MARK 14:49 - Bibəl ta Sar̄

⁴⁹ Kə ndɔ̄ gə̄ m̄-ndi dansí tə́ kem kújə yā Kɔ́ɔ̄ɓē tə́, m̄-ndóoń de gə̄ yá̰a̰, ba ə́hɔmī alé. Banī gáŕ kadə̄ najə̄ gə̄ ń ndangən̄ kem makətūbə̄ yā Nə́ɓā tə́ ní reē udən̄ gírí.

Bible sar

⁴⁹ Kə ndɔ̄ gə̄ m̄-ndi dansí tə́ kem *kújə yā Kɔ́ɔ̄ɓē tə́, m̄-ndóoń de gə̄ yá̰a̰, ba ə́hɔmī alé. Banī gáŕ kadə̄ najə̄ gə̄ ń ndangən̄ kem makətūbə̄ yā Nə́ɓā tə́ ní reē udən̄ gírí.

MARK 14:49 Referans Kwoze

JA̰A̰ 18:20

Anī Jeju tél ədan na: M-ə́da de gə̄ najə̄ i wáńg. Mā m̄-ndóō de gə̄ yá̰á̰ ngándáńg i kem kújə́ kán̄ naā gə̄ tə́ ō, kem kújə yā Kɔ́ɔ̄ɓē ń Jipə gə̄ malang a kánə̄n̄ naā tū tə́ ní ō, m-ɔ̄r̄ najə̄ kógə̄ḿ loo mundə̄ tə́ aĺ ō.

JA̰A̰ 8:2

Banī dəloí ɓatə anī, tél aw̄ kem kújə yā Kɔ́ɔ̄ɓē tə́. Kósə de gə̄ malang reēn̄ rɔ̄n tə́, anī ni-ndi nang tə́ ba a ndóōdə́ yá̰a̰.

Najə̄ kə́ Majə yā Jeju ń Luk ndang ní 22:37

Tɔdɔ̄ ādə̄ m-ə́dásí, i gáŕ kadə̄ najə̄ ń ndangən̄ kem makətūbūú na: Tə́danən̄ dan ngé rāā majaĺ gə̄ tə́ ní reē udə gírí dɔḿ tə́. Tām̄ najə̄ gə̄ ń ndangən̄ ɔjə dɔḿ ní a reē yā kudə gíŕ kə́ rɔ̄ tə́.

MARK 12:35

Dan ń Jeju a ndóō de gə̄ yá̰a̰ kem kújə yā Kɔ́ɔ̄ɓē tə́ anī, ni-dəje na: I ba̰ý á ngé ndóō de gə̄ ndū najə̄ gə̄ ədan̄ na Kərist i ngōn̄ kaa Dabid ní?

MATIYE 26:56

Banī yá̰a̰ gə̄ ń toō malang rāān̄ yá̰a̰ i yā kadə̄ najə̄ gə̄ ń ngé koō ta gə̄ ndangən̄ ní reē udəń gírí. Loo ń noō tə́ ngé ndóō yá̰a̰ yān gə̄ əya̰nən̄ ba a̰ȳn̄ naā malang kɔ̄ɔ́.

MATIYE 26:54

Ba ré i beé ní, loo kadə̄ najə̄ gə̄ ń ndangən̄ kem makətūbūú ní a udən̄ gírí i ba̰ý? Ndangən̄ na i gáŕ kadə̄ yá̰a̰ na a rāā yá̰a̰ na i tītə̄ ń noō.

MATIYE 1:22

Yá̰á̰ gə̄ ń noō malang a rāān̄ yá̰a̰ i yā kadə̄ najə̄ ń Kɔ́ɔ̄ɓē əndā ta nge koō ta tə́ adə̄ əda kété ní reē udəń gírí. Najə̄ ní n toó:

JA̰A̰ 10:23

Adə̄ Jeju a njə̄rā kem kújə yā Kɔ́ɔ̄ɓē tə́ gír dabə yā Salomo̰ kə́ rāā kə mbalá tə́.

JA̰A̰ 8:12

Jeju ɔr̄ najə̄ kə kósə de gēé ɓáý to̰, ədadə́ na: Mā i loo kə́ unjə̄ kow yā de kə́ dɔ nang tə́ gə̄. Nge ń a un gōḿ anī, a njə̄rā kum til tə́ alé, ba a ənge loo kə́ unjə̄ kow kə́ rāā kadə̄ deē a ndi kə kumneé.

JA̰A̰ 7:37

Ndɔ̄ tɔ̄l̄ ta nāā yā kújə́ kámbə gə̄ i ndɔ̄ bo nāā. Ndɔ̄ ń noō tə́ ní, Jeju ra kə njan kə́ dɔɔ́, ba əga kɔŕ ngá̰ý na: Deē ń kəndā rāān anī, ādə̄ kɔ́ɔ̄ reē rɔ̄ḿ tə́ ō, a̰ȳ man̄ ō.

Najə̄ kə́ Majə yā Jeju ń Luk ndang ní 19:47

Ni ndóō de gə̄ yá̰a̰ kə dɔ ndɔ̄ gə̄ kem kújə yā Kɔ́ɔ̄ɓē tə́. Ngol gə̄ kə́ dɔ ngé tun̄ yá̰a̰ gə̄ tə́ ō, ngé ndóō de gə̄ ndū najə̄ gə̄ ō, kum kɔɔ̄ yā ngán Israel gə̄ ō sāān̄ yā tɔ̄lə̄n,

MARK 11:27

Jeju nin̄ kə ngé ndóō yá̰a̰ yān gə̄ tél aw̄n̄ Jerusalem gogə́. Ba dan ń Jeju a njə̄rā kem kújə yā Kɔ́ɔ̄ɓē tə́ anī, ngol gə̄ kə́ dɔ ngé tun̄ yá̰a̰ gə̄ tə́ ō, ngé ndóō de gə̄ ndū najə̄ gə̄ ō,

MATIYE 26:55

Gō tə́ anī Jeju əda kósə de gə̄ na: Ī-reēī kəhɔḿ tə́ kə kaskar gə̄, kə sálang kāgə̄ gə̄ tītə̄ loo reē kəhɔ nge kum̄ róbə́ tə́ beē a! Kə dɔ ndɔ̄ gə̄ m̄-ndi kem kújə yā Nə́ɓā tə́ m̄-ndóoń de gə̄ yá̰a̰, ba sḭḭ̄ ə́hɔmī alé.

MARK 10:1

Jeju ḭḭ noó aw̄ gō nang kə́ Jude tə́, gidə bā Jurdḛ tə́, anī kósə de gə̄ kánə̄n̄ naā rɔ̄n tə́ ɓáý to̰. Tītə̄ ń i jī bēl̄ loo rāān ní, ni-ndóōdə́ yá̰á̰ ɓáý to̰.

MARK 14:48

Jeju ədadə́ na: Ī-reēī kə kaskar gə̄ ō, kə sálang gə̄ ō, yā kəhɔm̄ń tītə̄ loo kəhɔ nge gān̄g róbə́ kógə̄ḿ.

MARK 14:50

Dan ń noō tə́ ní, deē yān gə̄ əya̰nən̄ ba a̰ȳn̄ naā malang kɔ̄ɔ́.