MARK 14:36 - Bibəl ta Sar̄

³⁶ Ni-əda na: Aba, Bɔbə́ḿ, ḭ̄ ásə rāā yá̰a̰ malang, úń kópə́ ń toō dɔḿ tə́ kɔ̄ɔ́. Banī kadə̄ i kə gō kem ndigə yāḿ alé, ba kadə̄ i kə gō kem ndigə yāí ḭ̄ kɔ́ tá.

Bible sar

³⁶ Ni-əda na: Aba, Bɔbə́ḿ, ḭ̄ ásə rāā yá̰a̰ malang, úń kópə́ ń toō dɔḿ tə́ kɔ̄ɔ́. Banī kadə̄ i kə gō kem ndigə yāḿ alé, ba kadə̄ i kə gō kem ndigə yāí ḭ̄ kɔ́ tá.

MARK 14:36 Referans Kwoze

GALATƏ 4:6

Sḭḭ̄ i ngáń Nə́ɓā gə̄ rɔ̄kum i karī alé, tɔdɔ̄ Nə́ɓā əla Ndíl Ngōnən kemjí tə́, tá Ndíĺ ní əda kə ndū boó na Aba, Bɔbə̄jí!

JA̰A̰ 5:30

Mā m-ásə rāā yá̰á̰ kógə̄ḿ kə dɔḿ alé, banī m̄-gān̄g sarya i kə gō koō ń m-ōō ní. Adə̄ sarya gāngə̄ḿ i gōtə́, tɔdɔ̄ m̄-sāā rāā yá̰a̰ kə gō kem ndigə yāḿ alé, banī i kə gō kem ndigə yā nge ń əlam̄ ní.

2 TIMOTE 2:13

Ré jḭḭ̄ jə-raī dɔ ndūjí tə́ aĺ anī, ni a ra dɔ ndūn tə́, tɔdɔ̄ ni-asə rāā yá̰á̰ kə́ rang kum gotə yá̰á̰ ń tan əda ní alé.

JA̰A̰ 12:27

Ngɔlaā ní ndílə́ḿ ndi kə gōó to̰ alé, ba kə m-ə́da na i rí tā. Kə m-ə́da na: Bɔbə́ḿ, ɔ̄rə̄m̄ kɔ̄ɔ́ kum mbang ń toō tə́ a? Ba i tām̄ yā kum mbang ngeé ń toō tə́ mandang n m̄-reēń ní.

TITƏ 1:2

Yā kadə̄ nin̄-əndān̄ kemdə́ dɔ ndi kə kumuú kə́ ngándáńg tə́. Nə́ɓā ń sor̄ aĺ ní, ənī ndūn kété no yá̰a̰ gə̄ tə́ malang yā kadə̄jí ndi kə kumuú kə́ ngándáńg ngeé ń toō.

PILIPƏ 2:8

Ni-sɔl̄ dɔn, adə̄ oō ta Nə́ɓā bátə́ oyń, oyń yo kə́ tū kāgə̄ kə́ dēsə́ tə́.

JA̰A̰ 18:11

Jeju əda Piyer na: Ī-téĺ ə́la kaskar yāí kem hɔ̄pə̄n tə́ gogə́. Yá̰á̰ kə́ kem kopoó ń Bɔbə́ḿ adə̄m̄ kadə̄ m-ā̰ȳ ní kə m-ā̰ȳ aĺ a?

MARK 10:27

Jeju əndā kumən dɔdə́ tə́, ba ədadə́ na: A dum̄ de gə̄, banī a dum̄ Nə́ɓā alé, tɔdɔ̄ yá̰á̰ kə́ dum̄ Nə́ɓā gətóo.

JA̰A̰ 4:34

Jeju ədadə́ na: Yá̰a̰ kəsa yāḿ i kadə̄ m̄-rāā kem ndigə yā nge ń əlam̄ ní ō, kadə̄ m̄-rāā kəla yān m̄-tɔ̄l̄ ta ō.

MATIYE 26:39

Ni-aw̄ dan sa̰y sḛ́ý anī ɔsə non nang tə́, ba ndɔ̄ȳ Nə́ɓā əda na: Bɔbə́ḿ, ré loo rāā kadə̄ kópə wur kɔl ń toō mān̄ sa̰y rɔ̄ḿ tə́ to noó anī, ī-rāā ādə̄ mān̄ sa̰y rɔ̄ḿ tə́. Banī ādə̄ i kə gō kem ndigə yāḿ alé, ba i kə gō kem ndigə yāí īkɔ́ tá.

MATIYE 6:9

Adə̄ ré ā ī-ndɔ̄yī ɓáa ī-ndɔ̄yī tītə̄ ń toō beé: Bɔbə̄jí kə́ ndi dɔ rā̰ tə́, ādə̄ rīí i kə́ kɔr̄ kam̄,

JEREMI 32:27

Mā Kɔ́ɔ̄ɓē i Nə́ɓā yā de gə̄ malang. Yá̰á̰ kə́ yā dum̄ taḿ i rí?

PĀ GƏ̄ 40:8

Tā anī m-ə́da na: Á̰a̰ā̰, mə̄kɔ́ m̄-reē rɔ̄í tə́. M-ə́ngé yá̰á̰ ń kadə̄ m̄-rāā ní kem ndāŕ ndang najə̄ kógə̄ḿ kə́ ɓír̄ gidə naā tə́.

TA KƏLA 18:14

Yá̰á̰ kə́rēý kə́ dum̄ Nə́ɓā i noó a? Ɓāl̄ kə́ gogə́ tə́ m-ā m̄-tél yā reē ɓēé looí, ɓáa Sara a aw̄ kə ngōn̄ kə́ dəngam kógə̄ḿ jīn tə́.

HEBƏRO 6:18

Adə̄ yá̰á̰ kə́ loo tūr̄də́ gətóo gə̄, kə́ Nə́ɓā asə sor̄ tū tə́ aĺ gə̄ gír i jōó. Loo ń noō tə́ ní, jḭḭ̄ ń j-əngeī loo ɓɔ̄ɔ̄ rɔ̄ yājí i kemən tə́ ní, əlan̄ go̰ kemjí tə́ kadə̄ j-əhɔīń kəndā kem dɔ tə́ sásáp kadə̄ ngan̄g, kəndā kem dɔ tə́ ń əndān̄ nojí tə́ kadə̄ jə-gə̄rāī ní.

MATIYE 26:42

Ni-tél aw̄ adə̄ dan gə̄lā sa̰y nja kə́ nge ko̰ jōó, ba ndɔ̄ȳ Nə́ɓā əda na: Bɔbə́ḿ, ré loo kun kópə ń toō kɔ̄ɔ́ kanjə̄ kadə̄ m-ā̰ȳ yá̰á̰ kə́ kemeé gətóo anī, ādə̄ yá̰á̰ ń ī-ndigə ní rāā yá̰a̰!

MARK 14:37

Ni-reē kə̄ rɔ̄ ngé kə́ mətá gə̄ tə́ ba əngedə́ a ɓīīn̄ i mbée anī, əda Piyer na: Simo̰, ī-ɓīī a? Ásə ndi kə kumií njáý njáý mbang kógə̄ḿ aĺ a?

MARK 10:39

Nin̄-ədan̄ na n-asən̄, Jeju ədadə́ na: Ā ā̰yī yá̰á̰ kə́ kem kópó ń m-ā m-ā̰ȳ ní ō, a rāān̄sí batéḿ ń a rāāmə̄n̄ ní ō rɔ̄kum,