Biblia Todo Logo
Bib sou entènèt

- Piblisite -




MARK 2:20 - Bibəl ta Sar̄

20 Ndɔ̄ gə̄ a reēn̄ kadə̄ a ɔrə̄n̄ nga dəyá̰ dandə́ tə́ kɔ̄ɔ́ anī, dan ń noō tə́ ní nin̄ a ndin̄ ɓō tām̄ yā Nə́ɓā tə́ kem ndɔ̄ ń noō tə́ ɓáý.

Gade chapit la Kopi

Bible sar

20 Ndɔ̄ gə̄ a reēn̄ kadə̄ a ɔrə̄n̄ nga dəyá̰ dandə́ tə́ kɔ̄ɔ́ anī, dan ń noō tə́ ní nin̄ a *ndin̄ ɓō tām̄ yā Nə́ɓā tə́ kem ndɔ̄ ń noō tə́ ɓáý.

Gade chapit la Kopi




MARK 2:20
29 Referans Kwoze  

Ni-əda ngé ndóō yá̰a̰ yān gə̄ ɓáý to̰ na: Ndɔ̄ gə̄ a reēn̄ noó kadə̄ sḭḭ̄ ā ī-ndə̄ngāī ka̰a̰ ndɔ̄ kə́ kal kógə̄ḿ beē dan ndɔ̄ gə̄ yā Ngōn̄ Deē tə́, ba ā á̰a̰ī ndɔ̄ ní alé.


Anī de kə́ dɔ rā̰ tə́ kógə̄ḿ, kə́ dan ngé kə́ sīrí gə̄ ń kópə kə́ sīrí gə̄ kə́ yá̰á̰ kə́ tōr̄ kə́ ta tɔ̄l̄ ta tə́ gə̄ rosən̄ kem i jīdə́ tə́ ní, reē rɔ̄ḿ tə́ ba ədam̄ na: Ī-reē na m-ā m-ɔ́jiī kə dəyá̰ nong yā Ngōn̄ batāá.


Ādə̄ jə-rāāī rɔ̄nel̄ ō, jə-tḭ́ḭ̄ bal walya ō, j-ɔsiī gɔnən ō. Tɔdɔ̄ kum mbang kaw̄ kújú yā nə̄yá̰ Ngōn̄ Batə̄ asə kɔ̄ɔ́ ō, nə̄yá̰n rāā rɔ̄n kɔ̄ɔ́ ō.


m̄-rāā kəla kə́ ngan̄g gə̄ adə̄ kɔr rāām̄ ō, yá̰a̰ nāā kə́ ngan̄g gə̄ nāāmə̄n̄ ō, m-ə̄nā ɓīī kumḿ tə́ aĺ nja i ngá̰ý ō. Ɓō rāām̄ ō, kəndā rāām̄ ō. M-ə́sá yá̰a̰ aĺ nja i ngá̰ý ō. Kūl̄ o̰o̰m̄ ō, m̄-nal̄ kūbə̄ ko̰ō̰ ō.


m̄-rāā jang najə̄ yāsí tə́, ba jang ń m̄-rāā ní, i jang kə́ ḭḭ i rɔ̄ Nə́ɓā tə́. Tām̄ sḭḭ̄ i tītə̄ ngōmandə kə́ ger̄ dəngam aĺ ɓáý kə́ m-ə́hɔ gātə̄sí tām̄ yā dəngam kə́ kógə̄ḿ beē tə́, dəngam ní i Kərist.


Ɔ̄gī naā rɔ̄sí alé. Ba ré ōōī i naā tām̄ yā kum mbang kə́ sḛ́ý beē kə́ yā kəndāń rɔ̄sí ta ndɔ̄ȳ Nə́ɓā tə́ tá. Gō tə́ anī ī-tél āwī naā tə́, na sōgə́ dum̄ ta ngur dā̰ rɔ̄ aĺ yāsí teē ta róbə adə̄ Sətan, yā kadə̄ ni-nāāsí kə yá̰á̰ gól̄ yānneé.


Nin̄-gə̄rān̄ kum kɔɔ̄ gə̄ kem Egəlijə gə̄ tə́ kógə̄ḿ kógə̄ḿ adə̄n̄ ngé taā kem gə̄, ba gō tə́ anī ndin̄ ɓō tām̄ yā Nə́ɓā tə́ ō, ndɔ̄ȳn̄ ō, pá tá kadə̄ ɓɔ̄ɔ̄n̄də́ kə Kɔ́ɔ̄ɓē ń taān̄ kemən ní ɓáý.


Kə́ ngɔr ń toō tə́ ɓáa i gáŕ kadə̄ Jeju Kərist a ndi i dɔ rā̰ tə́, bátə́ kadə̄ ndɔ̄ ń yá̰a̰ malang a téləń kə́ kijə ní reē ugə̄ń tītə̄ ń Nə́ɓā ədań kété jóo kə ta kūl̄ ngé koō ta yān kə́ táĺ gə̄ ní.


Dan ń ni-ədadə́ yá̰a̰ gə̄ ń toō oy anī, ḭḭ ta kumdə́ tə́ ɗil ta kaw̄ kə̄ dɔ rā̰ tə́. Gō tə́ anī kil̄ man̄ kógə̄ḿ reē utə̄ dɔn kɔ̄ɔ́ ɔgə̄də́ ka̰a̰n.


Ngɔlaā ń toō m-ā m-āw̄ kə̄ rɔ̄í tə́, ba m-ə́da najə̄ gə̄ ń toō dɔ nang tə́, i yā kadə̄ rɔ̄nel̄ yāḿ kə́ kemdə́ tə́ i rɔ̄nel̄ kə́ ɔtə̄ kə taá mámák.


Mā i dɔ nang tə́ to̰ alé, banī nin̄ i dɔ nang tə́ ō mā m-ā m-āw̄ kə̄ rɔ̄í tə́ ō. Bɔbə́ḿ kə́ táĺ, ī-ngɔ̄m̄də́ kə ta kūl̄ rīí ń ādə̄m̄ ní, yā kadə̄ nin̄ i kógə̄ḿ tītə̄ ń mā ō ḭ̄ ō jḭḭ i kógə̄ḿ ní.


M-ḭ́ḭ i rɔ̄ Bɔbə̄ Ngōn̄ tə́ n m̄-reē dɔ nang tə́ ní. Ba ngɔlaā ní m-ā m-ə́ya̰ dɔ nang, ba m-ā m-āw̄ rɔ̄ Bɔbə̄ Ngōn̄ tə́.


Banī m-ə́dásí najə̄ kə́ rɔ̄kum: I só tə́ tām̄ yāsí tə́ kadə̄ m-āw̄. Tɔdɔ̄ ré m-āw̄ aĺ anī, nge dḭḭ̄sí a reē rɔ̄sí tə́ alé. Ba ré m-āw̄ anī, m-ā m-ə́la seneé yā kadə̄sí.


Ngánə́ḿ kə́ dūú gə̄, m-ā m̄-ndi sesí i sḛ́ý beē ngóy. Ā ī-sāāmī, ba tītə̄ ń m-ə́da Jipə gə̄ kété ní, m-ə́dásí ngɔlaā ń toō ō: Sḭḭ̄ ásiī kugə̄ loo ń m-ā m-āw̄ kə̄ tū tə́ ní alé.


Deē ń taā dəyá̰ ní, kɔ́ɔ̄ i ngaa dəyá̰. Ba balsáa madə̄ ngaa dəyá̰ ń ra noó ba oō ndūn ní, rɔ̄n nelə̄n ngá̰ý dan ń ndū ngaa dəyá̰ əsō mbīn tə́ ní. I yá̰á̰ ń toō n i rɔ̄nel̄ yāḿ mā ní, ba rɔ̄nel̄ ní majə ɔtə̄ kə taá.


Anī Jeju əda ngé ndóō yá̰a̰ yān gə̄ na: Ndɔ̄ɔ́ ɓōólaā nəkɔ́ ń toō ní sḭḭ̄ malang a ə́ya̰mī kɔ̄ɔ́. Tɔdɔ̄ i kə́ ndang kem makətūbūú na: M-ā m-ə́nda nge kul̄ batə̄ gə̄, anī ɓūtə̄ batə̄ gə̄ a tḭ̄ḭ̄n̄ naā kə̄ loo gə̄ tə́.


Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.


Tītə̄ ń balsáa taāń ngōmandə ní, nge tél rāāī gogə́ rang a tél ngaaí i tītə̄ ń noō ō. Tītə̄ ń dəyá̰ kijə i yá̰a̰ rɔ̄nel̄ yā ngaan ní, ā ī-téĺ yá̰a̰ rɔ̄nel̄ yā Nə́ɓā yāí.


I tām̄ najə̄ ń toō tə́: Ngaaí ń ā ə́ngé ní, i nge rāāī, i nge ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní. Nge taā kəya̰ī dɔɔ́ i Nə́ɓā kə́ táĺ yā Israel, i nge ń a ɓāŕnən̄ na i Nə́ɓā yā dɔ nang kə taá malang ní.


Ngáń kə́ dəyá̰ kə́ Siyo̰ gə̄, ī-teē á̰a̰ī mban̄g Salomo̰! Ni-əla jākā mbang dɔn tə́. I jākā ń kó̰o̰n adə̄n ndɔ̄ ń ni-taāń dəyá̰ tə́ ní, ndɔ̄ ń rɔ̄n nelə̄nneé tə́ ní.


Ngōnə̄ḿ kə́ dəyá̰, ōō! Á̰a̰ā̰ ō, ī-nēl̄ mbīí majə ō. Ādə̄ dɔí ndígə̄nal gír deē yāí gə̄ ō, gír kojə yāí ō.


Əndan̄jí ō, ɓōkə́n̄jí dəngáyá ō, sə̄lān̄ de gə̄ dɔjí tə́ ō, jə-rāā kəla kə́ ngan̄g gə̄ ō, j-ənī ɓīī kumjí tə́ aĺ ō, jə-*ndi ɓō tām̄ yā Nə́ɓā tə́ ō.


Ngé ndoō gə̄ nin̄ i sesí kə ndɔ̄ gə̄, banī mā m-ā m̄-ndi sesí kə dɔ ndɔ̄ gə̄ alé.


Anī Jeju tél ədadə́ na: Dan ń nga dəyá̰ ndiń kə madə̄n gēé ɓáý ní madə̄n gə̄ ní a əhɔn̄ ndoō a? Banī ndɔ̄ gə̄ a reēn̄ noó kadə̄ a ɔrə̄n̄ nga dəyá̰ dandə́ tə́ kɔ̄ɔ́, tā anī a ndin̄ ɓō tām̄ yā Nə́ɓā tə́ tā.


Jeju tél ədadə́ na: Dan ń nga dəyá̰ ndiń kə madə̄n gēé ɓáý ní, a əya̰ madə̄n gə̄ ní kə ɓōó a? Ndɔ̄ gə̄ malang ń nga dəyá̰ i sedə́ ɓáý ní, nin̄ a asən̄ ndi ɓō tām̄ yā Nə́ɓā tə́ alé.


De kə́ yā kənī kum ngísə kūbə̄ kə ta kūbə̄ kə́ kijií gətóo. Ré i beé anī, ta kūbə̄ kə́ kijə ń ənīn̄neé kum kə́ ngísə́ ní a rāā kadə̄ kum kūbə̄ a rə̄yā̰ mān̄ kə́ kété ɓáý.


Banī ndɔ̄ gə̄ a reēn̄ noó, kem ndɔ̄ gə̄ ngeé ń noō tə́ ní a unən̄ ngaa dəyá̰ tadə́ tə́ kɔ̄ɔ́. Loo ń noō tə́ nin̄ a ndin̄ ɓō tām̄ yā Nə́ɓā tə́ tā.


Swiv nou:

Piblisite


Piblisite