Biblia Todo Logo
Bib sou entènèt

- Piblisite -




MARK 12:31 - Bibəl ta Sar̄

31 Ba kə́ nge ko̰ jōó n toó: Ā ī-tár deē madí tītə̄ ngarān̄g kum rɔ̄í īkɔ́ beē. Gō míndə́ kə́ rang kə́ bo tɔȳ ngé ń toō gətóo.

Gade chapit la Kopi

Bible sar

31 Ba kə́ nge ko̰ jōó n toó: Ā ī-tár deē madí tītə̄ ngarān̄g kum rɔ̄í īkɔ́ beē. Gō míndə́ kə́ rang kə́ bo tɔȳ ngé ń toō gətóo.

Gade chapit la Kopi




MARK 12:31
15 Referans Kwoze  

Ba nge kə́ kutə̄ gō kə́ bo kasə seneé n toó: Ā ī-tár deē madí tītə̄ ngarān̄g kum rɔ̄í īkɔ́ beē ō.


Ə̄ndā ba̰ā̰ aĺ ō, ə́hɔ́ ngáń nge ɓē madí gə̄ kemií tə́ aĺ ō. Ī-tár madí tītə̄ rɔ̄í īkɔ́. Mā i Kɔ́ɔ̄ɓē.


Anī dəngam ní tél ədan na: Ā ī-táŕ Kɔ́ɔ̄ɓē Nə́ɓā yāí kə kemií malang ō, kə dā̰ rɔ̄í malang ō, kə tɔ́gí malang ō, kə gíŕ kə́ kemií tə́ malang ō, ā ī-tár deē madí tītə̄ ngarān̄g kum rɔ̄í īkɔ́ beé ō.


Yá̰a̰ malang ń ī-gḛyiī kadə̄ de gə̄ rāān̄ sesí ní, ī-rāāī tītə̄ ń noō sedə́ ō. I yá̰á̰ ń toō bang n ndū najə̄ yā Moijə ō, ngé koō ta gə̄ ō, ɔjən̄sí kadə̄ ī-rāāī ní.


Tɔdɔ̄ ndū najə̄ gə̄ malang i tū najə̄ kə́ kógə̄ḿ beē ń toō tə́: Ī-tár deē madí tītə̄ ngarān̄g kum rɔ̄í īkɔ́ beē.


Adə̄ gō míndə Kərist ń adə̄jí ní n toó: Deē ń táŕ Nə́ɓā ní, majə kadə̄ tár ngōkó̰o̰n ō.


Ī-kə́ra madí aĺ ō, ī-ɓogə yá̰a̰ yān aĺ ō. Nar tətō nge kəla yāí a to jīí tə́ kadə̄ loo tīī dɔ tə́ alé.


Nge ndóō de gə̄ ndū najə̄ ní ədan na: Majə, Ngoljí, əda rɔ̄kum na Nə́ɓā i kal kógə̄ḿ beē, ba kə́ rang gətóo, i ni ngóy.


Swiv nou:

Piblisite


Piblisite