MARK 16:17 - Bibəl ta Sar̄

¹⁷ Yá̰á̰ kə́ to kɔr kum gə̄ ń a ɔjən̄ kadə̄ Nə́ɓā i kə ngé taā kem gə̄ ní n toó: Nin̄ a tə̄ɓān̄ ndíĺ kə́ majaĺ gə̄ kə rīḿ ō, a ɔrə̄n̄ najə̄ kə ta kə́ kijə gə̄ ō.

Bible sar

¹⁷ Yá̰á̰ kə́ to kɔr kum gə̄ ń a ɔjən̄ kadə̄ Nə́ɓā i kə ngé taā kem gə̄ ní n toó: Nin̄ a tə̄ɓān̄ ndíĺ kə́ majaĺ gə̄ kə rīḿ ō, a ɔrə̄n̄ najə̄ kə ta kə́ kijə gə̄ ō.

MARK 16:17 Referans Kwoze

KƏLA RĀĀ 5:16

Kósə de kə́ kem ɓē gə̄ kə́ kadə ɓē kə́ Jerusalem tə́ gə̄ ɓə̄ngān̄ naā ɓuk reēn̄ ō. Nin̄-reēn̄ kə ngé mo̰y gə̄ ō, kə de gə̄ kə́ ndíĺ kə́ yḛr gə̄ a rāān̄ kumdə́ ndoō tə́ gə̄ ō, ba de gə̄ malang ń noō ní əngen̄ rɔ̄ ngáā.

1 KORḚNTƏ 12:28

I beé n Nə́ɓā əndāń ngámbang kəla gə̄ kété kem Egəlijə tə́ ní. De gə̄ ń utə̄n̄ gōdə́ ní i ngé koō ta gə̄. Kə́ ko̰ mətá i nge ndóō de gə̄ yá̰a̰ gə̄. Gōdə́ nin̄ tə́ i ngé rāā yá̰á̰ kə́ yáā gə̄. Kutə gō anī i ngé kaw̄ kə tɔ́gə́ kə́ yā rāā kadə̄ rɔ̄ de gə̄ ngáā ō, ngé rāā kə deē madə̄də́ gēé ō, ngé kɔr no madə̄də́ gə̄ ō, ngé kɔr̄ najə̄ kə ta kə́ tayā gə̄ ō.

1 KORḚNTƏ 12:10

adə̄ de kə́ rang tɔ́gə rāā yá̰á̰ kə́ yáā gə̄ ō, adə̄ de kə́ rang tɔ́gə kəda najə̄ kə́ Nə́ɓā əndā tan tə́ ō, adə̄ de kə́ rang ɓáý to̰ tɔ́gə ger̄ gíŕ ndíĺ gə̄ ō, adə̄ de kə́ rang tɔ́gə kɔr̄ najə̄ kə ta kə́ tayā gə̄ ō, adə̄ de kə́ rang ɓáý to̰ tɔ́gə ger̄ kum ta kə́ tayā gə̄ ní ō.

KƏLA RĀĀ 8:7

Ndíĺ kə́ yḛr gə̄ ngá̰ý teēn̄ kɔ̄ɔ́ kə kɔŕ kə́ ngá̰ý kem de gə̄ ń nin̄ i kemdə́ tə́ ní ō, rɔ̄ ngé lígə̄rī gə̄ kə ngé tə́sō motə gə̄ ngá̰ý tél ngan̄g májə́ májə́ gogə́ ō.

Najə̄ kə́ Majə yā Jeju ń Luk ndang ní 10:17

Ngé kə́ kutə sīrí gidə i jōó gə̄ ní tél reē ugə̄n̄. Rɔ̄də́ nel̄də́ ngá̰ý adə̄ ədan̄ Jeju na: Kɔ́ɔ̄ɓē, dan ń j-əda rīí anī, ndíĺ kə́ majaĺ gə̄ gə̄gē oōn̄ tají ba rāān̄ yá̰á̰ ń j-ədadə́ ní.

KƏLA RĀĀ 10:46

Tɔdɔ̄ nin̄-oōn̄ ndūdə́ loo kɔr̄ najə̄ tə́ kə ta kə́ tayā gə̄ ō, loo kɔsə gɔn bo Nə́ɓā tə́ ō. Anī Piyer əda na:

JA̰A̰ 14:12

Ādə̄ m-ə́dásí najə̄ kə́ bo ngá̰ý, deē ń taā kemḿ anī a rāā kəla gə̄ ń m̄-rāā ní ō, ba a rāā ngé kə́ bo tɔȳ ngé gə̄ ń toō ɓáý, tɔdɔ̄ m-ā m-āw̄ i kə̄ rɔ̄ Bɔbə́ḿ tə́.

KƏLA RĀĀ 19:6

Pol əndā jīn dɔdə́ tə́, anī Ndíĺ kə́ Táĺ reē dɔdə́ tə́. Loo ń noō tə́ nin̄-ɔrə̄n̄ najə̄ kə ta kə́ tayā tayā gə̄ ō, ədan̄ najə̄ gə̄ ń Nə́ɓā əndā tadə́ tə́ ní ō.

1 KORḚNTƏ 14:2

Deē ń ɔr̄ najə̄ kə ta kə́ tayā ní, ɔr̄ i kə de gēé alé, banī i kə Nə́ɓāá, tɔdɔ̄ de kə́ ger̄ kum najə̄ kɔrə̄n gətóo. Ni-əda najə̄ kə́ rɔ̄kum gə̄ kə́ ton̄ loo mundə̄ tə́ i kə ta kūl̄ tɔ́gə́ Ndíl.

1 KORḚNTƏ 12:30

Nin̄ malang i ngé rāā kadə̄ rɔ̄ de gə̄ ngáā a? Nin̄ malang i ngé kɔr̄ najə̄ kə ta kə́ tayā gə̄ a? Nin̄ malang i ngé tútə kum ta kə́ tayā gə̄ ní a?

1 KORḚNTƏ 13:1

Ká ré m-ɔ̄rəń i ta yā de kə́ dɔ nang tə́ gə̄ ō, yā de kə́ dɔ rā̰ tə́ gə̄ ō, ba m̄-tár aĺ anī, najə̄ kɔrə̄ḿ gə̄ ton̄ i tītə̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ beé, aláa i tītə̄ kōō ɓɔ kə́ ɓār̄ beé.

KƏLA RĀĀ 16:18

Ni-rāā yá̰á̰ ní ndɔ̄ ngá̰ý. Ta tɔ̄l̄ ta anī wōn̄g rāā Pol ngá̰ý, adə̄ ni-tūr̄ rɔ̄n ba əda ndíĺ ní kə tɔ́gɔ́ na: Ī-teē kem dəyá̰ ń toō tə́ kɔ̄ɔ́ kə rī Jeju Kərist! Anī ndíĺ ní teē kɔ̄ɔ́ kem dəyá̰ ní tə́ kə̄ ta jī tə́ noō.

MARK 9:38

Ja̰a̰ əda Jeju na: Ngoljí, j-a̰a̰ deē kógə̄ḿ a tə̄ɓā ndíĺ kə́ majaĺ gə̄ kə rīí anī, jə-gḛy kɔgə̄n, tɔdɔ̄ ni-un gōjí alé.

KƏLA RĀĀ 2:33

Nə́ɓā ɔsən kə̄ dɔɔ́ kə tɔ́gəneé, adə̄ ni-ənge Ndíĺ kə́ Táĺ ń Bɔbə̄ Ngōn̄ ənī míndən yā kadə̄ ní. I Ndíĺ kə́ Táĺ ngeé ń ni-ənge ní n ni-rāā adə̄ reē á á̰a̰ī ō, ōōī ō toó.