MARK 14:27 - Bibəl ta Sar̄

²⁷ Jeju ədadə́ na: Sḭḭ̄ malang ā ə́ya̰mī kɔ̄ɔ́, tɔdɔ̄ i kə́ ndang kem makətūbūú na: M-ā m-ə́nda nge kul̄ batə̄ gə̄, anī ɓūtə̄ batə̄ gə̄ a tḭ̄ḭ̄n̄ naā kə̄ loo gə̄ tə́.

Bible sar

²⁷ Jeju ədadə́ na: Sḭḭ̄ malang ā ə́ya̰mī kɔ̄ɔ́, tɔdɔ̄ i kə́ ndang kem makətūbūú na: M-ā m-ə́nda nge kul̄ batə̄ gə̄, anī ɓūtə̄ batə̄ gə̄ a tḭ̄ḭ̄n̄ naā kə̄ loo gə̄ tə́.

MARK 14:27 Referans Kwoze

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

JA̰A̰ 16:32

Á̰a̰ī, kum mbang a reē noó, ba ugə̄ kɔ̄ɔ́, adə̄ ā ī-tḭ̄ḭ̄ naā kə̄ loo gə̄ tə́, ba ā ə́ya̰mī kə kérə́ḿ. Banī mā i kə kérə́ḿ alé, tām̄ Bɔbə́ḿ i seḿ.

MATIYE 26:31

Anī Jeju əda ngé ndóō yá̰a̰ yān gə̄ na: Ndɔ̄ɔ́ ɓōólaā nəkɔ́ ń toō ní sḭḭ̄ malang a ə́ya̰mī kɔ̄ɔ́. Tɔdɔ̄ i kə́ ndang kem makətūbūú na: M-ā m-ə́nda nge kul̄ batə̄ gə̄, anī ɓūtə̄ batə̄ gə̄ a tḭ̄ḭ̄n̄ naā kə̄ loo gə̄ tə́.

JA̰A̰ 16:1

M-ə́dásí najə̄ gə̄ ń toō malang i yā kadə̄ loo ń ré yá̰a̰ gə̄ a nāān̄sí anī, ə̄sōī alé.

2 TIMOTE 4:16

Ndɔ̄ sarya yāḿ kə́ ta kəga dɔ tə́ ń m-ɔ̄rəń najə̄ dɔ rɔ̄ḿ tə́ ní, deē kógə̄ḿ kə́ rāā seḿ gətóo, banī de gə̄ malang əya̰mə̄n̄ kɔ̄ɔ́. Ādə̄ Nə́ɓā əhɔ gíŕ yá̰á̰ ń nin̄-rāān̄ ní alé.

MATIYE 11:6

Ba rɔ̄nel̄ i kə deē ń a lōō gír taā kemḿ mā tə́ aĺ ní.