MARK 14:41 - Bibəl ta Sar̄

⁴¹ Ni-tél reē nja kə́ nge ko̰ mətá, ba ədadə́ na: Ngɔlaā ní ī-ɓīī ō, ī-taāī koō ō! Asə tā! Kum mbang asə kɔ̄ɔ́. Á̰a̰ī, a əlan̄ Ngōn̄ Deē jī de kə́ ngé rāā yá̰a̰ majaĺ gə̄ tə́.

Bible sar

⁴¹ Ni-tél reē nja kə́ nge ko̰ mətá, ba ədadə́ na: Ngɔlaā ní ī-ɓīī ō, ī-taāī koō ō! Asə tā! Kum mbang asə kɔ̄ɔ́. Á̰a̰ī, a əlan̄ Ngōn̄ Deē jī de kə́ ngé rāā yá̰a̰ majaĺ gə̄ tə́.

MARK 14:41 Referans Kwoze

MARK 14:35

Ni-aw̄ dan sa̰y sḛ́ý anī, ɔsə non nang tə́ ba ndɔ̄ȳ kadə̄ kum mbang yá̰á̰ kə́ tōr̄ ń noō teē dɔn tə́ alé.

MARK 9:31

tɔdɔ̄ ni-ndóō ngé ndóō yá̰a̰ yān gə̄ yá̰a̰, ədadə́ na: A əlan̄ Ngōn̄ Deē jī de gə̄ tə́, a tɔ̄l̄nən̄. Ba ré tɔ̄l̄nən̄ oy anī, kə ndɔ̄ kə́ nge ko̰ mətá anī, ni a ndól̄.

JA̰A̰ 17:1

Dan ń Jeju ɔr̄ najə̄ beé oy anī, ənī kumən kə̄ dɔɔ́ dɔ rā̰ tə́, ba əda na: Bɔbə́ḿ, mbang asə, ɔ́sə gɔn Ngōnīí ādə̄ Ngōnīí ɔsə gɔnií ō.

KƏLA RĀĀ 7:52

I nge koō ta kə́ rá n kaasí gə̄ rāānən̄ ndoō tə́ aĺ ní? Ngé koō ta gə̄ ń ədan̄ najə̄ reē yā de kə́ súmūú kə́ kal kógə̄ḿ beē kété ní, nin̄-tɔ̄lə̄n̄də́ kɔ̄ɔ́. I de kə́ súmūú ní n sḭḭ̄ ə́hɔī gōn alé ba ə́ya̰niī kɔ̄ɔ́ ō, ī-tɔ̄l̄niī ō ní.

JA̰A̰ 12:27

Ngɔlaā ní ndílə́ḿ ndi kə gōó to̰ alé, ba kə m-ə́da na i rí tā. Kə m-ə́da na: Bɔbə́ḿ, ɔ̄rə̄m̄ kɔ̄ɔ́ kum mbang ń toō tə́ a? Ba i tām̄ yā kum mbang ngeé ń toō tə́ mandang n m̄-reēń ní.

JA̰A̰ 12:23

Anī Jeju tél ədadə́ na: Mbang asə kɔ̄ɔ́ adə̄ ɔsən̄ gɔn Ngōn̄ Deē.

JA̰A̰ 8:20

Jeju ɔr̄ najə̄ ń toō i dan ń ni a ndóōń de gə̄ yá̰a̰ kem kújə yā Kɔ́ɔ̄ɓē tə́, loo ń a ɓōkə́n̄ nar kə́ ndējə̄ Nə́ɓā tū tə́ ní. Ba deē kógə̄ḿ kə́ əhɔn gətóo, tām̄ kum mbang yān asə aĺ ɓáý.

JA̰A̰ 7:30

Lon ń noō tə́ nin̄-sāān̄ kəhɔn, ba deē kógə̄ḿ kə́ əla jīn yā kəhɔnəń gətóo, tɔdɔ̄ kum mbang yān asə aĺ ɓáý.

MARK 14:18

Dan ń nin̄-ndin̄ ta yá̰a̰ kəsa tə́ ba əsan̄ yá̰á̰ anī, Jeju əda na: Ādə̄ m-ə́dásí najə̄ kə́ bo ngá̰ý, deē kógə̄ḿ dansí tə́ kə́ əsa yá̰a̰ seḿ a əlam̄ jī de gə̄ tə́.

MARK 14:10

Anī Judas Iskariot ń i nge kə́ kógə̄ḿ kə́ dan ngé kə́ kutə gidə i jōó gə̄ tə́ ní, aw̄ rɔ̄ ngol gə̄ kə́ dɔ ngé tun̄ yá̰a̰ gə̄ tə́ tə́ kadə̄ əla Jeju jīdə́ tə́.

MARK 7:9

Jeju ədadə́ ɓáý to̰ na: Ī-gírī kadə̄ ī-rāāī majə ngá̰ý loo ń ī-mbātíī gō míndə́ Nə́ɓā ba úniī gō yá̰a̰ kāgə̄ ɓē yāsí ní.

MATIYE 26:2

Ba a əlan̄ Ngōn̄ deē jī de gə̄ tə́ kadə̄ a əndanən̄ kə máyá̰ tū kāgə̄ kə́ dēsə́ tə́.

EJEKIEL 20:39

Yá̰á̰ ń mā Kɔ́ɔ̄ɓē Nə́ɓā m-ə́dásí sḭḭ̄ ngán Israel gə̄ ní n toó: Sḭḭ̄ kógə̄ḿ kógə̄ḿ āw̄ ī-rɔyī nə́ɓā kə́ rɔ̄kum aĺ yāsí gə̄! Ba gō tə́ anī, ā ōōī taḿ dɔ gúú tə́. Ā ī-ndējī nə́ɓā yāsí kə́ rɔ̄kum aĺ gə̄ yá̰a̰ yā kídəń rīḿ kə́ kɔr̄ kam̄ to̰ alé.

KOHELET 11:9

Balsáa, dan ń ḭ̄ i ngōn̄ ɓáý ní ī-rāā rɔ̄nel̄. Ādə̄ kemií i kə rɔ̄nelēé kem ndɔ̄ gə̄ ń dɔí dūúń ɓáý tə́ ní. Ī-rāā yá̰a̰ malang ń kemií gḛy ní, yá̰a̰ malang ń nelī ní. Banī majə kadə̄ ī-ger̄ káý káý kadə̄ Nə́ɓā a gān̄g sarya dɔ yá̰a̰ rāāí gə̄ tə́ kógə̄ḿ kógə̄ḿ malang.

2 MBAN̄G 3:13

Elije əda mban̄g kə́ Israel na: I rí n ɓoojí jḭḭ seí naā tə́. Āw̄ rɔ̄ ngé koō ta yā bɔbí gə̄ ō, yā kó̰ó̰í gə̄ ō tə́. Mban̄g kə́ Israel tél ədan na: I tītə̄ ń noō alé, tɔdɔ̄ kə́ rɔ̄kum gə̄ tə́ ní Kɔ́ɔ̄ɓē əla gō mban̄g kə́ mətá gə̄ ń toō tə́ i yā kəladə́ kem jī Moab gə̄ tə́.

1 MBAN̄G GƏ̄ 22:15

Mise reē rɔ̄ mban̄g tə́, anī mban̄g dəjen na ké kə n-aw̄ kə n rɔ̄ɔ̄n̄ ɓē kə́ Ramot kə́ Galaad aké kə n-lōōn̄ gírí wa. Anī Mise tél əda mban̄g na kə aw̄ na a ənge yá̰á̰ ń kemən gḛy ní, Kɔ́ɔ̄ɓē na a əla ɓē ní kem jīn tə́.

1 MBAN̄G GƏ̄ 18:27

Dan ń mbang i dan ɓēé anī, Eli lurdə́ əda na: Ə́gaī kɔŕ ādə̄ ndūsí mān̄ dɔ nge kə́ kété! Ni i nə́ɓā adə̄ kəla i ngá̰ý dɔn tə́. Majanī gətóo ɓēé, majanī aw̄ mbā tə́, majanī a ɓīī i mbée, adə̄ gáŕ kadə̄ ni ndól̄ i mbée nəkɔ́ tá.

NGÉ SARYA 10:14

Āw̄ ī-nōōī kə̄ dɔ ɓesə̄ gə̄ ń úniī gōdə́ ní tə́ ādə̄ ajən̄sí ndɔ̄ ń wur kɔl kə́ ngá̰ý əsōń dɔsí tə́ ní.

MARK 14:40

Ni-tél reē rɔ̄də́ tə́ ɓáý to̰, ba əngedə́ a ɓīīn̄ i mbée, tɔdɔ̄ kumdə́ i kə ɓīí likəti ngá̰ý, adə̄ gerə̄n̄ najə̄ kə́ yā kədan alé.

MARK 14:42

Ḭ́ḭī dɔɔ́, j-awī! Á̰a̰ī nge kəlam̄ jī de gə̄ tə́ ugə̄ kɔ̄ɔ́.