MARK 13:31 - Bibəl ta Sar̄

³¹ Dɔ rā̰ ō, dɔ nang ō, a mānə̄n̄, ba najə̄ yāḿ gə̄ a mānə̄n̄ alé.

Bible sar

³¹ Dɔ rā̰ ō, dɔ nang ō, a mānə̄n̄, ba najə̄ yāḿ gə̄ a mānə̄n̄ alé.

MARK 13:31 Referans Kwoze

IJAI 40:8

Mu tutə ō, hútə̄ yá̰a̰ ur̄ ō, banī najə̄ yā Nə́ɓā yājí to gotoó ngándáńg.

IJAI 51:6

Ə̄nī kumsí kə̄ dɔɔ́ á̰a̰īń loo kum kə̄ dɔ rā̰ tə́, ba ī-téĺ á̰a̰ī loo kum kə̄ nang tə́. Dɔ rā̰ a gətóo kɔ̄ɔ́ tītə̄ sa hor beé ō, dɔ nang a əsō ngisə tītə̄ kūbə̄ beé ō, de kə́ tū tə́ gə̄ a oyn̄ tītə̄ kón̄g gə̄ beé ō. Banī teē ɓəloó a to i kə́ njɔ́ḿ gə̄ tə́, kajə ń m̄-reēń ní ta tɔ̄l̄ tan a gətóo.

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

Najə̄ kə́ Majə yā Jeju ń Luk ndang ní 21:33

Dɔ rā̰ ō, dɔ nang ō a mānə̄n̄, ba najə̄ yāḿ mā a mān̄ aĺ bátə́.

MATIYE 5:18

Ādə̄ m-ə́dásí najə̄ kə́ bo ngá̰ý, kété tá kadə̄ dɔ rā̰ ō dɔ nang ō a mānə̄n̄ ní, ngōn̄ yá̰á̰ kə́ sḛ́ý beē ngóý ń ndangən̄ ní, aláa kal ndə̄já makətūbə̄ ndū najə̄ gə̄ kə́ kógə̄ḿ a mān̄ alé bátə́ kadə̄ yá̰a̰ malang reē udəń gírí.

PĀ GƏ̄ 19:7

Ni teē ta ngóy dɔ rā̰ kə́ dām̄ kə́rēý tə́, njə̄rā bátə́ ugə̄ ta ngóy dɔ rā̰ kə́ dām̄ kə́ noō tə́ ō, yá̰á̰ kə́ kəngān ɔdən aĺ gətóo ō.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

2 TIMOTE 2:13

Ré jḭḭ̄ jə-raī dɔ ndūjí tə́ aĺ anī, ni a ra dɔ ndūn tə́, tɔdɔ̄ ni-asə rāā yá̰á̰ kə́ rang kum gotə yá̰á̰ ń tan əda ní alé.

TITƏ 1:2

Yā kadə̄ nin̄-əndān̄ kemdə́ dɔ ndi kə kumuú kə́ ngándáńg tə́. Nə́ɓā ń sor̄ aĺ ní, ənī ndūn kété no yá̰a̰ gə̄ tə́ malang yā kadə̄jí ndi kə kumuú kə́ ngándáńg ngeé ń toō.

JEJU TEĒ KUM JA̰A̰ 20:11

Gō tə́ anī m-á̰a̰ kōr̄ kāgə̄ mbang kə́ bo kə́ ndaa ō, deē ń ndi dɔ tə́ ní ō. Dɔ nang ō, dɔ rā̰ ō, a̰ȳn̄ naā kɔ̄ɔ́ ta kumən tə́ ō, əngen̄ loo tām̄ yādə́ tə́ to̰ aĺ ō.

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

MARK 13:30

Ādə̄ m-ə́dásí najə̄ kə́ bo ngá̰ý, de kə́ ngɔlaā gə̄ ń toō a oyn̄ malang alé n yá̰a̰ gə̄ ń noō malang a rāān̄neé yá̰á̰ ní.

MARK 13:32

Banī najə̄ kə́ dɔ ndɔ̄ ní tə́ ō, dɔ kum mbang ní tə́ ō ní, deē kógə̄ḿ kə́ ger̄ gətóo. I de kə́ dɔ rā̰ tə́ gə̄ aĺ ō, i Ngōn̄ Nə́ɓā nəkɔ́ aĺ ō, banī i Bɔbə̄n tá ngóy.

2 MBAN̄G 15:12

Yá̰á̰ ń noō rāā adə̄ najə̄ ń Kɔ́ɔ̄ɓē əda Yehu kété ní reē udə gírí rɔ̄kum. Nī-ədan na ngōnən ō, ngōn̄ kaan ō, kaa gugūn ō, kaa dɔgən ō, na a ndin̄ dɔ kōr̄ kāgə̄ mban̄g kə́ Israel tə́.