MARK 13:26 - Bibəl ta Sar̄

²⁶ Loo ń noō tə́ tā a, a a̰ā̰n̄ Ngōn̄ Deē loo reē tə́ dan kil̄ man̄ tə́ kə tɔ́gə́ kə́ ngá̰ý ō, kə kɔsə gɔn kə́ ngá̰ý ō.

Bible sar

²⁶ Loo ń noō tə́ tā a, a a̰ā̰n̄ Ngōn̄ Deē loo reē tə́ dan kil̄ man̄ tə́ kə tɔ́gə́ kə́ ngá̰ý ō, kə *kɔsə gɔn kə́ ngá̰ý ō.

MARK 13:26 Referans Kwoze

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, adə̄ i tītə̄ ń noō.

MARK 14:62

Jeju tél ədan na: Mā i ni, ba sḭḭ̄ ā á̰a̰ī Ngōn̄ Deē a ndi dɔ jī ko̰ Nə́ɓā kə́ bo kə́ tɔ́gən i ngá̰ý tə́ ō, a reē kə kil̄ man̄ kə́ no rā̰ tə́ ō.

MATIYE 24:30

Loo ń noō tə́ yá̰á̰ kə́ ɔjə dɔ Ngōn̄ Deē a teē dɔ rā̰ tə́. Dan ngeé ń noō tə́ ní, gír ɓē kə́ dɔ nang tə́ gə̄ malang a sɔ̄mə́n̄, nin̄ a əndan̄ kadədə́ ō, a a̰a̰n̄ Ngōn̄ Deē loo reē tə́ dɔ kil̄ man̄ gə̄ tə́ dɔ rā̰ tə́, kə tɔ́gə́ kə́ ngá̰ý ō, kə kɔsə gɔn kə́ ngá̰ý ō.

MATIYE 16:27

Tɔdɔ̄ Ngōn̄ Deē a reē kə deē yān kə́ dɔ rā̰ tə́ gə̄ ō, kə kɔsə gɔn yā Bɔbə̄n ō. Loo ń noō tə́ ni a əgā de gə̄ kógə̄ḿ kógə̄ḿ malang ɔjəń dɔ yá̰a̰ rāādə́ gə̄.

MATIYE 25:31

Dan ń Ngōn̄ Deē a reē dan kɔsə gɔn yān tə́ naā tə́ kə de kə́ dɔ rā̰ tə́ gə̄ malang anī, ni a ndi dɔ kɔ̄r̄ kāgə̄ mbang yān tə́.

MARK 8:38

Tɔdɔ̄ deē ń rɔ̄n sɔlə̄n tām̄ yāḿ tə́ ō, tām̄ najə̄ yāḿ gə̄ tə́ ō, dan gír de kə́ ɓāl̄ ń toō tə́ gə̄ kə́ nin̄ i ngé rāā rāȳ gə̄ ō, kə́ ngé kəhɔ ta Nə́ɓā aĺ gə̄ ō ní anī, rɔ̄ Ngōn̄ Deē a sɔlə̄n tām̄ yān tə́, dan ń a tél yā reē dan kɔsə gɔn yā Bɔbə̄n tə́ naā tə́ kə de kə́ dɔ rā̰ tə́ kə́ táĺ gə̄ ní.

1 TESALONIK 4:16

Tām̄ ngol de kə́ dɔ rā̰ tə́ gə̄ a adə̄ ndūn ō, bərúnjə yā Nə́ɓā a ɓār̄ ō, anī Kɔ́ɔ̄ɓē nəkɔ́ a teē dɔ rā̰ tə́ yā reē. Adə̄ de gə̄ ń ɓoon̄ naā kə Kərist tá oyn̄ ní, a ndólə̄n̄ kété.

KƏLA RĀĀ 1:11

ba dəjen̄də́ najə̄ ədan̄ na: Sḭḭ̄ de kə́ Galile gə̄ ń toō, ī-ra ā á̰a̰ī loo kə̄ dɔ rā̰ tə́ i tām̄ rí tə́? Jeju nəkɔ́ kə́ kógə̄ḿ beē ń ɔr̄nən̄ kɔ̄ɔ́ rɔ̄sí tə́ ta kaw̄ kə̄ dɔ rā̰ tə́ ní, a tél yā reē i tītə̄ nəkɔ́ ń á̰a̰niī loo kaw̄ tə́ kə̄ dɔɔ́ toō.

MATIYE 16:17

Loo ń noō tə́ Jeju tél ədan na: Ḭ̄ i kə rɔ̄nelēé Simo̰ ngōn̄ Jonas, tɔdɔ̄ i Bɔbə́ḿ kə́ ndi dɔ rā̰ tə́ n teē kumií dɔ yá̰á̰ ń toō tə́ ní, ba i deē ndul alé.

MATIYE 16:28

Ādə̄ m-ə́dásí najə̄ kə́ bo ngá̰ý, de kə́rēý gə̄ kə́ dan de gə̄ ń ran̄ laā tə́ ní, a a̰a̰n̄ Ngōn̄ Deē loo reē tə́ kə́ mban̄g tə́ pá tá kadə̄ a oyn̄ ɓáý.

MARK 9:1

Ni ədadə́ ɓáý to̰ na: Ādə̄ m-ə́dásí najə̄ kə́ bo ngá̰ý, de kə́rēý gə̄ kə́ dáńsí sḭḭ̄ ń ī-ndiī toō tə́ ní, a a̰a̰n̄ Ɓē ko̰o̰ yā Nə́ɓā kə́ a reē kə tɔ́gɔ́ pá tá kadə̄ a oyn̄ ɓáý.

Najə̄ kə́ Majə yā Jeju ń Luk ndang ní 21:27

Anī a a̰a̰n̄ Ngōn̄ Deē a reē dan kil̄ man̄ tə́ kə tɔ́gɔ́ ō, kə kɔsə gɔn kə́ ngá̰ý ō.

2 PIYER 1:16

Tɔdɔ̄ j-əndā tɔ́gə́jí i dɔ súū gə̄ kə́ de gə̄ ɔrə̄n̄ kə kum kedēé ngá̰ý tə́ n j-ɔjəńsí najə̄ reē kə́ kə tɔ́gɔ́ ngá̰ý yā Kɔ́ɔ̄ɓē yājí Jeju Kərist ní alé, banī jḭḭ kɔ́ gə̄ j-a̰a̰n kə kumjí dan ń ni-ndə́leń ngá̰ý tə́ ní.