MARK 14:38 - Bibəl ta Sar̄

³⁸ Ī-lōōī ɓīī, ba ī-ndɔ̄yī tá kadə̄ údiīneé dan yá̰a̰ gə̄ ń a nāān̄sí kadə̄ ə̄sōī tə́ ní alé. Tɔdɔ̄ ndíl deē ndigə rāā yá̰á̰ kə́ majə, ba dā̰ rɔ̄ deē ngan̄g alé.

Bible sar

³⁸ Ī-lōōī ɓīī, ba ī-ndɔ̄yī tá kadə̄ údiīneé dan yá̰a̰ gə̄ ń a nāān̄sí kadə̄ ə̄sōī tə́ ní alé. Tɔdɔ̄ ndíl deē ndigə rāā yá̰á̰ kə́ majə, ba dā̰ rɔ̄ deē ngan̄g alé.

MARK 14:38 Referans Kwoze

MATIYE 26:41

Ī-lōōī ɓīī, ī-ndiī kə kumsí ba ī-ndɔ̄yī tá kadə̄ ə̄sōī kum yá̰a̰ gə̄ ń a nāān̄ de gə̄ tə́ ní alé. Tɔdɔ̄ ndíl deē ndigə rāā yá̰á̰ kə́ majə, ba dā̰ rɔ̄ deē ngan̄g alé.

MATIYE 24:42

I beé ní, ī-ndiī dɔ rɔ̄sí tə́, tɔdɔ̄ ndɔ̄ ń Kɔ́ɔ̄ɓē yāsí a reēń ní, ī-gerī alé.

Najə̄ kə́ Majə yā Jeju ń Luk ndang ní 21:36

Ká i dan kə́ ba̰ý tə́ gə̄gē a, á̰a̰ī já̰já̰ ō, ī-ndɔ̄yī ō, yā kadə Nə́ɓā əndā ma̰ȳsí a̰a̰ń kadə̄ ásiī teē ta yá̰a̰ malang ń a reēn̄ tə́ ní ō, kadə̄ asiī ra dɔɔ́ ta kum Ngōn̄ Deē tə́ ō.

Najə̄ kə́ Majə yā Jeju ń Luk ndang ní 22:40

Dan ń ni-ugə̄ dɔ mbal̄ ní tə́ anī, ədadə́ na: Ī-ndɔ̄yī tām̄ kadə̄ údiīneé dan yá̰a̰ gə̄ ń a nāān̄sí kadə̄ ə̄sōī tə́ ní alé.

Najə̄ kə́ Majə yā Jeju ń Luk ndang ní 22:46

Ā ī-ɓīī i rí? Ḭ́ḭī dɔɔ́ ba ī-ndɔ̄yī kadə̄ údiīneé dan yá̰a̰ gə̄ ń a nāān̄sí kadə̄ ə̄sōī tə́ ní alé.

GALATƏ 5:17

Tɔdɔ̄ yá̰a̰ gə̄ ń dā̰ rɔ̄sí gḛy ní, i yá̰a̰ gə̄ ń Ndíl gḛy ní alé. Tá yá̰a̰ gə̄ ń Ndíl gḛy ní, i yá̰a̰ gə̄ ń dā̰ rɔ̄sí gḛy ní aĺ ɓáý to̰. Adə̄ nin̄-mbātə́n̄ naā, i yā kadə̄ sḭḭ̄ ásiīń rāā yá̰á̰ ń kemsí ndigə ní alé.

1 PIYER 5:8

Əhɔī rɔ̄sí dɔ yá̰á̰ tə́ ba ī-lōōī rāā yá̰a̰ kadə̄ mān̄ dɔ majən ō, á̰a̰ī já̰já̰ dɔ rɔ̄sí tə́ ō! Tɔdɔ̄ madə̄ ba̰ā̰sí ń i diabəl ní, a ənī gir̄ gində̄ gidə loo tə́ tītə̄ ɓɔl kə́ a nōō beé, a sāań de kə́ yā kadə̄ n-əhɔ n-rə́yā̰n naā tə́ ba n-əsan.

MARK 14:34

Anī ɓōĺ əla gír rāān ō, ni-sōl̄ ō, ba ni-ədadə́ na: Rɔ̄ḿ nelə̄m̄ aĺ tītə̄ kə́ yā kadə̄ m-óy kɔ̄ɔ́ beē, ī-ndiī laā kə kumsí njáý njáý.

1 KORḚNTƏ 16:13

Ī-ndiī dɔ rɔ̄sí tə́ ō, ī-raī ngan̄g dɔ taā kem tə́ ō, əhɔī rɔ̄sí tɔgə ō, ādī tɔ́gə́sí to ō.

MATIYE 25:13

I beé ní ī-ndiī dɔ rɔ̄sí tə́, tɔdɔ̄ sḭḭ̄ ī-gerī ndɔ̄ ń aĺ ō, kum mbang ní aĺ ō.

MATIYE 6:13

Ī-lōō kaw̄ sejí ta yá̰a̰ nāā gə̄ tə́, ba ɔ̄r̄jí kɔ̄ɔ́ jī nge nāājí tə́. Tɔdɔ̄ ko̰o̰ ɓē ō, tɔ́gə ō, kɔsə gɔn ō i yá̰a̰ yāí gə̄ kə́ njɔ́ḿ gə̄ tə́. Adə̄ i tītə̄ ń noō!

JEJU TEĒ KUM JA̰A̰ 3:10

Ḭ̄ ī-tə́gā taí ba ī-ngɔ̄m̄ najə̄ yāḿ ní, mā m-ā m̄-ngɔ̄mī kum mbang ń yá̰a̰ nāā a reē ń dɔ de gə̄ malang tə́ yā nāań de kə́ dɔ nang tə́ gə̄ ní ō.

PILIPƏ 2:12

I beé ní kó tár yāḿ gə̄, dan ń mā i rɔ̄sí tə́ ní, sḭḭ̄ ōōī taḿ ngándáńg. Ba ngɔlaā ń m̄-gətóo rɔ̄sí tə́ toō ní, majə kadə̄ ōōī taḿ kadə̄ tɔȳ kə́ kété. Ī-rāāī kəla kə́ tām̄ yā kajə ń ajən̄sí tə́ ní kə ɓōló ō, kə rɔ̄ ndeweé ō.

MARK 14:37

Ni-reē kə̄ rɔ̄ ngé kə́ mətá gə̄ tə́ ba əngedə́ a ɓīīn̄ i mbée anī, əda Piyer na: Simo̰, ī-ɓīī a? Ásə ndi kə kumií njáý njáý mbang kógə̄ḿ aĺ a?

MARK 14:39

Ni-tél ɔr̄ rɔ̄n kə̄ gogə́ sa̰y, ba ndɔ̄ȳ, əda najə̄ gə̄ nəkɔ́ ń kété ní ɓáý.