MARK 12:36 - Bibəl ta Sar̄

³⁶ Dabid nəkɔ́ loo ń ɔr̄ najə̄ kə ta kūl̄ Ndíĺ kə́ Táĺ ní əda na, Kɔ́ɔ̄ɓē əda Kɔ́ɔ̄ɓē gə̄ yāḿ na kə ndi dɔ jī ko̰n tə́, bátə́ kadə̄ n-ənīń ngé ba̰ā̰n gə̄ gír njan tə́.

Bible sar

³⁶ Dabid nəkɔ́ loo ń ɔr̄ najə̄ kə ta kūl̄ *Ndíĺ kə́ Táĺ ní əda na, Kɔ́ɔ̄ɓē əda Kɔ́ɔ̄ɓē gə̄ yāḿ na kə ndi dɔ jī ko̰n tə́, bátə́ kadə̄ n-ənīń ngé ba̰ā̰n gə̄ gír njan tə́.

MARK 12:36 Referans Kwoze

PĀ GƏ̄ 110:1

Pā yā Dabid. Najə̄ ń Kɔ́ɔ̄ɓē əda Kɔ́ɔ̄ɓē yāḿ ní n toó: Ī-ndi dɔ jī kó̰ḿ tə́ ādə̄ m̄-rāā adə̄ madə̄ ba̰ā̰í gə̄ télən̄ yá̰a̰ kəndā nja yāí.

HEBƏRO 1:13

Nə́ɓā əda deē yān kə́ dɔ rā̰ tə́ kógə̄ḿ najə̄ ń toō alé: Ī-reē ī-ndi dɔ jī ko̰ḿ tə́, bátə́ kadə̄ m-ə́lań madə̄ ba̰ā̰í gə̄ tītə̄ kōr̄ kāgə̄ beé gír njaí tə́.

1 KORḚNTƏ 15:25

Tɔdɔ̄ i gáŕ kadə̄ ni-o̰o̰ ɓē bátə́ kadə̄ Nə́ɓā tetə madə̄ ba̰ā̰n gə̄ malang rɔ̄ɔ̄, ba əladə́ gír njan tə́.

KƏLA RĀĀ 1:16

Ngákó̰ó̰ḿ gə̄, i gáŕ kadə̄ yá̰á̰ ń Ndíĺ kə́ Táĺ əda najə̄n kété á ndangən̄ ní reē udə gírí. Judas ń tél nge kɔr no ngé kəhɔ Jeju gə̄ ní, Ndíĺ kə́ Táĺ əndā najə̄ yān ta Dabid tə́ adə̄ ɔr̄ kété kɔ̄ɔ́ adə̄ ndangən̄.

NEHEMI 9:30

Ī-tə́gā taí dɔdə́ tə́ ɓāl̄ ngá̰ý. Ī-ndán̄gdə́ dɔ háĺdə́ kə́ majaĺ tə́ kə ta kūl̄ Ndílí, tɔdɔ̄ ə̄ndā najə̄ ta ngé koō ta yāí gə̄ tə́ adə̄ ədan̄də́, banī nin̄ nēlə̄n̄ mbīdə́ oōn̄neé najə̄ ní alé. Adə̄ ə́ládə́ kem jī de gə̄ kə dɔ ɓē kə́ rang gə̄ tə́.

2 SAMUEL 23:2

Ndíĺ Kɔ́ɔ̄ɓē ɔr̄ najə̄ kə kūlə̄ḿ, ni-əndā najə̄ yān ta ndo̰ḿ tə́.

2 PIYER 1:21

Tɔdɔ̄ i kem ndigə yā deē n teē kə najə̄ kə́ Nə́ɓā əndā ta deē tə́ ní alé, banī i tām̄ kɔsə kə́ Ndíĺ kə́ Táĺ ɔsə sedə́ n de gə̄ ədan̄neé najə̄ kə́ Nə́ɓā əndā tadə́ tə́ ní.

1 PIYER 1:11

Nin̄-əhɔn̄ rɔ̄də́ tɔgə sāān̄ ger̄ ɓāl̄ ń yá̰á̰ ń Ndíl Kərist əda najə̄n ní a rāā yā rāań yá̰á̰ ní ō, nin̄-sāān̄ ger̄ yá̰á̰ gə̄ ń a rāān̄ yá̰a̰ ndɔ̄ ngeé ń noō tə́ ní ō. Tɔdɔ̄ Ndíĺ Kərist ngeé ń toō ń ndi kemdə́ tə́ ní, ədadə́ najə̄ yā yá̰á̰ kə́ tōr̄ ń a rāā yā rāā Kərist ní kété ō, ədadə́ najə̄ yā kɔsə gɔn ń a dān̄ gō yá̰á̰ kə́ tōr̄ ngeé ń toō ní ō.

HEBƏRO 4:7

I tām̄ najə̄ ń toō tə́ n Nə́ɓā gān̄g ndɔ̄ kə́ rang ɓáý to̰ ní, ni-əndā rī dɔ ndɔ̄ ní tə́ na i ɓōólaā. Ni-ɔr̄ najə̄n i gō gogə́ ngá̰ý kə ta kūl̄ Dabid, tū najə̄ ń jə-tə́daī kété laā tə́ ní, najə̄ ní n toó, ɓōólaā ré ōōī ndū Nə́ɓā anī, ī-lōōī rāā dɔ ngan̄g.

2 TIMOTE 3:16

Najə̄ gə̄ malang ń ndangən̄ kem makətūbə̄ yā Nə́ɓā tə́ ní, teēn̄ i ta Nə́ɓā tə́. Majə ndóoń deē yá̰a̰ ō, kɔjəń deē kadə̄ gír̄ yān i gō tə́ aĺ ō, tūrəń deē dɔ hálən tə́ ō, ndóoń deē loo rāā yá̰á̰ kə́ gōtə́ ō,

KƏLA RĀĀ 28:25

Dan ń nin̄ a tḭ̄ḭ̄n̄ i naā kanjə̄ ɓōkə́ ndūdə́ gō naā tə́ ní, Pol ədadə́ i najə̄ ń toō ngóy, əda na:

MATIYE 5:35

Ī-túbə kə dɔ nangaá alé, tɔdɔ̄ i bogəro kəndā njan. Ī-túbə kə rī Jerusalem alé, tɔdɔ̄ i ɓē yā Mban̄g kə́ bo.