MARK 16:20 - Bibəl ta Sar̄

²⁰ Ba nin̄ tā a aw̄n̄ kə̄ loo gə̄ tə́ malang ɔjən̄ najə̄. Kɔ́ɔ̄ɓē rāā kəla sedə́, adə̄də́ tɔ́gə yā rāā yá̰á̰ kə́ to kɔr kum gə̄, yā kadə̄ de gə̄ gerə̄n̄ na najə̄ ń ɔjən̄ ní i najə̄ kə́ rɔ̄kum.

Bible sar

²⁰ Ba nin̄ tā a aw̄n̄ kə̄ loo gə̄ tə́ malang ɔjən̄ najə̄. Kɔ́ɔ̄ɓē rāā kəla sedə́, adə̄də́ tɔ́gə yā rāā yá̰á̰ kə́ to kɔr kum gə̄, yā kadə̄ de gə̄ gerə̄n̄ na najə̄ ń ɔjən̄ ní i najə̄ kə́ rɔ̄kum.

MARK 16:20 Referans Kwoze

KƏLA RĀĀ 14:3

Banī Pol nin̄ kə Barnabas ndin̄ Ikoniyɔm dan oy tām̄. Nin̄-ɔrə̄n̄ najə̄ kanjə̄ ɓōĺ, tɔdɔ̄ ənīn̄ kemdə́ mámák adə̄n̄ Kɔ́ɔ̄ɓē. Ni-adə̄də́ tɔ́gə adə̄ rāān̄ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, yā kadə̄ najə̄ kə́ dɔ kem majə yā Nə́ɓā kə́ ajə deē tə́ ń nin̄-ɔjən̄ ní i najə̄ kə́ rɔ̄kum.

HEBƏRO 2:4

Nə́ɓā ɔjə kadə̄ i rɔ̄kum i kə ta kūl̄ yá̰á̰ kə́ yáā gə̄ ō kə́ to ɓōĺ gə̄ ō, kə́ to kɔr kum gə̄ kə́ gíŕdə́ i ngá̰ý ō, kə ta kūl̄ kadə̄ de gə̄ kadə̄ karī gə̄ yā Ndíĺ kə́ Táĺ ń ni-nə̄bō kə gō kem ndigə yānneé ní ō.

Makətūbə̄ ń Pol ndang adə̄ Rom gə̄ ní 15:19

i kə tɔ́gə́ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, i kə tɔ́gə yā Ndíĺ kə́ Táĺ ō. Adə̄ m-ɔ́jə Najə̄ kə́ Majə yā Kərist kə taá malang, m-ə́lá gír i Jerusalem ō, kem ɓē gə̄ ń ran̄ kə gō gidə ɓē kə́ Jerusalem ní ō, bátə́ gō nang kə́ Iliri tə́.

KƏLA RĀĀ 5:12

Yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, rāān̄ yá̰á̰ ngá̰ý dan ngán Israel gə̄ tə́ kə ta kūl̄ ngámbang kəla gēé. Nin̄ malang ní kemdə́ i kógə̄ḿ ō, ran̄ naā tə́ loo kógə̄ḿ ō, gír dabə yā Salomo̰ kə́ rāā kə mbalá tə́.

KƏLA RĀĀ 4:30

Ī-rāā ādə̄ rɔ̄ ngé mo̰y gə̄ ngáā ō, yá̰á̰ kə́ to kɔr kum gə̄ ō, kə́ yáā gə̄ ō, rāān̄ yá̰a̰ kə ta kūl̄ rī Jeju nge kəla yāí kə́ táĺ ɔ́jəń tɔ́gí kə̄ ndágá.

2 KORḚNTƏ 6:1

I beé ní, jḭḭ ń i ngé rāā kəla gə̄ kə Nə́ɓāá ní, j-ɔjə̄sí kadə̄ rajə ń Nə́ɓā rajəsí ní kadə̄ gotə to karī alé.

MARK 16:19

Gō tə́ dan ń Kɔ́ɔ̄ɓē Jeju ɔr̄ najə̄ sedə́ oy anī, un aw̄n̄ seneé dɔ rā̰ tə́, adə̄ ndi dɔ jī ko̰ Nə́ɓā tə́.

Najə̄ kə́ Majə yā Jeju ń Luk ndang ní 1:1

Kó tár yāḿ Teopil, yá̰á̰ kə́ bo bo gə̄ ń rāān̄ yá̰a̰ dɔ dáńjí tə́ ní, de gə̄ ngá̰ý ndangən̄ najə̄n kem makətūbə̄ tə́.

Najə̄ kə́ Majə yā Jeju ń Luk ndang ní 1:2

Ndangən̄ i kə gō ń ngé ka̰a̰ kə kumdə́ gə̄ ənīn̄neé gotə adə̄n̄jí ní. Ngé ka̰a̰ kə kumdə́ gə̄ ní télən̄ i ngé kɔjə najə̄ kə́ bo gə̄ yā Nə́ɓā.

HEBƏRO 2:3

jḭḭ̄ ní, ré usəjí dɔ kajə kə́ bo ngá̰ý ń toō tə́ aĺ anī, j-a j-asiī teē karī ta ndéý tə́ i ba̰ý? Kajə ngeé ń toō, Kɔ́ɔ̄ɓē əla gír kɔr̄ najə̄ kə́ dɔ tə́ ō, ngé gə̄ ń oōn̄ ní ədan̄ kadə̄ i najə̄ kə́ rɔ̄kum ō.