MARK 16:18 - Bibəl ta Sar̄

¹⁸ Dan ń a əhɔn̄ lī kə jīdə́ ō, a a̰ȳn̄ yá̰á̰ kə́ a tɔ̄l̄ deē ō anī, a rāā yá̰a̰ sedə́ alé. A əndān̄ jīdə́ dɔ ngé mo̰y gə̄ tə́ anī, rɔ̄ ngé mo̰y gə̄ a ngáā.

Bible sar

¹⁸ Dan ń a əhɔn̄ lī kə jīdə́ ō, a a̰ȳn̄ yá̰á̰ kə́ a tɔ̄l̄ deē ō anī, a rāā yá̰a̰ sedə́ alé. A əndān̄ jīdə́ dɔ ngé mo̰y gə̄ tə́ anī, rɔ̄ ngé mo̰y gə̄ a ngáā.

MARK 16:18 Referans Kwoze

Najə̄ kə́ Majə yā Jeju ń Luk ndang ní 10:19

Ōōī, m-ādə̄sí tɔ́gə kadə̄ ī-tə́ɓāīneé dɔ lī gə̄ ō dɔ kókə́rang gə̄ ō, kadə̄ ī-tetiīneé tɔ́gə Sətan malang rɔ̄ɔ̄ kɔ̄ɔ́ ō, yá̰á̰ kógə̄ḿ a rāāsí aĺ ō.

KƏLA RĀĀ 19:12

Adə̄ de gə̄ unən̄ ta kūbə̄ kɔl̄ rɔ̄ yān, aláa kūbə̄ yān kə́ rang aw̄ ɔdən̄neé rɔ̄ ngé mo̰y gə̄ anī mo̰y əya̰də́ ō, ndíĺ kə́ majaĺ gə̄ teēn̄ kemdə́ tə́ kɔ̄ɔ́ ō.

KƏLA RĀĀ 4:30

Ī-rāā ādə̄ rɔ̄ ngé mo̰y gə̄ ngáā ō, yá̰á̰ kə́ to kɔr kum gə̄ ō, kə́ yáā gə̄ ō, rāān̄ yá̰a̰ kə ta kūl̄ rī Jeju nge kəla yāí kə́ táĺ ɔ́jəń tɔ́gí kə̄ ndágá.

KƏLA RĀĀ 3:16

I tām̄ taā ń jə-taā kem Jeju ní n rīn adə̄ deē ń á̰a̰niī ō, ī-ger̄niī ō toó tɔ́gə́ ní. I taā ń jə-taā kem Jeju ní n rāā adə̄ rɔ̄n ngan̄g á á̰a̰ī kə kumsí toō.

KƏLA RĀĀ 9:34

Piyer ədan na: Ene, Jeju Kərist rāā adə̄ rɔ̄í ngáā kɔ̄ɔ́! Ḭ́ḭ dɔɔ́ ba ī-rāā tə̄rā toí ādə̄ majə! Anī Ene ḭḭ dɔɔ́ kə̄ ta jī tə́ beē.

KƏLA RĀĀ 3:12

Dan ń Piyer a̰ā̰ beé ní a əda de gə̄ na: Israel gə̄, kum nəkɔ́ ń yá̰á̰ ń toō ɔrəń kumsí ngá̰ý ní na i rí? Kum ka̰a̰ ń á̰a̰ījí tītə̄ kə́ i jḭ̄ n jə-rāā deē ń toō adə̄ njə̄rā kə ta kūl̄ tɔ́gə yājí jḭḭ kɔ́ gɔ̄ɔ́, aláa kə ta kūl̄ rāā yá̰a̰ kə gō ń Nə́ɓā yājí ndigə ní na i rí?

MARK 5:23

ba rāān ɓɔ́ ngá̰ý, ədan na: Ngōnə̄ḿ kə́ dəyá̰ a rāā yā kəhɔ tan kə̄ naā tə́, ba ī-reē, ə̄ndā jīí dɔn tə́ ādə̄ ajə ba ndi kə kumneé.

PĀ GƏ̄ 91:13

Ā ī-tə́ɓā dɔ ɓɔl ō lī kakə́m ō kə njaí kanjə̄ kadə̄ yá̰á̰ kógə̄ḿ rāāī, ā ī-tə́ɓā dɔ kagə ō lī kə́ to ɓōĺ ō kə njaí.

Makətūbə̄ ń Pol ndang adə̄ Rom gə̄ ní 16:20

Na̰y i ngɔr kadə̄ Nə́ɓā kə́ nge kadə̄ de gə̄ kem sɔl̄ lɔm a rējə̄ Sətan kɔ̄ɔ́ gír njasí tə́. Ādə̄ Kɔ́ɔ̄ɓē yājí Jeju rāā kem majə sesí.

1 KORḚNTƏ 12:9

Ndíĺ kə́ kal kógə̄ḿ beē nəkɔ́ ń toō adə̄ deē kógə̄ḿ tɔ́gə taā kem ō, adə̄ de kə́ rang tɔ́gə kə́ yā rāań kadə̄ rɔ̄ deē ngáā ō,

KƏLA RĀĀ 4:10

I beé ní majə kadə̄ sḭḭ̄ malang ī-gerī ō, majə kadə̄ ngán Israel gə̄ malang gerə̄n̄ ō, kadə̄ Jeju Kərist kə́ Najaret ń ə́ndaniī kə máyá̰ tū kāgə̄ kə́ dēsə́ tə́ ní, ni ń oy tá Nə́ɓā ndólə̄n dan de kə́ koy gə̄ tə́ ní, i kə ta kūl̄ rīneé n nja de kə́ nge lígə̄rī ń ra nosí tə́ toō ndájəń ní.

KƏLA RĀĀ 4:22

Deē ngeé ń toō ń njan ndájə̄ kanjə̄ kadə̄ deē ger̄ loon ní, ɓālə̄n mān̄ kutə sɔ́.

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.