MARK 2:16 - Bibəl ta Sar̄

¹⁶ Ngé ndóō de gə̄ ndū najə̄ yā Parijiyḛ gə̄ a̰ā̰n̄ kadə̄ Jeju a əsa yá̰a̰ kə ngé rāā majaĺ gə̄ ō, kə ngé taā lambóo gə̄ ō anī, dəjen̄ ngé ndóō yá̰a̰ yān gə̄ na ké i tām̄ rí tə́ á a əsa yá̰a̰ kə ngé taā lambóo gə̄ ō, ngé rāā majaĺ gə̄ ō ní wa.

Bible sar

¹⁶ Ngé ndóō de gə̄ ndū najə̄ yā *Parijiyḛ gə̄ a̰ā̰n̄ kadə̄ Jeju a əsa yá̰a̰ kə ngé rāā majaĺ gə̄ ō, kə ngé taā lambóo gə̄ ō anī, dəjen̄ ngé ndóō yá̰a̰ yān gə̄ na ké i tām̄ rí tə́ á a əsa yá̰a̰ kə ngé taā lambóo gə̄ ō, ngé rāā majaĺ gə̄ ō ní wa.

MARK 2:16 Referans Kwoze

Najə̄ kə́ Majə yā Jeju ń Luk ndang ní 19:10

Tɔdɔ̄ Ngōn̄ Deē reē i sāā ngé kə́ tadə́ tḭ̄ḭ̄ gə̄ tə́ ō, kajədə́ tə́ ō.

Najə̄ kə́ Majə yā Jeju ń Luk ndang ní 18:11

Parijiyḛ ní ra dɔɔ́ ba ndɔ̄ȳ Nə́ɓā kemən tə́ tītə̄ ń toō beé, əda na: Nə́ɓā, m̄-ndadī, tɔdɔ̄ mā i tītə̄ gotə deē madə́ḿ gə̄ ń nin̄ i ngé ɓogə gə̄ ō, i de kə́ súmūú aĺ gə̄ ō, i ngé sāā naā loo kaya tə́ ō ní alé. m̄-ndadī ngá̰ý ɓáý to̰ tām̄ mā i tītə̄ nge taā lambóó ń toō aĺ ō.

1 KORḚNTƏ 2:15

De kə́ nge Ndíl Nə́ɓā asə kəda najə̄ dɔ yá̰a̰ gə̄ tə́ malang, banī deē kógə̄ḿ kə́ a asə kəda najə̄ dɔn ni tə́ gətóo.

KƏLA RĀĀ 23:9

Loo ń noō tə́ najə̄ ɓār̄ sow. Ngé ngé ndóō de gə̄ ndū najə̄ kə́rēý gə̄ kə́ dām̄ yā Parijiyḛ gə̄ tə́ ḭḭ tṵ́ṵ̄n̄ rɔ̄ kə ngangāá ngá̰ý ədan̄ na: Jḭḭ j-a̰a̰ yá̰á̰ kógə̄ḿ kə́ majaĺ kə́ deē ń toō rāā alé. Ba ré i ndíl deē kógə̄ḿ, aláa i de kə́ dɔ rā̰ tə́ kógə̄ḿ n ɔr̄ najə̄ seneé ní a i náā n-ger̄?

Najə̄ kə́ Majə yā Jeju ń Luk ndang ní 19:7

Dan ń a̰a̰n̄ tītə̄ ń noō ní a, kósə de gə̄ malang yṵ́rə̄n̄ najə̄ ədan̄ na: Á̰a̰ī wa! Ni-aw̄ əhɔ ɓē mbā ɓē de kə́ nge rāā majaĺ!

IJAI 65:5

Nin̄ ədan̄ de gə̄ na: Ī-lōō reē rɔ̄ḿ tə́ ngɔr, ī-lōō kɔdə rɔ̄ḿ. Nge ń noō a rāā majə seí alé, tām̄ m-ā m̄-rāāī kadə̄ ā ī-tél de kə́ táĺ. Dan ń m-á̰á̰ yá̰a̰ rāāsí anī, wōn̄g yāḿ butə̄ hor ō, hor wōn̄g yāḿ ní o̰o̰ kanjə̄ dəba ō.

HEBƏRO 12:3

Ādə̄ sḭḭ̄ ī-gírī dɔ Jeju tə́. Ni-tə́gā tan tū yá̰a̰ malang ń de kə́ ngé rāā yá̰a̰ majaĺ gə̄ rāān̄ seneé tə́ ní. Adə̄ ī-lōōī kadə̄ tɔ́gə́sí ur̄ wak sɔɔ̄ń kemsí kə́ ɔr.

MARK 2:7

I ba̰ý á deē ń toō a ɔr̄ najə̄ beé? Ni a gán̄g i Nə́ɓā. I náā n asə mā̰ȳ rɔ̄n dɔ yá̰á̰ kə́ majaĺ gə̄ tə́ ní? I Nə́ɓā ngóy aĺ a?

MATIYE 18:17

Ré ni-ɔdə koō najə̄ yādə́ aĺ anī, ə́da Egəlijə. Ba ré ni-mbātə́ koō najə̄ yā Egəlijə to̰ anī, ī-rāān de kə́ nge taā kem tə́ aĺ ō, ī-rāān̄ de kə́ nge taā lambóó tə́ ō.

MATIYE 9:11

Loo ń Parijiyḛ gə̄ a̰a̰n̄ tītə̄ ń noō anī, dəjen̄ ngé ndóō yá̰a̰ yān gə̄ na ké i tām̄ rí tə́ á ngoldə́ a əsa yá̰a̰ kə ngé taā lambóo gə̄ ō, ngé rāā majaĺ gə̄ ō ní wa.

MATIYE 5:46

Tɔdɔ̄ ré i ngé táŕsí gə̄ ngóy n ā ī-táriīdə́ anī, ā ī-ngóōī kadə̄ Nə́ɓā əndā njasí i kə rí? Ngé taā lambóo gə̄ rāān̄ i tītə̄ ń noō ō aĺ a?

MARK 2:15

Dan ń Jeju ndi ta yá̰a̰ kəsa tə́ kem kújə yān tə́ ní, ngé taā lambóo gə̄ ngá̰ý ō, ngé rāā majaĺ gə̄ ngá̰ý ō, ndin̄ ta yá̰a̰ kəsa tə́ seneé, naā tə́ kə ngé ndóō yá̰a̰ yān gēé, tɔdɔ̄ nin̄ i ngá̰ý n a unən̄ gōn ní.

Najə̄ kə́ Majə yā Jeju ń Luk ndang ní 5:30

Anī Parijiyḛ gə̄ ō, ngé ndóō de gə̄ ndū najə̄ gə̄ ń nin̄ i gír yā Parijiyḛ gə̄ tə́ ō ní, yṵ́rə̄n̄ najə̄ ba ədan̄ ngé ndóō yá̰a̰ yā Jeju gə̄ na: I tām̄ rí tə́ á ə́saī yá̰a̰ ō, ā̰yī ō naā tə́ kə ngé taā lambóo gə̄ ō, ngé rāā majaĺ gə̄ ō ní?