MARK 15:19 - Bibəl ta Sar̄

¹⁹ Nin̄-əndan̄ dɔn kə tə̄ɓāá ō, tībə̄n̄ hōr̄ kumən tə́ ō, ɔsən̄ kejədə́ nang tə́ non tə́ ō, ba əlan̄ dɔdə́ nang tə́ non tə́.

Bible sar

¹⁹ Nin̄-əndan̄ dɔn kə tə̄ɓāá ō, tībə̄n̄ hōr̄ kumən tə́ ō, ɔsən̄ kejədə́ nang tə́ non tə́ ō, ba əlan̄ dɔdə́ nang tə́ non tə́.

MARK 15:19 Referans Kwoze

MARK 14:65

Anī de kə́rēý gə̄ əlan̄ gír tībə̄ hōr̄ dɔn tə́, ənīn̄ kūbə̄ kumən tə́, tɔ́sə̄n̄ mbɔ́rən, ba ədanən̄ na ḭ̄ na i nge koō ta ní, ə́da dɔ deē ń rāāī yá̰á̰ ń noō ní!

HEBƏRO 13:13

I beé ní, ādə̄ jə-tə́gāī tají gíŕ yá̰á̰ kə́ to rɔ̄sɔl̄ gə̄ tə́ tītə̄ yān, ba jə-teē j-awī gōn tə́ gidə ɓē tə́ ndágá.

PILIPƏ 2:10

Yā kadə̄ de kə́ dɔ rā̰ tə́ gə̄ ō, dɔ nang tə́ gə̄ ō, gíŕ nángāá gə̄ ō malang ɓōlə́n̄ rī Jeju ba tétə̄n̄ kejədə́ nang tə́ ō,

Makətūbə̄ ń Pol ndang adə̄ Rom gə̄ ní 11:4

Ba najə̄ ń Nə́ɓā tél ədan ní ōōī a? Nə́ɓā ədan na: M-ɔ̄r̄ de gə̄ dūbú sīrí m-ə̄ndādə́ dɔ jīḿ. I ngé gə̄ ń tetən̄ kejədə́ nang tə́ no ɓesə̄ Baal tə́ aĺ ní.

Najə̄ kə́ Majə yā Jeju ń Luk ndang ní 23:36

Áskar gə̄ lurənən̄ ɓáý to̰ ō.

Najə̄ kə́ Majə yā Jeju ń Luk ndang ní 23:11

Gō tə́ dan ń Herod naā tə́ kə áskar kə́ ngé ngɔ̄m̄ loo yān gə̄ ɔjən̄ Jeju kadə̄ ni i deē ta kumdə́ tə́ aĺ ō, lurənən̄ ō oy ní anī, Herod adə̄ əlan̄ kūbə̄ kógə̄ḿ kə́ ndə́lē pir pir rɔ̄ Jeju tə́, ba tél əla seneé rɔ̄ Pilatə tə́ gogə́.

Najə̄ kə́ Majə yā Jeju ń Luk ndang ní 22:63

Ba de gə̄ ń a ngɔ̄mə̄n̄ Jeju ní tá a lurənən̄ ō, a tə̄ndānən̄ ō.

MARK 10:34

Nin̄ a lurnən̄ ō, a tībə̄n̄ hōr̄ rɔ̄n tə́ ō, a tə̄ndānən̄ kə mərawaá ō, a tɔ̄l̄nən̄ ō, ba ndɔ̄ mətá gō tə́ anī, a ndól̄.

MARK 9:12

Ni-tél ədadə́ na: Eli ń a reē ta kəga dɔ ní a tél yā tə́ndā yá̰a̰ gə̄ malang kə gō loodə́ gēé gogə́ rang. Ba i ba̰ý á ndangən̄ kem makətūbə̄ tə́ sɔɔ̄ń dɔ Ngōn̄ Deē na a a̰a̰ tápə̄ ngá̰ý ō, a kídə̄nən̄ ō ní?

MISE 5:1

Kɔ́ɔ̄ɓē əda na: Ba ḭ̄ Betlehem Epərata, dan ɓē gə̄ yā de gə̄ kə́ gír kojə yā Juda tə́ ní, ḭ̄ i ngōn̄ ɓē kə́ dūú ɓá tā, ba nge ń sɔɔ̄ kadə̄ a o̰o̰ ɓē Israel tə́ ní, m-ā m̄-rāā kadə̄ ni a teē i looí. Ni i de kə́ kem kojə kə́ jóó ngá̰ý tə́.

IJAI 52:14

Ngá̰ý gə̄ ń a̰a̰nən̄ ní, ndíĺdə́ a̰ȳ tām̄ ta kumən nujə ngá̰ý kɔ̄ɔ́ adə̄ deē asə ka̰a̰ gerə̄n to̰ alé. Ni to tītə̄ deē ndul to̰ alé.

IJAI 50:6

m̄-tūr̄ gidəḿ m-ādə̄ ngé kəndaḿ gə̄, m̄-tūr̄ mbɔ́rə́ḿ m-ādə̄ ngé ró̰ȳ mbāýḿ gə̄. M-ūtə̄ gidə kumḿ kɔ̄ɔ́ najə̄ yā ngé tájə̄ḿ gə̄ tə́ aĺ ō, najə̄ yā ngé tībə̄ hōr̄ rɔ̄ḿ tə́ gə̄ tə́ aĺ ō.

IJAI 49:7

Kɔ́ɔ̄ɓē, nge kɔr̄ Israel ɓəloó, Nə́ɓā yān kə́ táĺ, ɔr̄ najə̄. Ḭ̄ ń de gə̄ kídīn̄ ō, nel̄ de gə̄ malang seí aĺ ngá̰ý ō, ḭ̄ ń i ɓəlo yā mban̄g gə̄ kə́ ko̰o̰ ɓē yādə́ majə aĺ ní, yá̰á̰ ń ni ədaī ní n toó: Dan ń mban̄g gə̄ a a̰a̰īn̄ anī, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́. Dan ń ngār gə̄ a a̰a̰īn̄ kə̄ sa̰y anī, nin̄ a ɔsən̄ kejədə́ nang tə́ noí tə́. Yá̰á̰ ń noō a rāā yá̰a̰ i najə̄ yā Kɔ́ɔ̄ɓē ń i de kə́ nge ra dɔ ndūn tə́ ní tə́, i najə̄ yā Nə́ɓā kə́ táĺ yā Israel kə́ gə̄rāī tə́ tə́.

IJAI 45:23

Tītə̄ ń mā i Nə́ɓā kə́ rɔ̄kum noó, m̄-túbə̄ njaḿ, m-ɔ́jəń kadə̄ i rɔ̄kum, yá̰á̰ ń teē taḿ tə́ ní, i yá̰á̰ kə́ rɔ̄kum. Najə̄ kógə̄ḿ kə́ m-ā m̄-tūr̄ kem kār̄ kə́ rang tə́ aĺ n toó: Deē ndul gə̄ malang a ɔsən̄ kejədə́ nang tə́ noḿ mā tə́ ō, nin̄ a túbə̄n̄ yā kɔjəń kadə̄ i rɔ̄kum ō, a ədan̄ na:

PĀ GƏ̄ 69:12

M-ō̰ō̰ kūbə̄ sákə̄ ń i kūbə̄ kəhɔ ndoō ní, anī nin̄ ənīn̄ pā seḿ.

Makətūbə̄ yā Job 13:9

Ré ni go̰ō̰ gə́le kemsí anī, a majə tām̄ yāsí tə́ a? Ā ī-gól̄niī tītə̄ loo gól̄ deē ndul a?

1 MBAN̄G GƏ̄ 19:18

Banī m-ā m-ə́ya̰ de gə̄ dūbú sīrí dan ngán Israel gə̄ tə́ kadə̄ ndin̄ kə kumdə́. I de gə̄ ń nin̄-tə́tēn̄ kejədə́ no Baal tə́ aĺ ō, njíbə̄nən̄ kə tadə́ aĺ ō ní.

TA KƏLA 43:28

Nin̄ tél ədanən̄ na bɔbə̄də́ nge kəla yān na to karī, na ndi kə kumneé noō ɓáý. Anī əlan̄ dɔdə́ nang tə́ ō, ɔsən̄ nodə́ nang tə́ non tə́ ō.

TA KƏLA 24:52

Dan ń nge kəla yā Abəraham oō najə̄ gə̄ ń noō anī, ɔsə non nang tə́ no Kɔ́ɔ̄ɓē tə́.

MATIYE 27:30

Tíbə̄n̄ hōr̄ rɔ̄n tə́, ba taān̄ tə̄ɓā ní əndan̄neé dɔn.

MARK 15:18

ba rāānən̄ lápə́ya, ədan̄ na: Lápə́ya, mban̄g yā Jipə gə̄!

MARK 15:20

Dan ń mbóon̄ seneé oy anī, ɔrə̄n̄ kūbə̄ kə́ kərē ning ní rɔ̄n tə́ kɔ̄ɔ́, ba téĺ tə́lan̄ kūbə̄ yān gə̄ rɔ̄n tə́ gogə́. Gō tə́ anī teēn̄ seneé ndágá yā kaw̄ kəndan kə máyá̰ tū kāgə̄ kə́ dēsə́ tə́.