MARK 12:43 - Bibəl ta Sar̄

⁴³ Tā anī Jeju ɓāŕ ngé ndóō yá̰a̰ yān gə̄, ədadə́ na: Ādə̄ m-ə́dásí najə̄ kə́ bo ngá̰ý, dəyá̰ kə́ ngaa koy kə́ nge ndoō ń toō ɓōkə́ nar kem loo ń a ɓōkə́n̄ tū tə́ ní tɔȳ gotə gə̄ malang.

Bible sar

⁴³ Tā anī Jeju ɓāŕ ngé ndóō yá̰a̰ yān gə̄, ədadə́ na: Ādə̄ m-ə́dásí najə̄ kə́ bo ngá̰ý, dəyá̰ kə́ ngaa koy kə́ nge ndoō ń toō ɓōkə́ nar kem loo ń a ɓōkə́n̄ tū tə́ ní tɔȳ gotə gə̄ malang.

MARK 12:43 Referans Kwoze

2 KORḚNTƏ 8:2

Wur kɔl əsō dɔ ngé taā kem kə́ tū tə́ gə̄ ngá̰ý. Banī rɔ̄də́ nel̄də́ ngá̰ý dan yá̰á̰ kə́ tōr̄ gə̄ nəkɔ́ ń noō tə́. Nin̄-ndoōn̄ ngá̰ý ɓá tā ba rāān̄ kem majə ngá̰ý.

KƏLA RĀĀ 11:29

Adə̄ ngé ndóō yá̰a̰ gə̄ ndigən kadə̄ nin̄ kógə̄ḿ kógə̄ḿ ní kə n-adə̄n̄ yá̰á̰ ń tɔ́gə́də́ asə ní, yā kəlań kadə̄ ngákó̰ó̰də́ gə̄ ń ndin̄ gō nang kə́ Jude tə́ ní yā rāań sedə́.

2 KORḚNTƏ 8:12

Tɔdɔ̄ ré gír̄ kə́ kem deē tə́ ń adə̄ń yá̰á̰ ní i gír̄ kə́ majanī, a ndigən̄ kɔ́ɔ̄ i tām̄ yá̰á̰ kə́ to jīn tə́ tə́, ba i tām̄ yá̰á̰ kə́ gətóo jīn tə́ tə́ alé.

MATIYE 10:42

Ādə̄ m-ə́dásí najə̄ kə́ bo ngá̰ý, náā nəkɔ́ ń a adə̄ de kə́ dūú kógə̄ḿ kə́ dan ngé gə̄ ń toó tə́ man̄ kə́ sɔl̄ kem kɔ̄yɔ́ kadə̄ a̰ȳ tām̄ i nge ndóō yá̰a̰ yāḿ ní, kɔ́ɔ̄ a nal̄ yá̰á̰ kəndā nja yān aĺ bátə́.

MARK 12:42

Dəyá̰ kógə̄ḿ kə́ ngaa koy kə́ nge rɔ̄ tō ndoō reē ō. Ni-ɓōkə́ súū kə́ kum mbutə gə̄ jōó tū tə́. Na̰y i nja mətá tá kadə̄ rāā sísi kógə̄ḿ.

MARK 12:44

Tɔdɔ̄ nin̄ malang ní ɔrə̄n̄ i ta yādə́ kə́ na̰y kə̄ ndágá gə̄ n ənīn̄ tū tə́ ní. Banī dəyá̰ ń toō ni ɓōkə́ i yá̰a̰ ndoō yān malang kə yá̰á̰ ɓáā ta yān ń kadə̄ əsań yá̰á̰ tá ndiń kə kumneé ní.

JA̰A̰ 8:20

Jeju ɔr̄ najə̄ ń toō i dan ń ni a ndóōń de gə̄ yá̰a̰ kem kújə yā Kɔ́ɔ̄ɓē tə́, loo ń a ɓōkə́n̄ nar kə́ ndējə̄ Nə́ɓā tū tə́ ní. Ba deē kógə̄ḿ kə́ əhɔn gətóo, tām̄ kum mbang yān asə aĺ ɓáý.