MARK 13:22 - Bibəl ta Sar̄

²² Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō, a ḭḭn̄, ba a rāān̄ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, yā góləń ngé gə̄ ń Nə́ɓā gə̄rādə́ ní gə̄gē.

Bible sar

²² Tām̄ *Kərist kə́ rɔ̄kum aĺ gə̄ ō, *ngé koō ta kə́ rɔ̄kum aĺ gə̄ ō, a ḭḭn̄, ba a rāān̄ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, yā góləń ngé gə̄ ń Nə́ɓā gə̄rādə́ ní gə̄gē.

MARK 13:22 Referans Kwoze

MATIYE 24:24

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō a ḭḭn̄, ba a rāān̄ yá̰á̰ kə́ yáā kə́ bo ngá̰ý gə̄ ō, yá̰á̰ kə́ to kɔr kum gə̄ ō yā góləń de gə̄. Adə̄ nə́ngētə́ asə i naā tə́ anī a gólə̄n̄ ngé gə̄ ń Nə́ɓā gə̄rādə́ ní gə̄gē.

MARK 13:6

Tɔdɔ̄ de gə̄ ngá̰ý a unən̄ rīḿ yā reēń ba kəda na i mā, adə̄ a gólə̄n̄ de gə̄ ngá̰ý.

1 JA̰A̰ 2:26

m̄-ndang makətūbə̄ m-ādə̄sí dɔ yá̰a̰ gə̄ ń noō tə́ i tām̄ yā ngé gə̄ ń a sāān̄ rāāsí kadə̄ ī-ndúmī tə́ ní.

MATIYE 7:15

Ī-ngɔ̄mī rɔ̄sí tām̄ yā ngé koō ta kə́ rɔ̄kum aĺ gə̄ tə́. A reēn̄ kə̄ rɔ̄sí tə́ a gidədə́ i gidə batə̄ gə̄, ba kemdə́ i kem soó gə̄ kə́ a nārə̄n̄ yá̰a̰ kul̄ gə̄.

JEJU TEĒ KUM JA̰A̰ 17:8

Dā̰ ń na m-á̰a̰n ní na ndi kété, ba ń toō ɓáa na gətóo kɔ̄ɔ́. Ni a teē bəlo kə́ ngɔ́nən gətóó tə́ yā kaw̄ loo kə́ tan a tḭ̄ḭ̄ kɔ̄ɔ́ tū tə́ tə́. Ba de kə́ dɔ nang tə́ gə̄ ń kété ta kəla gír kəndā dɔ rā̰ ō dɔ nang ō tə́, ndangən̄ rīdə́ kem makətūbə̄ ndi kə kumuú tə́ alé ní, dan ń nin̄ a a̰a̰n̄ dā̰ ní anī, a ɔr kumdə́ ngá̰ý. Tām̄ dā̰ ní ndi kété ō, gətóo kɔ̄ɔ́ ō, banī a tél yā reē ɓáý ō.

1 JA̰A̰ 2:19

Nin̄-teēn̄ i danjí tə́, banī nin̄ i deē yājí gə̄ alé. Tām̄ ré nin̄ i deē yājí gə̄ anī, a ndin̄ sejí. Ba nge ń noō ɔjə kə̄ ndágá kadə̄ nin̄ i deē yājí gə̄ alé.

JA̰A̰ 4:48

Jeju əda na: Ré sḭḭ̄ á̰a̰ī yá̰á̰ kə́ to kɔr kum gə̄ ō, yá̰á̰ kə́ yáā gə̄ ō aĺ anī, ā ī-taāī kem aĺ bátə́ tā!

JEJU TEĒ KUM JA̰A̰ 13:8

Ngōn̄ batə̄ ń əjan̄ míndən ní, de kə́ dɔ nang tə́ gə̄ malang ń kété ta kəla gír kəndā dɔ rā̰ ō dɔ nang ō tə́ ɓáa rīdə́ i kə́ ndang kem makətūbə̄ ndi kə kumuú yān tə́ aĺ ní, a rɔȳnən̄.

2 TIMOTE 2:19

Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na: Kɔ́ɔ̄ɓē ger̄ ngé gə̄ ń nin̄ i yān gə̄ ní ō, ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.

NDŪ NAJƏ̄ 13:1

Najə̄ malang kə́ dɔ yá̰á̰ kə́ yā rāā gə̄ tə́ ń m-ɔ̄r̄ sesí ní, ə̄ndāī kemsí dɔ tə́ ī-rāāīneé kəla. Ā ə̄nīī madə̄ ta tə́ aĺ ō, ā ɔ̄rī kumən kógə̄ḿ kɔ̄ɔ́ aĺ ō.

MARK 13:21

Kem ndɔ̄ gə̄ ngeé ń noō tə́ ní, ré de kə́rēý ədasí na Kərist na i laā, aláa ni na i nú anī, ī-lōōī taā kemən.

MARK 13:23

Banī sḭḭ̄ ə̄ndāī kum kedə̄ dɔ rɔ̄sí tə́, tɔdɔ̄ yá̰a̰ malang ń a reē ní, m̄-tāāsí kété kɔ̄ɔ́.

1 JA̰A̰ 2:18

Ngánə́ḿ kə́ dūú gə̄, jə-ndiī i kum mbang kə́ ta tɔ̄l̄ ta tə́. Ba tītə̄ ń ōōī kadə̄ nge rɔ̄ɔ̄ Kərist kógə̄ḿ a reē ní, ngɔlaā ngé rɔ̄ɔ̄ Kərist gə̄ ngá̰ý reē ugə̄n̄ kɔ̄ɔ́ ɓá. I tītə̄ ń noō n jə-gerīiń kadə̄ jə-ndiī i kum mbang kə́ ta tɔ̄l̄ ta tə́ ní.