MARK 14:18 - Bibəl ta Sar̄

¹⁸ Dan ń nin̄-ndin̄ ta yá̰a̰ kəsa tə́ ba əsan̄ yá̰á̰ anī, Jeju əda na: Ādə̄ m-ə́dásí najə̄ kə́ bo ngá̰ý, deē kógə̄ḿ dansí tə́ kə́ əsa yá̰a̰ seḿ a əlam̄ jī de gə̄ tə́.

Bible sar

¹⁸ Dan ń nin̄-ndin̄ ta yá̰a̰ kəsa tə́ ba əsan̄ yá̰á̰ anī, Jeju əda na: Ādə̄ m-ə́dásí najə̄ kə́ bo ngá̰ý, deē kógə̄ḿ dansí tə́ kə́ əsa yá̰a̰ seḿ a əlam̄ jī de gə̄ tə́.

MARK 14:18 Referans Kwoze

PĀ GƏ̄ 41:9

ədan̄ na: Mo̰y ń rāān noó i mo̰y kə́ majaĺ ngá̰ý, ré ənīī ḭ̄ deē nang tə́ anī ā ḭ́ḭ dɔɔ́ to̰ alé!

JA̰A̰ 6:70

Jeju tél ədadə́ na: Sḭḭ̄ kə́ kutə gidə i jōó gə̄ ní, i mā n m̄-gə̄rāsí ní aĺ a? Ba deē kógə̄ḿ dansí tə́ i nge kəla yā diabəl.

JA̰A̰ 6:47

Ādə̄ m-ə́dásí najə̄ kə́ bo ngá̰ý, nge ń taā kem ní, aw̄ kə ndi kə kumneé kə́ ngándáńg.

JA̰A̰ 13:38

Jeju tél ədan na: Kə́ rɔ̄kum tə́ ə̄ndā dɔ rɔ̄í danaá kɔ̄ɔ́ ɓá yā kadə̄ óy tām̄ yāḿ tə́ a? Ādə̄ m-ə́daī najə̄ kə́ bo ngá̰ý, kété pá tá kadə̄ kə́ra kə̄njá nōō ní, ā ī-nējə̄ nja mətá ə́da na ī-gerə̄m̄ alé.

JA̰A̰ 13:21

Dan ń Jeju ɔr̄ najə̄ gə̄ ń noō anī, ndílən ndi kə gōó alé. Ba ni-əda wáńg na: Ādə̄ m-ə́dásí najə̄ kə́ bo ngá̰ý, deē kógə̄ḿ dansí tə́ a əlam̄ jī de gə̄ tə́.

JA̰A̰ 6:32

Ādə̄ m-ə́dásí najə̄ kə́ bo ngá̰ý, i Moijə n adə̄sí mápá kə́ ḭḭ dɔ rā̰ tə́ ní alé, banī i Bɔbə́ḿ n adə̄sí mápá kə́ ḭḭ dɔ rā̰ tə́ kə́ rɔ̄kum ní.

JA̰A̰ 6:26

Jeju tél ədadə́ na: Ādə̄ m-ə́dásí najə̄ kə́ bo ngá̰ý, ā ī-sāāmī i tām̄ ka̰a̰ ń á̰a̰ī yá̰á̰ kə́ yáā ní alé, banī i tām̄ mápá ń ə́sa ī-ndānī ní tə́.

JA̰A̰ 5:19

Anī Jeju tél ədadə́ na: Ādə̄ m-ə́dásí najə̄ kə́ bo ngá̰ý, Ngōn̄ asə rāā yá̰á̰ kógə̄ḿ kə deē dɔneé alé. Ni a rāā i yá̰á̰ ń a̰a̰ Bɔbə̄n loo rāā tə́ ní ngóy. Tām̄ yá̰a̰ malang ń Bɔbə̄ Ngōn̄ rāā ní, Ngōn̄ a rāā i mbée ō.

JA̰A̰ 3:11

Ādə̄ m-ə́daī najə̄ kə́ bo ngá̰ý, jḭḭ j-ɔr̄ i najə̄ kə́ dɔ yá̰a̰ gə̄ ń jə-ger̄ tə́ ní ō, j-əda i yá̰a̰ gə̄ ń jḭḭ i kum tə́ á j-a̰ā̰ kə kumjí ní ō, ba sḭḭ̄ ɔ́diī koō yá̰a̰ gə̄ ń jḭḭ i kum tə́ á j-əda ní alé.

JA̰A̰ 3:5

Anī Jeju tél ədan na: Ādə̄ m-ə́daī najə̄ kə́ bo ngá̰ý, ré ojən̄ deē kə maná aĺ ō, kə Ndílí aĺ ō anī, kɔ́ɔ̄ asə kudə kem Ɓē ko̰o̰ yā Nə́ɓā tə́ alé.

JA̰A̰ 3:3

Anī Jeju tél ədan na: Ādə̄ m-ə́daī najə̄ kə́ bo ngá̰ý, ré tél ojən̄ deē gogə́ rang aĺ anī, kɔ́ɔ̄ a asə ka̰a̰ Ɓē ko̰o̰ yā Nə́ɓā alé.

JA̰A̰ 1:51

Jeju əda ɓáý to̰ na: Ādə̄ m-ə́dásí najə̄ kə́ bo ngá̰ý, ā á̰a̰ī ta dɔ rā̰ kə́ teē ō, de kə́ dɔ rā̰ tə́ gə̄ yā Nə́ɓā kə́ a alə̄n̄ kə̄ dɔɔ́ ō, a risən̄ ō, dɔ Ngōn̄ Deē tə́.

Najə̄ kə́ Majə yā Jeju ń Luk ndang ní 11:51

a əlan̄ gír i dɔ mósə Abel tə́ bátə́ kadə̄ ugə̄n̄neé dɔ mósə Jakari ń oy dɔ dán loo tun̄ yá̰á̰ tə́ kə loo kə́ táĺ tə́ ní. A̰á̰ā̰, m-ə́dásí najə̄ kə́ rɔ̄kum, a dəjen̄ de kə́ ngɔlaā gə̄ mósə de gə̄ ń noō malang.

Najə̄ kə́ Majə yā Jeju ń Luk ndang ní 4:24

Tá ni-əda ɓáý to̰ na: Ādə̄ m-ə́dásí najə̄ kə́ bo ngá̰ý, nge koō ta kə́ de gə̄ əhɔnən̄ kə̄ rɔ̄də́ tə́ majə ɓē kojən tə́ gətóo.

MARK 14:25

Ādə̄ m-ə́dásí najə̄ kə́ bo ngá̰ý, m-ā m-ā̰ȳ kasə nduú to̰ aĺ bátə́ ndɔ̄ ń m-ā m-ā̰ȳ kə́ kijə kem Ɓē ko̰o̰ yā Nə́ɓā tə́ ní.

MARK 14:9

Ādə̄ m-ə́dásí najə̄ kə́ bo ngá̰ý, loo malang ń a ənīn̄ mbēr̄ Najə̄ kə́ Majə tū tə́ dɔ nang tə́ laā ní, a ɔrə̄n̄ najə̄ yá̰á̰ ń dəyá̰ ń toō rāā ní ō, kadə̄ əgań kem de gə̄ dɔn tə́.

MARK 10:29

Jeju ədan na: Ādə̄ m-ə́dásí najə̄ kə́ bo ngá̰ý, ré deē kógə̄ḿ əya̰ kújə yān, aláa i ngákó̰o̰n kə́ dəngam gə̄, aláa i kə́ dəyá̰ gə̄, aláa i kó̰o̰n, aláa i bɔbə̄n, aláa i ngánən gə̄, aláa i loo ndɔr̄ yān kɔ̄ɔ́, tām̄ yāḿ tə́ ō, tām̄ yā Najə̄ kə́ Majə tə́ ō ní anī,

MARK 10:15

Ādə̄ m-ə́dásí najə̄ kə́ bo ngá̰ý, deē ń a əhɔ Ɓē ko̰o̰ yā Nə́ɓā kə̄ rɔ̄n tə́ tītə̄ ń ngáń kə́ dūú gə̄ a rāān̄neé ní aĺ ní anī, kɔ́ɔ̄ a udə kemeé aĺ bátə́.

MARK 9:41

Tām̄ náā nəkɔ́ ń a adə̄sí man̄ kem kɔ̄yɔ́ kadə̄ ā̰yī tām̄ sḭḭ̄ i yā Kərist gə̄ ní, ādə̄ m-ə́dásí najə̄ kə́ bo ngá̰ý, a nal̄ yá̰a̰ kəndā nja yān aĺ bátə́.

MARK 9:1

Ni ədadə́ ɓáý to̰ na: Ādə̄ m-ə́dásí najə̄ kə́ bo ngá̰ý, de kə́rēý gə̄ kə́ dáńsí sḭḭ̄ ń ī-ndiī toō tə́ ní, a a̰a̰n̄ Ɓē ko̰o̰ yā Nə́ɓā kə́ a reē kə tɔ́gɔ́ pá tá kadə̄ a oyn̄ ɓáý.

MARK 8:12

Jeju tetə koō pḭḭ, ba ədadə́ na: I tām̄ rí tə́ á gír de kə́ ngɔlaā gə̄ ń toō a sāān̄ yá̰á̰ kə́ to kɔr kum kə́ ɔjə kadə̄ i Nə́ɓā n əlam̄ kadə̄ kə n-a̰a̰n̄ ní? Ādə̄ m-ə́dásí najə̄ kə́ bo ngá̰ý, Nə́ɓā a adə̄ gír de kə́ ngɔlaā gə̄ ń toō yá̰á̰ kə́ to kɔr kum kə́ ɔjə kadə̄ i ni n əlam̄ kadə̄ a̰a̰n̄ alé.

MARK 6:11

Ba ré kem loo kógə̄ḿ tə́ de gə̄ əhɔn̄sí kə̄ rɔ̄də́ tə́ aĺ ō, oōn̄ najə̄ yāsí aĺ ō anī, ī-teēī loo ń noō tə́ kɔ̄ɔ́, ba ī-*gógī bumbə́rú kə́ njasí tə́, tɔdɔ̄ nge ń noō tél i najə̄ kə́ kum tə́ yādə́.

MARK 3:28

Ādə̄ m-ə́dásí najə̄ kə́ bo ngá̰ý, yá̰a̰ malang ń ngán deē ndul gə̄ rāān̄, adə̄ i kəla rāādə́ kə́ majaĺ gə̄ ō, i najə̄ kə́ to ngonjə̄ gə̄ ō ní, Nə́ɓā a mā̰ȳ rɔ̄n dɔdə́ tə́ najə̄n tə́.

MATIYE 26:21

Ba dan ń ndin̄ a əsan̄ yá̰a̰ anī Jeju əda na: Ādə̄ m-ə́dásí najə̄ kə́ bo ngá̰ý, deē kógə̄ḿ dansí tə́ a əlam̄ jī de gə̄ tə́.

MATIYE 6:5

Dan ń ā ī-ndɔ̄yī ní a, ī-rāāī tītə̄ yā ngé gól̄ loo gə̄ alé. Nel̄də́ ra kə njadə́ kə̄ dɔɔ́ kem kújə́ kán̄ naā gə̄ tə́ ō, ta gajə róbə gə̄ tə́ ō, yā ndɔ̄yń, kadə̄ de gə̄ a̰a̰n̄də́. Ādə̄ m-ə́dásí najə̄ kə́ bo ngá̰ý, nin̄-əngen̄ yá̰a̰ kəndā nja yādə́ kɔ̄ɔ́ ɓá.

MATIYE 6:2

Adə̄ ré ā ādə̄ de kə́ nge ndoō yá̰a̰ anī, ī-lōō kadə̄ kɔ̄rə́n̄ bərúnjə́ kété noí tə́ najə̄n tə́, tītə̄ ń ngé gól̄ loo gə̄ a rāān̄neé kem kújə́ kán̄ naā gə̄ tə́ ō, kum róbə kɔsə gə̄ tə́ ō, kadə̄ de gə̄ ɔsən̄neé gɔndə́ ní. Ādə̄ m-ə́dásí najə̄ kə́ bo ngá̰ý, nin̄-əngen̄ yá̰a̰ kəndā nja yādə́ kɔ̄ɔ́ ɓá.

MATIYE 5:18

Ādə̄ m-ə́dásí najə̄ kə́ bo ngá̰ý, kété tá kadə̄ dɔ rā̰ ō dɔ nang ō a mānə̄n̄ ní, ngōn̄ yá̰á̰ kə́ sḛ́ý beē ngóý ń ndangən̄ ní, aláa kal ndə̄já makətūbə̄ ndū najə̄ gə̄ kə́ kógə̄ḿ a mān̄ alé bátə́ kadə̄ yá̰a̰ malang reē udəń gírí.

JA̰A̰ 21:18

Ādə̄ m-ə́daī najə̄ kə́ bo ngá̰ý, dan ń ī-na̰y balsáá ɓáý ní, i īkɔ́ n ə́hɔ ɓōdīí kə ndāŕ ō, āw̄ loo ń kemií ndigə ní tə́ ō. Banī loo ń ā ī-tɔgə ɓə́ga anī, ā ī-sə́ra jīí, ba i de kə́ rang n a əhɔ ɓōdīí kə ndāŕ ō, a aw̄ seí loo ń kemií ndigə aĺ tə́ ní ō.

MATIYE 6:16

Dan ń ā ī-*ndiī ɓō tām̄ yā Nə́ɓā tə́ anī, ī-lōōī rāā dɔ kumsí kadə̄ síndə̄rī tītə̄ ń ngé gól̄ loo gə̄ a rāān̄neé ní. Nin̄-əhɔn̄ ndoō ngá̰ý kadə̄ de gə̄ gerə̄n̄neé kadə̄ na n-ndin̄ ɓō tām̄ yā Nə́ɓā tə́. Ādə̄ m-ə́dásí najə̄ kə́ bo ngá̰ý, nin̄-əngen̄ yá̰a̰ kəndā nja yādə́ kɔ̄ɔ́ ɓá.

MARK 14:17

Loo sɔlí anī Jeju reē kə ngé kə́ kutə gidə i jōó gə̄ ní.

MARK 14:19

Najə̄ ní tōr̄ kemdə́, adə̄ nin̄-dəjen̄ kə dɔdə́ gēé na: I mā a?

Najə̄ kə́ Majə yā Jeju ń Luk ndang ní 22:21

Ba á̰a̰ī, deē ń a əlam̄ jī de gə̄ tə́ ní, əla jīn gō yāḿ tə́ kem kār̄ kəsań toō tə́.

JA̰A̰ 13:18

M-ɔ̄r̄ i najə̄ yāsí sḭḭ̄ malang alé, m̄-ger̄ ngé gə̄ ń m̄-gə̄rādə́ ní. Banī i gáŕ kadə̄ najə̄ ń toō ń ndangən̄ kem makətūbə̄ tə́ ní udə gírí: Deē ń əsa yá̰a̰ seḿ ní, ɔr̄ gándən əɓamə̄ń.

JA̰A̰ 13:22

Ba ngé ndóō yá̰a̰ yān gə̄ mbel a̰ā̰n̄ ta kum naā, tām̄ nin̄-gerə̄n̄ deē ń ni-ɔr̄ najə̄ yān ní alé.