MARK 2:21 - Bibəl ta Sar̄

²¹ De kə́ yā kənī kum ngísə kūbə̄ kə ta kūbə̄ kə́ kijií gətóo. Ré i beé anī, ta kūbə̄ kə́ kijə ń ənīn̄neé kum kə́ ngísə́ ní a rāā kadə̄ kum kūbə̄ a rə̄yā̰ mān̄ kə́ kété ɓáý.

Bible sar

²¹ De kə́ yā kənī kum ngísə kūbə̄ kə ta kūbə̄ kə́ kijií gətóo. Ré i beé anī, ta kūbə̄ kə́ kijə ń ənīn̄neé kum kə́ ngísə́ ní a rāā kadə̄ kum kūbə̄ a rə̄yā̰ mān̄ kə́ kété ɓáý.

MARK 2:21 Referans Kwoze

MATIYE 9:16

De kə́ yā kənī kum ngísə kūbə̄ kə ta kūbə̄ kə́ kijií gətóo, tɔdɔ̄ ta kūbə̄ kə́ kijə ń ənīn̄neé kum kə́ ngísə́ ní a ndɔ́r̄ ngísən ní kə̄ rɔ̄n tə́ kadə̄ a rə̄yā̰ tɔȳ kə́ kété ɓáý.

1 KORḚNTƏ 10:13

Yá̰a̰ nāā gə̄ malang ń nāān̄neésí ní, i yá̰a̰ nāā gə̄ kə́ asən̄ gō tɔ́gə deē tə́. Nə́ɓā i de kə́ nge ra dɔ ndūn tə́, adə̄ ni a əya̰ kadə̄ nāā tɔȳ tɔ́gə́sí alé. Ni a adə̄sí tɔ́gə́ kə́ kadə̄ ī-tə́gāīneé tasí ta yá̰a̰ nāā tə́ ō, a rāā ta róbə kə́ kadə̄ ī-teēīneé kɔ̄ɔ́ ta tə́ ō.

IJAI 57:16

Tām̄ m̄-ndigə kɔ̄l̄ ngándáńg aĺ ō, m̄-ndigə kadə̄ wōn̄g rāām̄ kə́ njɔ́ḿ gə̄ tə́ aĺ ō. Ré i beé aĺ anī, ngé gə̄ ń m̄-rāādə́ ní, a tḭ̄ḭ̄n̄ ta koō ń deē a ndiń kə kumneé ní kɔ̄ɔ́.

MARK 2:20

Ndɔ̄ gə̄ a reēn̄ kadə̄ a ɔrə̄n̄ nga dəyá̰ dandə́ tə́ kɔ̄ɔ́ anī, dan ń noō tə́ ní nin̄ a ndin̄ ɓō tām̄ yā Nə́ɓā tə́ kem ndɔ̄ ń noō tə́ ɓáý.

MARK 2:22

Tá deē a ɓōkə́ kasə nduú kə́ tām̄ ngōn̄ kem sɔl kə́ lōō kɔ̄kə́ gə̄ tə́ aĺ ō. Ré ī-rāā beé anī, kasə a rāā sɔl gə̄ kadə̄ a ndūbə̄n̄ kɔ̄ɔ́, adə̄ loo ń noō tə́ ní, kasə ní ō, sɔl gə̄ ní ō, i yá̰á̰ kə́ ta tḭ̄ḭ̄ kɔ̄ɔ́ gə̄. Ba kasə nduú kə́ ngōn̄ tām̄ ní, majə kadə̄ ā ī-tūr̄ i kem sɔl kə́ kijə gə̄ tə́.

Najə̄ kə́ Majə yā Jeju ń Luk ndang ní 5:36

Ni-ɔr̄ najə̄ kə kūjə́ najá sedə́ ɓáý to̰, ədadə́ na: Deē a gān̄g ta kūbə̄ kə́ kijə yā kənīń kum ngísə kūbə̄ alé. Ré ḭ̄ deē ī-rāā beé anī kūbə̄ kə́ kijə ní tan i kə́ gān̄g kɔ̄ɔ́ ō, tan kə́ gān̄g ní a əhɔn̄ ta naā kə ngísə kūbə̄ ní aĺ ō.