MARK 13:11 - Bibəl ta Sar̄

¹¹ Loo ń a aw̄n̄ sesí yā kəlasí jī ngé sarya gə̄ tə́ anī, ī-lōōī sōl̄ kəda kemsí tə́ kété na ké ā ə́daī na i rí wa. Kum mbang nəkɔ́ ń noō tə́ ní, i sḭḭ̄ n ā ɔ̄rī najə̄ alé, banī i Ndíĺ kə́ Táĺ.

Bible sar

¹¹ Loo ń a aw̄n̄ sesí yā kəlasí jī ngé sarya gə̄ tə́ anī, ī-lōōī sōl̄ kəda kemsí tə́ kété na ké ā ə́daī na i rí wa. Kum mbang nəkɔ́ ń noō tə́ ní, i sḭḭ̄ n ā ɔ̄rī najə̄ alé, banī i *Ndíĺ kə́ Táĺ.

MARK 13:11 Referans Kwoze

KƏLA RĀĀ 6:10

Banī nin̄-asən̄ dumə̄n kə najá alé, tɔdɔ̄ kum kedə̄ ń ni a ɔrə̄ń najə̄ ní i Ndíĺ kə́ Táĺ n adə̄n.

1 PIYER 1:12

Najə̄ ń Nə́ɓā əndā ta ngé koō ta gə̄ tə́ adə̄ ədan̄ ní, ni teē kumdə́ dɔ tə́ adə̄ gerə̄n̄ kadə̄ najə̄ ní i tām̄ yādə́ nin̄ tə́ alé, banī i tām̄ yāsí sḭḭ̄ tə́. Ngé kɔjə Najə̄ kə́ Majə gə̄ ədan̄sí najə̄ ní ngɔlaā i kə tɔ́gə yā Ndíĺ kə́ Táĺ. Ndíĺ kə́ Táĺ ngeé ń toō ní, i Nə́ɓā ń ndi dɔ rā̰ tə́ ní n əla seneé ní. De kə́ dɔ rā̰ tə́ gə̄ gə̄gē nin̄ kɔ́ gə̄ kə dɔdə́ sāān̄ ger̄ najə̄ ní ō.

1 KORḚNTƏ 2:13

Ba j-ɔr̄ najə̄ yá̰a̰ gə̄ ní i kə najə̄ ń ngé kum kedə̄ gə̄ ndóōn̄jí ní alé, banī i kə najə̄ ń Ndíl Nə́ɓā ndóōjí ní. Adə̄ i tītə̄ ń noō n j-ɔjəń ngé kənge Ndíl ngeé ń toō gə̄ najə̄ kə́ rɔ̄kum gə̄ yā Ndíĺ ní.

JAKƏ 1:5

Ba ré deē kógə̄ḿ dansí tə́ nal̄ kum kedə̄ anī, ādə̄ ni-dəje Nə́ɓā ń adə̄ de gə̄ malang yá̰a̰ karī kanjə̄ kəda najə̄ kə́ tōr̄ dɔdə́ tə́ ní, na ni a adə̄n.

EPEJƏ 3:5

Yá̰á̰ kə́ to loo mundə̄ tə́ ngeé ń toō ń Nə́ɓā teē kum ngámbang kəla yān gə̄ ń ni-ɔr̄ kam̄də́ ní ō, ngé koō ta yān gə̄ ō, dɔ tə́ kə ta kūl̄ Ndíĺneé ní, ni teē kum de kə́ kété gə̄ dɔ tə́ alé.

KƏLA RĀĀ 4:31

Dan ń nin̄-ndɔ̄ȳn̄ oy anī, loo ń kánə̄n̄ naā tū tə́ ní ndebə. Ndíĺ kə́ Táĺ rosə kemdə́ malang ō, nin̄-ənīn̄ kemdə́ ɔjən̄neé najə̄ yā Nə́ɓā kanjə̄ ɓōĺ ō.

KƏLA RĀĀ 2:4

Ndíĺ kə́ Táĺ rosə kemdə́ malang, adə̄ ɔrə̄n̄ ta kə́ tayā tayā gə̄, kə gō ń Ndíĺ kə́ Táĺ adə̄ńdə́ kadə̄ ɔrə̄n̄ ní.

IJAI 50:4

Kɔ́ɔ̄ɓē Nə́ɓā ndóōm̄ yá̰á̰ ń sɔɔ̄ kadə̄ m-ə́da yā kəlań go̰ kem deē ń tɔ́gən gətóo kɔ̄ɔ́ tə́ ní. Ni ndólə̄m̄ dɔ ɓīī tə́ dəloí kə dɔ ndɔ̄ gə̄, yā kadə̄ m-ōō loo tītə̄ ngōn̄ nge ndoō kə́ majə beé.

2 SAMUEL 23:2

Ndíĺ Kɔ́ɔ̄ɓē ɔr̄ najə̄ kə kūlə̄ḿ, ni-əndā najə̄ yān ta ndo̰ḿ tə́.

KƏLA RĀĀ 3:13

Nə́ɓā yā Abəraham ō Isaak ō Jakob ō ń i Nə́ɓā yā kaají gə̄ ní, ɔsə gɔn Jeju nge kəla yān ń sḭḭ̄ ə́laniī jī de gə̄ tə́ ō, ī-mbātə́niī ta kum Pilatə tə́ dan ń Pilatə gḛy kəya̰n dɔɔ́ ní ō.

JA̰A̰ 3:27

Anī Ja̰a̰ əda na: Deē kógə̄ḿ kə́ asə taā yá̰a̰ kanjə̄ kadə̄ i Nə́ɓā n adə̄n yá̰á̰ ní gətóo.

MARK 13:9

Banī ādə̄ kumsí ngan̄g tɔdɔ̄ de gə̄ a əlan̄sí jī ngé rāā sarya gə̄ tə́ ō, a tə̄ndān̄sí kem kújə́ kán̄ naā gə̄ tə́ ō, a aw̄n̄ sesí kadə̄ ī-raī no ngé ko̰o̰ ɓē gə̄ tə́ ō, najə̄ yāḿ mā tə́. Loo ń noō tə́ ā ə́daī najə̄ kə́ kum tə́ kadə̄ oōn̄.

MATIYE 10:17

Əndāī kum kedə̄ dɔ rɔ̄sí tə́ najə̄ yā de gə̄ tə́, tɔdɔ̄ nin̄ a əlan̄sí jī ngé rāā sarya gə̄ tə́ ō, a əndan̄sí kə mərawaá kem kújə kán̄ naā yādə́ gə̄ tə́ ō.

KƏLA RĀĀ 7:55

Ndíĺ kə́ Táĺ rosə kem Etiyen. Ni-ənī kumən kə̄ dɔɔ́ anī a̰a̰ kɔsə gɔn yā Nə́ɓā ō, a̰a̰ Jeju ra kə njan kə́ dɔɔ́ dɔ jī ko̰ Nə́ɓā tə́ ō.

KƏLA RĀĀ 6:15

De gə̄ malang ń ndin̄ loo sarya tə́ ní əndān̄ kumdə́ dɔ Etiyen tə́, anī nin̄-a̰a̰n̄ kadə̄ ta kumən to tītə̄ ta kum de kə́ dɔ rā̰ tə́ kógə̄ḿ beē.

MARK 13:12

De kə́rēý gə̄ a əlan̄ ngákó̰ó̰də́ gə̄ ta yo tə́ ō, bɔbə̄ ngán gə̄ a rāān̄ beé kə ngáńdə́ gēé ō. Ngé kə́rēý gə̄ a ḭḭn̄ yā mbātə́ bɔbə̄də́ gə̄ kə kó̰ó̰də́ gə̄ ō, a əlan̄də́ ta yo tə́ ō.

Najə̄ kə́ Majə yā Jeju ń Luk ndang ní 21:12

Ba kété no yá̰a̰ gə̄ ń toō tə́ malang ní, a əhɔn̄sí yā rāāsí ndoō tə́ ō, a əlan̄sí jī ngé sarya kə́ loo kán̄ naā gə̄ tə́ ō, yā kəlasí kújə dəngáy gə̄ tə́ ō. A aw̄n̄ sesí kə̄ ta mban̄g gə̄ tə́ ō, kə̄ ta ngé ko̰o̰ ɓē gə̄ tə́ ō, tām̄ yā rīḿ tə́.