MARK 16:1 - Bibəl ta Sar̄

¹ Dan ń ndɔ̄ sabat mān̄ kɔ̄ɔ́ anī Mari kə́ Magədala ō, Mari kó̰o̰ Jakə ō, Salome ō mangən̄ ítər yā kaw̄ tə́te dɔ nīń Jeju tə́.

Bible sar

¹ Dan ń ndɔ̄ *sabat mān̄ kɔ̄ɔ́ anī Mari kə́ Magədala ō, Mari kó̰o̰ Jakə ō, Salome ō mangən̄ ítər yā kaw̄ tə́te dɔ nīń Jeju tə́.

MARK 16:1 Referans Kwoze

Najə̄ kə́ Majə yā Jeju ń Luk ndang ní 23:56

Gō tə́ anī tél aw̄ rāān̄ loo yibə̄ kə́ kotə majə ngá̰ý gə̄ kə́ yā rāā dɔ nīń tə́, kə yibə̄ ítər gə̄, əndān̄. Ndɔ̄ sabat tə́ ɓá anī, nin̄-ɔrə̄n̄ koō tītə̄ ń ndū najə̄ ədań ní.

MARK 15:40

Dəyá̰ kə́rēý gə̄ ran̄ dan sa̰y sḛ́ý a a̰a̰n̄neé loo. Mari kə́ Magədala ō, Mari kó̰o̰ Jakə kə́ dūú ō, Jose ō, Salome ō, i dan dəyá̰ gə̄ ní tə́.

JA̰A̰ 19:31

I ndɔ̄ ń əndānəń dɔ yá̰a̰ gə̄ danaá tām̄ yā ndɔ̄ sabat tə́ ní. Jipə gə̄ gḛyn̄ kadə̄ nīń de gə̄ ra dɔɔ́ tū kāgə̄ kə́ dēsə́ tə́ ndɔ̄ sabat tə́ alé. Tá ndɔ̄ sabat ní i ndɔ̄ kə́ bo. Adə̄ nin̄-dəjen̄ Pilatə kadə̄ tétə̄n̄ njadə́ gə̄ ba kə ró̰ȳn̄də́ kɔ̄ɔ́ tū kāgə̄ kə́ dēsə́ gə̄ tə́.

JA̰A̰ 19:25

Kó̰o̰ Jeju ra kadə kāgə̄ kə́ dēsə́ tə́, nin̄ kə ngōkó̰o̰n kə́ dəyá̰ ō, Mari kə́ nə̄yá̰ Kəlopas ō, Mari kə́ Magədala ō.

MARK 16:8

Nin̄-teēn̄ kɔ̄ɔ́ bəlo yo tə́, ba a̰ȳn̄ kɔ̄ɔ́, tɔdɔ̄ ndewn̄ kə̄ rɔ̄də́ gə̄ tə́ malang ō, ndíĺdə́ a̰ȳ ō, banī ədan̄ deē kógə̄ḿ najə̄ alé, tām̄ ɓōĺ rāādə́.

MARK 15:47

Mari kə́ Magədala ō, Mari kə́ kó̰o̰ Jose ō, a̰a̰n̄ loo ń ənīn̄ Jeju tū tə́ ní.

MARK 14:8

Dəyá̰ ń toō rāā i yá̰á̰ ń ni-asə rāā ní, kəjā ítər rɔ̄ḿ tə́ kété ta kadə̄ dubə̄mə̄n̄.

MARK 14:3

Jeju i Betani kem kújə yā Simo̰ nge bānjə̄ tə́. Ba dan ń ndi ta yá̰a̰ kəsa tə́ anī, dəyá̰ kógə̄ḿ reē kə ítər kə́ rāān̄ kə mu náŕ kə́ unjə̄ njáý njáý, kə́ gātə̄n i ngá̰ý, kem kū mbal̄ albatər tə́. Ni tɔ̄ɔ̄ ta kū ní ba kəjā ítər ní dɔ Jeju tə́.

2 YÁ̰A̰ GƏ̄ 16:14

Dubə̄nən̄ i kem bəlo ɓádə́ ń adə̄ ndērə̄n̄ tām̄ yān tə́ kem ɓē yā Dabid tə́ ní. Ənīnən̄ i dɔ tə̄rá kə́ yá̰á̰ kə́ kotə majə gə̄ ō, kə́ gír yibə̄ ndum kə́ tayā tayā gə̄ ō, i tū tə́ tə́ ō, rāān̄ hor kə́ bo ngá̰ý tām̄ yān tə́ ō.

Najə̄ kə́ Majə yā Jeju ń Luk ndang ní 23:54

I ndɔ̄ ń a rāān̄neé loo kán̄ yá̰a̰ gə̄ kəndā tām̄ yā ndɔ̄ sabat tə́ ní, tá ndɔ̄ sabat nəkɔ́ i ngɔr kɔ̄ɔ́.

MARK 15:42

I ndɔ̄ ń a rāān̄neé loo yá̰a̰ gə̄ yā kán̄ kəndā ní, tɔdɔ̄ i ndɔ̄ kə́ kété no ndɔ̄ sabat tə́. Adə̄ dan ń loo sɔl̄ kɔ̄ɔ́ anī,

TA KƏLA 50:2

Gō tə́ anī ni-adə̄ doktór gə̄ ń a rāān̄ kəla yān ní ndūn kadə̄ ndumən̄ bɔbə̄n kəga kə́ a ɔgə̄ kadə̄ rɔ̄ deē ndum, adə̄ doktór gə̄ ndumən̄ Israel kəga ní.

MARK 16:2

Kə ndɔ̄*dəmásə́ ní, dəloí, dan ń mbang əɓa anī, nin̄-aw̄n̄ ta bəlo yo tə́.

Najə̄ kə́ Majə yā Jeju ń Luk ndang ní 24:1

Kə ndɔ̄ dəmásə ta gír loo tə́ ɓatə anī, dəyá̰ gə̄ ní aw̄n̄ dɔ ɓádə Jeju tə́ kə ítər kə́ yā rāā dɔ nīń tə́ gə̄ ń əndān̄ dɔ danaá ní.