAMUEL 15:24

Sadok nge tun̄ yá̰a̰ ō, ngán Lebi gə̄ ń nin̄ malang i ngé kətō sandúkə madə̄ naā yā Nə́ɓā ní ō, nin̄ i sedə́. Nin̄ əndān̄ sandúkə madə̄ naā yā Nə́ɓā nang tə́ ba Abiatar al̄ dɔɔ́ bátə́ adə̄ de kə́ kem ɓēé gə̄ ń a teēn̄ ní mānə̄n̄neé malang.

1 SAMUEL 23:9

Dan ń Dabid ger̄ kadə̄ Saul a nómə̄n i ni anī əda Abiatar ń i nge tun̄ yá̰á̰ ní kadə̄ reē kə yá̰a̰ ndḛḛ̄ sāá.

1 SAMUEL 23:6

Dan ń Abiatar ngōn̄ Ahimelek a̰ȳ reē ɓɔ̄ɔ̄ rɔ̄n rɔ̄ Dabid tə́ ní, ni-aw̄ Keila kə yá̰a̰ ndḛḛ̄ sāá jīn tə́.

MATIYE 12:4

Ni udə kújə yā Nə́ɓā tə́, əsan̄ mápá kə́ ndējə̄ gə̄ kə madə̄n gēé. Ba ndū najə̄ ɔgə̄n ni ō madə̄n gə̄ ō kəsa mápa gə̄ ní, ba i ngé tun̄ yá̰a̰ gə̄ ngóy n a əsan̄ karī ní.

MARK 2:25

Anī Jeju ədadə́ na: Yá̰á̰ ń Dabid rāā dan ń ndoō ō, ɓō ō, rāānən̄ nin̄ kə madə̄n gēé ní, ī-tə́daī kem makətūbūú yḛtə aĺ bátə́ a?