MARK 2:17 - Bibəl ta Sar̄

¹⁷ Loo ń Jeju oō beé anī ədadə́ na: I ngé rɔ̄ ngan̄g gə̄ n a sāān̄ nja doktór ní alé, ba i ngé rɔ̄ ngan̄g aĺ gə̄ n a sāān̄ njan ní.

Bible sar

¹⁷ Loo ń Jeju oō beé anī ədadə́ na: I ngé rɔ̄ ngan̄g gə̄ n a sāān̄ nja doktór ní alé, ba i ngé rɔ̄ ngan̄g aĺ gə̄ n a sāān̄ njan ní.

MARK 2:17 Referans Kwoze

Najə̄ kə́ Majə yā Jeju ń Luk ndang ní 15:7

Ādə̄ m-ə́dásí na rɔ̄nel̄ a to dɔ rā̰ tə́ ngá̰ý tītə̄ ń noō ō tām̄ yā nge rāā majaĺ kə́ kógə̄ḿ beē kə́ tūr̄ hálən tə́ tɔȳ yā de kə́ súmūú kə́ kutə ndōhó gidə i ndōhó gə̄ kə́ ɓō tūr̄ háĺdə́ rāādə́ aĺ tə́.

Najə̄ kə́ Majə yā Jeju ń Luk ndang ní 19:10

Tɔdɔ̄ Ngōn̄ Deē reē i sāā ngé kə́ tadə́ tḭ̄ḭ̄ gə̄ tə́ ō, kajədə́ tə́ ō.

IJAI 55:7

Majə kadə̄ de kə́ majaĺ gə̄ əya̰n̄ háĺdə́ kɔ̄ɔ́. Majə kadə̄ nge rāā yá̰á̰ kə́ majaĺ əya̰ gír̄ yān kə́ to kem ndul gə̄ kɔ̄ɔ́. Majə kadə̄ de gə̄ malang tél reēn̄ kə̄ rɔ̄ Kɔ́ɔ̄ɓē tə́, tɔdɔ̄ kumən a o̰o̰n tām̄ yādə́ tə́. Majə kadə̄ de gə̄ malang tél reēn̄ kə̄ rɔ̄ Nə́ɓā yājí tə́, tɔdɔ̄ ni mā̰ȳ rɔ̄n ngá̰ý.

JA̰A̰ 9:40

Parijiyḛ gə̄ ń ndin̄ seneé ní oōn̄ najə̄ ń toō anī, dəjen̄ na ké nin̄ i ngé ka̰a̰ loo aĺ gə̄ ō wa.

Najə̄ kə́ Majə yā Jeju ń Luk ndang ní 15:10

Ādə̄ m-ə́dásí, de kə́ dɔ rā̰ tə́ gə̄ yā Nə́ɓā a rāān̄ rɔ̄nel̄ kə́ ngá̰ý tītə̄ ń noō ō, tām̄ yā nge rāā majaĺ kə́ kal kógə̄ḿ beē kə́ tūr̄ hálən tə́.

Najə̄ kə́ Majə yā Jeju ń Luk ndang ní 15:29

Bɔbə̄n teē aw̄ rāān ɓɔ́, banī ni-tél əda bɔbə̄n na: Á̰a̰ā̰, i ɓāl̄ kóndóńg n mā m̄-rāań kəla seí ō, m̄-rāań yá̰a̰ malang ń ɔ́jəm̄ ní kanjə̄ kadə̄ m̄-mbātə́ taí tə́ ō ní, ba ngōn̄ bə̄yā̰ kógə̄ḿ gə̄gē ādə̄m̄ kadə̄ m̄-tɔ̄l̄ m̄-rāań rɔ̄nel̄ kə madə́ḿ gēé alé.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

IJAI 1:18

Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.

KƏLA RĀĀ 20:21

Najə̄ kə́ kum tə́ yāḿ ɓāŕ i Jipə gə̄ ō Gərek gə̄ ō kadə̄ tūrə̄n̄ rɔ̄də́ kə̄ rɔ̄ Nə́ɓā tə́ ō, kadə̄ taān̄ kem Kɔ́ɔ̄ɓē yājí Jeju ō.

Najə̄ kə́ Majə yā Jeju ń Luk ndang ní 16:15

Ba Jeju ədadə́ na: Sḭḭ̄ i ngé kɔjə rɔ̄sí gə̄ ta kum de gə̄ tə́, kadə̄ sḭḭ̄ na i de kə́ súmūú gə̄, ba Nə́ɓā ger̄ kemsí, tɔdɔ̄ yá̰á̰ ń de gə̄ ɔsən̄ kə̄ dɔɔ́ ní i yá̰á̰ kə́ to yḛr kum ngá̰ý ta kum Nə́ɓā tə́.

MATIYE 18:10

Ngáń kə́ dūú gə̄ ń toō ní ī-lōōī kídə̄ nge kógə̄ḿ dandə́ tə́. Tɔdɔ̄ ādə̄ m-ə́dásí, dɔ rā̰ tə́ ní deē yādə́ kə́ dɔ rā̰ tə́ gə̄ a ran̄ ta kum Bɔbə́ḿ kə́ ndi dɔ rā̰ tə́ tə́ i ngándáńg.

KƏLA RĀĀ 26:20

Ba m-ɔ́jə de kə́ Damas gə̄ najə̄ ta kəga dɔ, gō tə́ anī i de kə́ Jerusalem gə̄ ō, de kə́ gō nang malang kə́ Jude tə́ ō, tá nápar de gə̄ ń nin̄ i Jipə aĺ gə̄ ní m-ɔ́jə́də́ najə̄ ō. M-ɔ́jə́də́ kadə̄ əya̰n̄ gíŕ yá̰a̰ rāādə́ kə́ majaĺ gə̄ kɔ̄ɔ́, ba kə tūrə̄n̄ rɔ̄də́ kə̄ rɔ̄ Nə́ɓā tə́ ō, kə rāān̄ yá̰á̰ kə́ ɔjə kadə̄ nin̄-əya̰n̄ majaĺ yādə́ gə̄ kɔ̄ɔ́ rɔ̄kum ō.

JA̰A̰ 9:34

Nin̄-tél ədanən̄ na: Ojiīn̄ i kum majaĺ tə́ anī ī-gḛy ndóōjí yá̰a̰ a? Gō tə́ anī nin̄-tə̄ɓānən̄ ndágá kɔ̄ɔ́.

JEREMI 17:9

Gír̄ kə́ kem de gə̄ tə́ tə́la naā ngá̰ý. Dum̄ kadə̄ ḭ̄ deē ɔ̄r̄də́ dɔ tə́.