MARK 13:34 - Bibəl ta Sar̄

³⁴ A to tītə̄ deē kógə̄ḿ kə́ aw̄ mbā tə́. Ni əya̰ kújə yān, ba adə̄ ngé kəla yān gə̄ ndūn. Ni-gán̄g kəla adə̄də́ kə dɔdə́ gēé. Ni-əndā dɔ nge ngɔ̄m̄ ta kújə́ tə́ kadə̄ ndi dɔ rɔ̄n tə́.

Bible sar

³⁴ A to tītə̄ deē kógə̄ḿ kə́ aw̄ mbā tə́. Ni əya̰ kújə yān, ba adə̄ ngé kəla yān gə̄ ndūn. Ni-gán̄g kəla adə̄də́ kə dɔdə́ gēé. Ni-əndā dɔ nge ngɔ̄m̄ ta kújə́ tə́ kadə̄ ndi dɔ rɔ̄n tə́.

MARK 13:34 Referans Kwoze

JA̰A̰ 10:3

Nge ngɔ̄m̄ ta gɔng a teē ta yā kadə̄n ō, batə̄ gə̄ a oōn̄ ndūn ō. Ni a ɓāŕ batə̄ yān gə̄ kə rīdə́ gēé, ba aw̄ sedə́ ndágá.

KOLOSƏ 3:24

Tɔdɔ̄ ī-gerī majə kadə̄ Kɔ́ɔ̄ɓē a adə̄sí yá̰a̰ ndəbā yā kəndāń njasí. Tām̄ Kɔ́ɔ̄ɓē ń ī-rāāī kəla yān ní i Kərist.

1 KORḚNTƏ 15:58

I beé ní, sḭḭ̄ ń i ngákó̰ó̰ḿ gə̄ kə́ m̄-táŕsí ngá̰ý ní, ə́hɔī rɔ̄sí ngan̄g ō, ādī yá̰á̰ yókə̄sí aĺ ō. Ī-rāāī kəla yā Kɔ́ɔ̄ɓē kum kə̄ kété kété kanjə̄ dəba. Tɔdɔ̄ ī-gerī kadə̄ kəla ń ī-rāāī kə gō ɓoo naā yāsí kə́ kə Kɔ́ɔ̄ɓēé ní, i kəla kə́ ndāńg alé.

MATIYE 16:19

M-ā m-ādī lakélé ta róbə Ɓē ko̰o̰ kə́ dɔ rā̰ tə́. Yá̰á̰ ń ā ī-do̰ō̰ dɔ nang tə́ ní, a do̰ō̰n̄ dɔ rā̰ tə́ ō, yá̰á̰ ń ā ī-tútə dɔ nang tə́ ní, a tútən̄ dɔ rā̰ tə́ ō.

JEJU TEĒ KUM JA̰A̰ 3:7

Ī-ndang najə̄ ń toō ādə̄ de kə́ dɔ rā̰ tə́ yā Egəlijə kə́ Piladelpi: Najə̄ ń de kə́ táĺ, kə́ rɔ̄kum ń lakélé yā Dabid i jīn tə́ adə̄ teē ta róbə anī de kə́ yā kutə̄ a gətóo ō, utə̄ anī de kə́ yā teē a gətóo ō əda ní n toó:

KOLOSƏ 4:1

Sḭḭ̄ kɔ́ɔ̄ ɓəlo gə̄, ī-rāāī yá̰á̰ kə́ súmūú ō, yá̰á̰ kə́ gō tə́ ō, kə ɓəlo yāsí gēé. Tɔdɔ̄ ī-gerī kadə̄ Kɔ́ɔ̄sí ndi dɔ rā̰ tə́ noō ō.

Makətūbə̄ ń Pol ndang adə̄ Rom gə̄ ní 13:6

I tām̄ najə̄ ń noō tə́ ɓáý to̰ n ə̄gāīneé lambóo ní. De gə̄ ń a taān̄ ní, i Nə́ɓā nəkɔ́ n əndā kəla ń noō dɔdə́ tə́ ní.