MARK 12:29 - Bibəl ta Sar̄

²⁹ Jeju tél ədan na, kə́ kété bang n toó: Israel gə̄ ōōī, i Kɔ́ɔ̄ɓē Nə́ɓā yājí n i Kɔ́ɔ̄ɓē kógə̄ḿ beē,

Bible sar

²⁹ Jeju tél ədan na, kə́ kété bang n toó: *Israel gə̄ ōōī, i Kɔ́ɔ̄ɓē Nə́ɓā yājí n i Kɔ́ɔ̄ɓē kógə̄ḿ beē,

MARK 12:29 Referans Kwoze

NDŪ NAJƏ̄ 6:4

Israel gə̄, ōōī majə: I Kɔ́ɔ̄ɓē kal kógə̄ḿ beē ngóy n i Nə́ɓā yājí ní.

Najə̄ kə́ Majə yā Jeju ń Luk ndang ní 10:27

Anī dəngam ní tél ədan na: Ā ī-táŕ Kɔ́ɔ̄ɓē Nə́ɓā yāí kə kemií malang ō, kə dā̰ rɔ̄í malang ō, kə tɔ́gí malang ō, kə gíŕ kə́ kemií tə́ malang ō, ā ī-tár deē madí tītə̄ ngarān̄g kum rɔ̄í īkɔ́ beé ō.

GALATƏ 3:20

Tá nge ra mbənā tə́ ní, i nge ra mbənā deē kógə̄ḿ tə́ ngóy alé. Banī Nə́ɓā i kal kógə̄ḿ beē.

Makətūbə̄ ń Pol ndang adə̄ Rom gə̄ ní 3:30

tɔdɔ̄ Nə́ɓā i kógə̄ḿ beē ngóy. Ni a rāā kadə̄ Jipə gə̄ gə̄gē, de gə̄ ń nin̄ i Jipə aĺ gə̄ ní gə̄gē, télən̄ de kə́ gōtə́ gə̄ ta kumən tə́ i kə ta kūl̄ taā kem.

Makətūbə̄ ń Jud ndang ní 1:25

ni ń i Nə́ɓā kə́ kal kógə̄ḿ beē kə́ nge kajəjí kə ta kūl̄ Kɔ́ɔ̄ɓē yājí Jeju Kərist ní, kɔsə gɔn i yān ō, i ni n i de kə́ bo ō, tɔ́gə i yān ō, ko̰o̰ ɓē i yān ō, kem ɓāl̄ gə̄ ń mānə̄n̄ kɔ̄ɔ́ tə́ ní ō, ngɔlaā ō, mbóńg kə̄ no tə́ ō. Adə̄ i tītə̄ ń noō.

1 KORḚNTƏ 8:4

Najə̄ ń ī-dəjeī ní n toó, ī-dəjeī na ké ásiī kəsa dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní wa. Jə-gerī kadə̄ ɓesə̄ i yá̰á̰ kə́ ɔsə kum gotə yá̰á̰ kə́ to rɔ̄kum dɔ nang tə́ laā aĺ ō, jə-gerī kadə̄ Nə́ɓā i kógə̄ḿ beē ngóy ō.

JAKƏ 2:19

Ré ī-taā kem kadə̄ Nə́ɓā i kal kógə̄ḿ beē anī, ī-rāā i yá̰á̰ kə́ majə, ba ndíĺ kə́ majaĺ gə̄ taān̄ kem ō, ɓōĺ rāādə́ adə̄ ndewn̄ yakə yakə ō.

1 TIMOTE 2:5

Tɔdɔ̄ Nə́ɓā i kal kógə̄ḿ beē ō, nge ra mbənā Nə́ɓā tə́ kə de gēé i kal kógə̄ḿ beē ō. Deē ní i Kərist Jeju.

NDŪ NAJƏ̄ 30:6

Kɔ́ɔ̄ɓē Nə́ɓā yāsí a ə́ja mɔtə kə́ dan wursí tə́ ō, kə́ dan wur ngáńsí gə̄ tə́ ō, ngán kaasí gə̄ tə́ ō, kadə̄ ā ī-táriī Kɔ́ɔ̄ɓē Nə́ɓā yāsí kə ngarā̰ kemsí malang ō, kə rɔ̄sí malang ō tá kadə̄ ī-ndiīneé kə kumsí.

1 TIMOTE 1:5

Ə́dá yá̰a̰ gə̄ ń toō i yā kadə̄ de gə̄ tárən̄ naā kə kemdə́ kə́ unjə̄ njáý njáý ō, kə kemdə́ kə́ ɔjədə́ yá̰á̰ kə́ majaĺ aĺ ō, kə taā kem kə́ rɔ̄kum ō.

MATIYE 23:9

Ī-lōōī ɓāŕ deē kógə̄ḿ kə́ dɔ nang tə́ laā bɔbə̄sí, tɔdɔ̄ bɔbə̄sí i kógə̄ḿ beē, i nge ń ndi dɔ rā̰ tə́ ní.

MATIYE 10:37

Deē ń tár bɔbə̄n aláa kó̰o̰n tɔȳm̄ ní, kɔ́ɔ̄ asə tél deē yāḿ alé. Deē ń tár ngōnən kə́ dəngam aláa kə́ dəyá̰ tɔȳm̄ ní, kɔ́ɔ̄ asə tél deē yāḿ alé.

NDŪ NAJƏ̄ 10:12

Ngán Israel gə̄, yá̰á̰ ń Kɔ́ɔ̄ɓē Nə́ɓā yāsí ndi a ngóō ta kadə̄ ī-rāāī ngɔlaā ní i rí? Ni a ngóō i kadə̄ ī-ɓōlíī ndílən ba úniī gō róbə yān gə̄ ō, ī-tárniī ō, ī-rāāī kəla yān kə ngarā̰ kemsí malang ō, kə rɔ̄sí malang ō.

Gōsə̄ najə̄ gə̄ 23:26

Ngōnə̄ḿ, ādə̄m̄ kemií, ādə̄ rɔ̄í nelī loo kun gō tóo njaḿ tə́.

PĀ GƏ̄ 86:10

Tɔdɔ̄ ḭ̄ i de kə́ bo, ī-rāā yá̰á̰ kə́ majə to ɓōĺ ngá̰ý gə̄, i īkɔ́ kal kógə̄ḿ beē n i Nə́ɓā kə́ rɔ̄kum ní!