MARK 13:14 - Bibəl ta Sar̄

¹⁴ Dan ń ā á̰a̰ī yá̰á̰ kə́ majaĺ kə́ to yḛr kum ndi loo ń sɔɔ̄ kadə̄ ni-ndi tū tə́ aĺ ní anī, ādə̄ nge ń tə́da najə̄ kə́ kem makətūbə̄ ń toō tə́ ní ger̄ kum. Ndɔ̄ ń noō tə́ ní, ādə̄ ngé gə̄ ń nin̄ i gō nang kə́ Jude tə́ ní, a̰ȳn̄ naā kə̄ dɔ mbal̄ gə̄ tə́ kɔ̄ɔ́ ō,

Bible sar

¹⁴ Dan ń ā á̰a̰ī yá̰á̰ kə́ majaĺ kə́ to yḛr kum ndi loo ń sɔɔ̄ kadə̄ ni-ndi tū tə́ aĺ ní anī, ādə̄ nge ń tə́da najə̄ kə́ kem makətūbə̄ ń toō tə́ ní ger̄ kum. Ndɔ̄ ń noō tə́ ní, ādə̄ ngé gə̄ ń nin̄ i gō nang kə́ Jude tə́ ní, a̰ȳn̄ naā kə̄ dɔ mbal̄ gə̄ tə́ kɔ̄ɔ́ ō,

MARK 13:14 Referans Kwoze

DANIEL 12:11

Əla gír kum mbang ń deē a asəń ndējə̄ Nə́ɓā yá̰a̰ tun̄ kə́ dɔ ndɔ̄ gə̄ to̰ aĺ tə́ ō, a əndānn̄eé yá̰á̰ kə́ to yḛr kum kə́ nge nujə loo dɔ loo tun̄ yá̰á̰ tə́ ō ní, ndɔ̄ gə̄ malang ń a mānə̄n̄ ní I ndɔ̄ dūbú kə́ ɓú jōó kə kutə ndōhó.

DANIEL 9:27

Dan yā ɓāl̄ kə́ sīrí gə̄ kə́ ta tɔ̄l̄ ta tə́ ní, ni a əndā tɔ́gə dɔ de kə́ ngá̰ý gə̄ tə́ yā ə́hɔń madə̄ naā sedə́ ō, kem núsə ɓāl̄ kə́ sīrí gə̄ tə́ ní, ni a rāā kadə̄ gír tun̄ yá̰a̰ gān̄g ō, gír ndējə̄ yá̰a̰ gān̄g ō. Nge nujə loo kógə̄ḿ a ndi dɔ bɔ̄gə̄ yá̰á̰ kə́ to yḛr kum gə̄ tə́ ō, i bátə́ kadə̄ nujən̄neé nge nujə loo ní tītə̄ ń ɔjən̄neé ní ō.

DANIEL 11:31

Áskar gə̄ ń ni a əla sedə́ ní a reēn̄ yā ndi ta loo kə́ táĺ ń i loo kə́ ngan̄g ní tə́ ō, a rāān̄ loo kə́ táĺ ní loo kə́ karī tə́ ō, a rāān̄ kadə̄ gír tun̄ yá̰á̰ kə́ kə dɔ ndɔ̄ gə̄ gān̄g ō, a udən̄ yá̰á̰ kə́ to yḛr kum kə́ nge nujə loo dɔ loo tun̄ yá̰á̰ tə́ ō.

JEJU TEĒ KUM JA̰A̰ 13:18

Majə kadə̄ kum deē edə̄ loo ń toō tə́. De kə́ kur̄ dɔn i noó a asə ger̄ kum kutə yá̰a̰ yā dā̰ ní, tɔdɔ̄ kutə yá̰a̰ yā dā̰ ní i kutə yá̰a̰ yā deē. Kutə yá̰á̰ ní i 666.

JEJU TEĒ KUM JA̰A̰ 1:3

Deē ń tə́da makətūbə̄ ń toō ō, de gə̄ ń oōn̄ najə̄ kə́ Nə́ɓā əndā ta deē tə́ ń toō ō, ba ngɔ̄mə̄n̄ yá̰á̰ ń ndangən̄ kemeé ní, rɔ̄də́ nel̄də́. Tɔdɔ̄ kum mbang ń kadə̄ yá̰a̰ gə̄ ń noō rāān̄neé yá̰á̰ ní dɔ i ngɔr.

1 KORḚNTƏ 14:20

Ngákó̰ó̰ḿ gə̄, najə̄ kə́ dɔ ger̄ najə̄ tə́ ní, ādə̄ sḭḭ̄ i ngáń kə́ dūú gə̄ loon tə́ alé, ba ré i najə̄ kə́ dɔ yá̰á̰ kə́ majaĺ tə́ ɓáa, ādə̄ sḭḭ̄ i ngáń kə́ dūú gə̄ loon tə́. Najə̄ kə́ dɔ ger̄ najə̄ tə́ ní ādə̄ sḭḭ̄ i de kə́ tɔgə gə̄ loon tə́.

DANIEL 8:13

Loo ń noō tə́ m-ōō ndū de kə́ dɔ rā̰ tə́ kógə̄ḿ ɔr̄ najə̄. anī de kə́ dɔ rā̰ tə́ kə́ rang dəje nge ń a ɔr̄ najə̄ ní na: Yá̰a̰ gə̄ ń a rāān̄ yā rāā yá̰á̰ á nī əda najə̄n kété toō a rāān̄ yá̰á̰ i bátə́ rəngá̰ý tə́? Yá̰á̰ tun̄ kə́ kə dɔ ndɔ̄ gə̄ ní a ɔgə̄n̄ tun̄ i bátə́ rə́ngáý tə́? Yá̰a̰ rāā kə́ gōtə́ aĺ ń najə̄ yá̰a̰ malang sák sák ní a o̰o̰ ɓē i bátə́ rə́ngáý tə́? A tə́ɓān̄ loo kə́ táĺ ō, de kə́ dɔ rā̰ tə́ gə̄ ō kə njadə́ i bátə́ rə́ngáý tə́?

EJEKIEL 44:9

Mā Kɔ́ɔ̄ɓē Nə́ɓā m-ə́da najə̄ ń toō: Tə̄rā ń əja mɔtə kə́ dan wur tə́ aĺ ō, oō taḿ aĺ ō ní, a udə kem loo yāḿ kə́ táĺ tə́ to̰ alé, ká ni ndiń i dan Israel gə̄ tə́ gə̄gē ní.

NŌŌ RƆ̄ 1:10

Nge rɔ̄ɔ̄ḿ əla jīn ɔyń yá̰a̰ yāḿ kə́ majə ngá̰ý gə̄ malang kɔ̄ɔ́. Jerusalem a̰a̰ nápar de gə̄ ń ɔ̄gə̄də́ kaw̄ dan ngé kán̄ naā yāí gə̄ tə́ ní loo kudə tə́ kem loo kə́ táĺ yān tə́.

MATIYE 13:51

Jeju dəjedə́ na ké gerə̄n̄ kum najə̄ gə̄ ń noō malang wa. Anī nin̄-tél ədanən̄ na n-gerə̄n̄ kum.