MARK 12:6 - Bibəl ta Sar̄

⁶ Ba na̰y i deē kógə̄ḿ ɓáý rɔ̄n tə́, i ngōn̄ kó tár yān kə́ dəngam, adə̄ dan ń nin̄-təgān̄ malang ní, ni əlan rɔ̄də́ tə́. Əda na nin̄ a ɓōlə́n̄ ndíĺ ngōnən ń toō.

Bible sar

⁶ Ba na̰y i deē kógə̄ḿ ɓáý rɔ̄n tə́, i ngōn̄ kó tár yān kə́ dəngam, adə̄ dan ń nin̄-təgān̄ malang ní, ni əlan rɔ̄də́ tə́. Əda na nin̄ a ɓōlə́n̄ ndíĺ ngōnən ń toō.

MARK 12:6 Referans Kwoze

JA̰A̰ 1:34

Mā m-á̰a̰ ō, m-ə́da i yá̰á̰ kə́ m-á̰a̰ kə kumḿ ō, kadə̄ ni i Ngōn̄ Nə́ɓā.

MATIYE 3:17

Ba ndū deē kógə̄ḿ ɓār̄ dɔ rā̰ tə́, əda na: Ni ń toō i Ngōn̄ kó tár yāḿ ń nelə̄m̄ seneé ngá̰ý ní.

1 JA̰A̰ 4:9

Á̰a̰ī loo kɔjə ń Nə́ɓā ɔjə tár yān dɔ dáńjí tə́ ní. Ni-əla Ngōnən kə́ kal kógə̄ḿ beē dɔ nang tə́ laā yā kadə̄ jə-ndiī kə kumjí i kə ta kūl̄neé.

HEBƏRO 1:6

Banī loo ń əla Ngōn̄ hágə̄n dɔ nang tə́ ní, ni-əda na: Ādə̄ de kə́ dɔ rā̰ tə́ gə̄ malang yā Nə́ɓā ɔsən̄ nodə́ nang tə́ non tə́.

JA̰A̰ 5:23

yā kadə̄ de gə̄ malang rɔȳn̄ Ngōn̄ tītə̄ ń rɔȳn̄neé Bɔbə̄ Ngōn̄ ní. Nge ń rɔȳ Ngōn̄ aĺ ní, a rɔȳ Bɔbə̄ Ngōn̄ ń əla Ngōn̄ ní aĺ ō.

JA̰A̰ 3:35

Bɔbə̄ Ngōn̄ tár Ngōn̄, adə̄ əya̰ yá̰a̰ malang kem jīn tə́.

JA̰A̰ 1:49

Anī Natanayel tél ədan na: Ngoljí, ḭ̄ i Ngōn̄ Nə́ɓā, ḭ̄ i mban̄g yā ngáń Israel gə̄!

JA̰A̰ 1:18

Deē kógə̄ḿ kə́ a̰a̰ Nə́ɓā gətóó bátə́. Ba Ngōn̄ Nə́ɓā kə́ kal kógə̄ḿ beē ń ndi naā tə́ ngándáńg kə Bɔbə̄ Ngōnōó ní, ni a rāā kadə̄ a ger̄nən̄.

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

Najə̄ kə́ Majə yā Jeju ń Luk ndang ní 9:35

Anī deē kógə̄ḿ ɔr̄ najə̄ dan kil̄ man̄ tə́ əda na: Ni ń toō i Ngōnə̄ḿ ń m̄-gə̄rān ní, ōōī najə̄ yān!

Najə̄ kə́ Majə yā Jeju ń Luk ndang ní 3:22

adə̄ Ndíĺ kə́ Táĺ jə̄ngā dɔn tə́ kə́ dér ndaa tə́ ō, ndū deē kógə̄ḿ ɓār̄ kə̄ dɔ rā̰ tə́ ō, əda na: Ḭ̄ i ngōn̄ kó tár yāḿ, nelə̄m̄ seí ngá̰ý.

MARK 9:7

Tā anī kil̄ man̄ kógə̄ḿ teē, ra ndíĺ tə́ dɔdə́ tə́, nin̄-oōn̄ ndū deē kógə̄ḿ teē dan kil̄ man̄ ní tə́, a əda na: Nge ń toō i Ngōn̄ kó tár yāḿ. Ōōī najə̄ yān.

MARK 1:11

Loo ń noō tə́, ndū deē kógə̄ḿ ɓār̄ dɔ rā̰ tə́, əda na: Ḭ̄ i Ngōn̄ kó tár yāḿ ń nelə̄m̄ seí ngá̰ý ní.

MATIYE 26:63

Banī Jeju ndi kə tan kə́ mbóó. Anī ngol ngé tun̄ yá̰a̰ gə̄ ədan na: m̄-dəjeī kə rī Nə́ɓā kə́ ndi kə kumneé, ré i ḭ̄ n i Kərist, adə̄ ḭ̄ i Ngōn̄ Nə́ɓā, anī ə́dájí.

MATIYE 17:5

Dan ń a ɔr̄ najə̄ kə̄ tan tə́ ɓáý anī, kil̄ man̄ kógə̄ḿ kə́ ndə́lē reē utə̄ dɔdə́ kɔ̄ɔ́. Anī ndū deē kógə̄ḿ ɔr̄ najə̄ dan kil̄ man̄ ní tə́, əda na: Nge ń toō i Ngōn̄ kó tár yāḿ ń rɔ̄nel̄ yāḿ malang i dɔn tə́ ní. Ōōī najə̄ yān.

MATIYE 11:27

Bɔbə́ḿ əla yá̰a̰ malang gír jīḿ tə́. Deē kógə̄ḿ kə́ gerə̄m̄ mā Ngōnən gətóo, ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo, ba i mā Ngōnən nəkɔ́ tá ngóy ō, deē ń mə̄kɔ́ ngōn̄ m̄-ndigə teē kumən dɔn tə́ ní tá ngóy ō.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

IJAI 42:1

Kɔ́ɔ̄ɓē əda na: Nge kəla yāḿ n toó, mā m-ə́hɔ ta jīn, i ni n m̄-gə̄rān kə rɔ̄nelēé ní. m̄-rāā adə̄ ndílə́ḿ reē dɔn tə́, yā kadə̄ ni rāań kadə̄ nápar de gə̄ gerə̄n̄ yá̰á̰ kə́ súmūú.

PĀ GƏ̄ 2:12

Ī-rɔyī ngōn̄, na sōgə́ wōn̄g rāān anī ā óyiī róbó. Yá̰á̰ kə́ sḛ́ý beē gə̄gē anī wōn̄g rāān kɔ̄ɔ́. De gə̄ malang ń ni i loo ɓɔ̄ɔ̄ rɔ̄ yādə́ ní rɔ̄də́ nel̄də́.

TA KƏLA 37:3

Israel tár Jəjep tɔȳ gotə ngánən gə̄ malang tɔdɔ̄ ni ojən i dɔ ɓə́gan tə́. Adə̄n kūbə̄ kə́ majə ngá̰ý kə́ ɓálən i ngá̰ý adə̄ əla rɔ̄n tə́.

TA KƏLA 22:12

Kɔ́ɔ̄ɓē əda na: Ə́ya̰ ngōn̄, ī-lōō rāān yá̰á̰ kə́ tōr̄. Ngɔlaā ní m̄-ger̄ kadə̄ ī-ɓōĺ ndílə́ḿ, tɔdɔ̄ ɔ̄gə̄m̄ ngōnīí kə́ kal kógə̄ḿ beē alé.

TA KƏLA 22:2

Anī Nə́ɓā əda na: Ún ngōnīí Isaak, ngōnīí kə́ kal kógə̄ḿ beē ń ī-tárən ngá̰ý ní, āw̄ seneé dɔ nang kə́ Moriya tə́, dɔ mbal̄ kógə̄ḿ kə́ dɔ dán madə̄ gə̄ tə́ ń m-ā m-ɔ́jiī tə́ ní, ī-róōn horoó ādə̄m̄.

PĀ GƏ̄ 2:7

Yá̰á̰ ń Kɔ́ɔ̄ɓē ndang kadə̄ yā rāā ní m-ā m-ə̄nī mbērən, ni ədam̄ na: Ḭ̄ i ngōnə̄ḿ, ɓōólaā ní, mā i Bɔbí.

TA KƏLA 44:20

Anī jə-tél j-ədaī na ɓə́ga bɔbə̄jí na ndi noó ō, na ngōkó̰ó̰jí kə́ dūú kə́ bɔbə̄jí ojən dɔ ɓə́gan tə́ na ndi noó ō. Ngōkó̰ó̰jí ní tá na kem kó̰o̰ madə̄n na oy kɔ̄ɔ́, na̰y na i nəkɔ́ kə kérneé adə̄ bɔbə̄jí na tárən ngá̰ý.

MARK 12:5

Ni-tél əla nge kəla yān kə́ rang ɓáý to̰, anī nin̄-tɔ̄l̄nən̄. Tá anī tél əla ngé kəla yān kə́ rang gə̄ ɓáý to̰ anī, nin̄-tə̄ndān̄ kə́rēý gə̄ ō, tɔ̄lə̄n̄ kə́rēý gə̄ ō.

MARK 12:7

Banī ngé ndɔr̄ gə̄ ní ədan̄ naā dɔ dáńdə́ tə́ na: Á̰a̰ī nge kán̄ ta yá̰a̰ gotə yo ní n toó. Ī-reēī, jə-tɔ̄līin̄ ɓáa, yá̰a̰ gotə yo ní a tél yá̰a̰ yājí.

3 JA̰A̰ 1:1

I mā kum kɔɔ̄ n m̄-ndang makətūbə̄ ń toō m-ə́lań m-ādə̄ kó tár yāḿ Gayus ń m̄-tárən rɔ̄kum ní.