MARK 14:6 - Bibəl ta Sar̄

⁶ Banī Jeju ədadə́ na: Əya̰niī. Ā ī-njə́ɓāniī i tām̄ rí tə́? Ni-rāā i kəla kə́ majə tām̄ yāḿ tə́.

Bible sar

⁶ Banī Jeju ədadə́ na: Əya̰niī. Ā ī-njə́ɓāniī i tām̄ rí tə́? Ni-rāā i kəla kə́ majə tām̄ yāḿ tə́.

MARK 14:6 Referans Kwoze

HEBƏRO 13:21

Kadə̄ əndān̄sí kə gōó tām̄ yá̰á̰ kə́ majə gə̄ tə́ malang, yā kadə̄ ī-rāāī gō kem ndigə yān. Kadə̄ ni-rāā yá̰á̰ kə́ əsō kumən kemjí tə́ kə ta kūl̄ Jeju Kərist ń kɔsə gɔn i tām̄ yān tə́ ngándáńg ngándáńg ní. Adə̄ i tītə̄ ń noō!

HEBƏRO 10:24

J-a̰ā̰ī gō naā kadə̄ j-ɔsiī kíl naā kə̄ dɔɔ́ loo tár naā tə́ ō, loo rāā kəla yá̰á̰ kə́ majə tə́ ō.

TITƏ 3:14

Majə kadə̄ deē yājí gə̄ ndóōn̄ rāā kəla kə́ majə gə̄ ō, tá kadə̄ nin̄-əndān̄ rɔ̄də́ ta yá̰á̰ kə́ tōr̄ rɔ̄ gə̄ tə́. Loo ń noō tə́, nin̄ a télən̄ de kə́ teē yá̰a̰ aĺ gə̄ alé.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

2 TIMOTE 2:21

Deē ń nəkɔ́ tə́gó yá̰á̰ kə́ yḛr gə̄ ń noō rɔ̄n tə́ kɔ̄ɔ́ ní, ni a téĺ jóó kə́ to rɔȳ ō, kə́ ɔrə̄n̄ kam̄ tayā tām̄ yā Nə́ɓā tə́ ō, kə́ to rāā kəla tām̄ yā ngolən tə́ ō, kə́ əndān̄ dɔ danaá tām̄ yā kəla malang kə́ majə tə́ ō.

EPEJƏ 2:10

Tɔdɔ̄ i Nə́ɓā n rāājí ní. Ni-rāājí kə ta kūl̄ Kərist Jeju i yā kadə̄ kəla kə́ majə gə̄ ń nəkɔ́ əndā dɔ danaá kété ní, jə-rāāīdə́.

KƏLA RĀĀ 9:36

Nge ndóō yá̰a̰ yā Jeju kógə̄ḿ kə́ dəyá̰ ndi kem ɓē kə́ Jope tə́, rīn na i Tabita. Rīn ní kə ta Gərek na i Dorkas ń kumən na i Jal̄ ní. Dəyá̰ ní rāā kəla kə́ majə gə̄ ngá̰ý ō, adə̄ ngé ndoō gə̄ yá̰á̰ ngá̰ý ō.

MATIYE 26:10

Banī Jeju ger̄ najə̄ yādə́ ní adə̄ ədadə́ na: Ī-rāāī dəyá̰ ń toō adə̄ wurən tōrə̄n i tām̄ rí tə́? Yá̰á̰ ń ni-rāā tām̄ yāḿ tə́ ní, i yá̰á̰ kə́ majə.

TITƏ 3:8

Najə̄ ń noō i Najə̄ kə́ Majə kadə̄ deē taā kem. Adə̄ m-gḛy kadə̄ ī-ra dɔ tə́ ngá̰ý, yā kadə̄ de gə̄ ń taān̄ kem Nə́ɓā ní, əndān̄ kumdə́ gíŕ yá̰á̰ kə́ majə gə̄ tə́ rāān̄. Nge ń noō i yá̰á̰ kə́ majə ō, a rāā majə kə de gēé malang ō.

2 TIMOTE 3:17

yā kadə̄ deē yā Nə́ɓā i kə́ majə ɔtə̄ kə taá ō, ənge yá̰a̰ gə̄ kə́ yā rāāń kəla malang kə́ majə ō.

1 TIMOTE 6:18

Ə́dádə́ kadə̄ rāān̄ majə kə de gēé ō, kadə̄ rāān̄ yá̰á̰ kə́ majə ngá̰ý ō, kadə̄ adə̄n̄ de gə̄ yá̰a̰ ngá̰ý ō, kadə̄ kēgə̄n̄ yá̰a̰ yādə́ gə̄ adə̄n̄ madə̄də́ gə̄ tə́ ō.

1 TIMOTE 5:10

Majə kadə̄ de gə̄ ger̄nən̄ tām̄ kəla rāān gə̄ kə́ majə tə́. Ādə̄ ni-ətō ngán gə̄ ō, əhɔ de gə̄ kə̄ rɔ̄n tə́ majə ō, tə́go nja de gə̄ yā Nə́ɓā ō, rāā kə ngé gə̄ n wurdə́ ɔldə́ ní ō, əndā rɔ̄n ta kəla malang kə́ majə tə́ ō.

2 TESALONIK 2:17

sɔlə̄n̄ kemsí ō, mbūsə̄n̄sí tū yá̰a̰ malang ń ā ī-rāāī tə́ ní ō, tū najə̄ malang ń ā ə́daī kadə̄ rāā majə kə de gēé tə́ ní ō.

KOLOSƏ 1:10

I beé n háĺsí a rɔȳń Kɔ́ɔ̄ɓē ō, ā ī-rāāiń yá̰á̰ kə́ nelə̄n ō ní. Ā ī-rāāī yá̰a̰ malang kə́ majə ō, ā ī-gerī Nə́ɓā kum kə̄ kété kété ō.

2 KORḚNTƏ 10:18

Tām̄ i deē ń əda najə̄ kə́ majə ngá̰ý dɔ rɔ̄n nəkɔ́ tə́ ní n a ndigənən̄ ní alé. Banī i deē ń Kɔ́ɔ̄ɓē əda najə̄ yān kə́ majə ní.

2 KORḚNTƏ 9:8

Nə́ɓā asə kadə̄sí yá̰á̰ kə́ majə kə́ tayā tayā gə̄ malang ngá̰ý, yā kadə̄ sḭḭ̄ i kə yá̰a̰ malang kə́ asəsí kə ndɔ̄ gə̄ ō, kadə̄ gotə ń na̰y ní i ngá̰ý kadə̄ ī-rāāīneé kəla kə́ majə gə̄ malang ō,

IJAI 54:17

Yá̰a̰ rɔ̄ɔ̄ gə̄ ń rāān̄ yā kənīīneé rɔ̄ɔ̄ ní, nge kógə̄ḿ kə́ asə rāāī yá̰á̰ kə́ majaĺ gətóo. Ba ré deē kógə̄ḿ ndigə sekíī loo gān̄g sarya tə́ anī, ā ásə kɔjə kadə̄ najə̄ əhɔn. Núsə́ yá̰á̰ ń m̄-ngɔ̄m̄ tām̄ yā ngé kəla yāḿ gə̄ tə́ ní n noó, loo gān̄g ń m̄-gān̄g sarya yādə́ kə gōó ní n noó. Najə̄ ń Kɔ́ɔ̄ɓē əda ní n noó.

1 PIYER 2:12

Ādī háĺsí majə dɔ dán de kə́ ndágá gə̄ tə́. I beé tá, ká ré nin̄-tetən̄ najə̄ dɔsí tə́ na sḭḭ̄ na i ngé rāā yá̰a̰ majaĺ gə̄ gə̄gē anī, a a̰a̰n̄ yá̰á̰ kə́ majə gə̄ ń sḭḭ̄ ī-rāāī ní ō, a tɔ̄ȳn̄ Nə́ɓā ndɔ̄ ń ni-reē go̰ō̰ńdə́ tə́ ní ō.

MARK 14:5

Nə́ngētə́ igən̄ ítər ń toō anī, a əngen̄ narən asə gúrsə dūbú kutə yā rāań kə ngé ndoō gēé. Adə̄ wōn̄g rāādə́ seneé ngá̰ý.

MARK 14:7

Tɔdɔ̄ ngé ndoō gə̄ i sesí kə ndɔ̄ gə̄, adə̄ sḭḭ̄ ā ásiī rāā majə sedə́ dan ń kemsí ndigə ní, ba mā i sesí kə ndɔ̄ gə̄ alé.