MARK 2:24 - Bibəl ta Sar̄

²⁴ Loo ń noō tə́ Parijiyḛ gə̄ ədan̄ Jeju na: Á̰a̰ā̰ tá, i tām̄ rí tə́ á nin̄ a rāān̄ yá̰á̰ ń ndū najə̄ yā Nə́ɓā ɔgə̄ rāā ndɔ̄ sabat tə́ ní?

Bible sar

²⁴ Loo ń noō tə́ *Parijiyḛ gə̄ ədan̄ Jeju na: Á̰a̰ā̰ tá, i tām̄ rí tə́ á nin̄ a rāān̄ yá̰á̰ ń *ndū najə̄ yā Nə́ɓā ɔgə̄ rāā ndɔ̄ *sabat tə́ ní?

MARK 2:24 Referans Kwoze

Teē Ngán Israel gə̄ 20:10

ba ndɔ̄ kə́ nge ko̰ sīrí i ndɔ̄ sabat tām̄ yā Kɔ́ɔ̄ɓē Nə́ɓā yāí tə́. Ndɔ̄ ń noō tə́ ḭ̄ ō, ngání gə̄ ō, ngé kəla yāí kə́ dəngam gə̄ ō, kə́ dəyá̰ gə̄ ō, yá̰a̰ kul̄ yāí gə̄ ō, tə̄rā kə́ nge nam̄ ń ndi ɓēé looí ní ō, ā ī-rāāī kəla alé.

HEBƏRO 12:3

Ādə̄ sḭḭ̄ ī-gírī dɔ Jeju tə́. Ni-tə́gā tan tū yá̰a̰ malang ń de kə́ ngé rāā yá̰a̰ majaĺ gə̄ rāān̄ seneé tə́ ní. Adə̄ ī-lōōī kadə̄ tɔ́gə́sí ur̄ wak sɔɔ̄ń kemsí kə́ ɔr.

MATIYE 12:2

Parijiyḛ gə̄ a̰a̰n̄də́ loo rāā tə́ anī, ədan̄ Jeju na: Á̰a̰ā̰, ngé ndóō yá̰a̰ yāí gə̄ a rāān̄ yá̰á̰ ń ndū najə̄ ɔgə̄ rāā ndɔ̄ sabat tə́ ní.

MARK 2:16

Ngé ndóō de gə̄ ndū najə̄ yā Parijiyḛ gə̄ a̰ā̰n̄ kadə̄ Jeju a əsa yá̰a̰ kə ngé rāā majaĺ gə̄ ō, kə ngé taā lambóo gə̄ ō anī, dəjen̄ ngé ndóō yá̰a̰ yān gə̄ na ké i tām̄ rí tə́ á a əsa yá̰a̰ kə ngé taā lambóo gə̄ ō, ngé rāā majaĺ gə̄ ō ní wa.

MARK 2:7

I ba̰ý á deē ń toō a ɔr̄ najə̄ beé? Ni a gán̄g i Nə́ɓā. I náā n asə mā̰ȳ rɔ̄n dɔ yá̰á̰ kə́ majaĺ gə̄ tə́ ní? I Nə́ɓā ngóy aĺ a?

IJAI 58:13

Tītə̄ ń toō: Ī-mbātə́ rāā kəla ndɔ̄ sabat tə́, ndɔ̄ ń noō ń i ndɔ̄ kə́ kɔr̄ kam̄ tām̄ yān tə́ ní, ə̄ndā kumií gíŕ yá̰a̰ yāí gə̄ tə́ ndɔ̄ ń noō tə́ alé. Ī-ɓāŕ ndɔ̄ sabat na i ndɔ̄ rɔ̄nel̄. Ī-ɓāŕ ndɔ̄ yā Kɔ́ɔ̄ɓē na i ndɔ̄ kə́ yā ɓōĺ gidə ō, ī-ɓōĺ gidə ndɔ̄ ní kə mbātə́ rāā kəlaá ō, kə mbātə́ kəndā kumií gíŕ yá̰a̰ gə̄ tə́ ō, kə mbātə́ kɔr̄ najə̄ kə́ dan gān̄g aĺ ō.

IJAI 56:6

Tə̄rā gə̄ əhɔn̄ gō Kɔ́ɔ̄ɓē. Nin̄ rɔȳnən̄ ō, tárnən̄ ō, nin̄ i ngé kəla yān gə̄ ō. Ngé gə̄ ń noō ní, Kɔ́ɔ̄ɓē əda najə̄ yādə́ na: De gə̄ malang ń ɓōlə́n̄ gidə ndɔ̄ sabat ō, ran̄ dɔ ndūdə́ tə́ loon tə́ ō, əhɔn̄ gō madə̄ naā yāḿ ō ní,

IJAI 56:4

Tām̄ yá̰á̰ Kɔ́ɔ̄ɓē əda ni n toó: Áji mbang gə̄ ɓōlə́n̄ gidə ndɔ̄ sabat yāḿ gə̄. Yá̰á̰ ń nin̄ gə̄rān̄ ní i rāā yá̰á̰ kə́ nelə̄m̄ ō, əhɔn̄ gō madə̄ naā yāḿ ō.

IJAI 56:2

Rɔ̄nel̄ i kə deē ń rāā yá̰á̰ m-ə́dá ní, i kə deē ń ra dɔ tə́ ngan̄g ní. Rɔ̄nel̄ i kə deē ń ɓōĺ gidə ndɔ̄ sabat ō, rā dɔ ndūn tə́ loon tə́ ō ní, deē ń gōn̄g yá̰a̰ rāā kə́ majaĺ ní.

Teē Ngán Israel gə̄ 31:15

Ndɔ̄ kə́ mehḛ́ gə̄ i yā rāań kəla, ba ndɔ̄ kə́ nge ko̰ sīrí i ndɔ̄ sabat. I ndɔ̄ kə́ kɔr̄ kam̄ tayā tām̄ yā Kɔ́ɔ̄ɓē tə́. Deē ń a rāā sabat tə́ ní a tɔ̄lə̄n̄ kɔ́ɔ̄ kɔ̄ɔ́.

MARK 2:25

Anī Jeju ədadə́ na: Yá̰á̰ ń Dabid rāā dan ń ndoō ō, ɓō ō, rāānən̄ nin̄ kə madə̄n gēé ní, ī-tə́daī kem makətūbūú yḛtə aĺ bátə́ a?