MARK 12:28 - Bibəl ta Sar̄

²⁸ Nge ndóō de gə̄ ndū najə̄ kógə̄ḿ oō najə̄ ń Sadusiyḛ gə̄ ō Jeju ō nējə̄n̄ naā najə̄ dɔ tə́ ní. Dan ń a̰a̰ kadə̄ Jeju tél ədadə́ i kə gōó majə ní anī, ndɔ́tə̄ kə̄ rɔ̄n tə́ ba dəjen na: Dan gō míndə gə̄ tə́ malang ní, nge kə́ rá n i kə́ kété bang ní?

Bible sar

²⁸ Nge ndóō de gə̄ ndū najə̄ kógə̄ḿ oō najə̄ ń *Sadusiyḛ gə̄ ō Jeju ō nējə̄n̄ naā najə̄ dɔ tə́ ní. Dan ń a̰a̰ kadə̄ Jeju tél ədadə́ i kə gōó majə ní anī, ndɔ́tə̄ kə̄ rɔ̄n tə́ ba dəjen na: Dan gō míndə gə̄ tə́ malang ní, nge kə́ rá n i kə́ kété bang ní?

MARK 12:28 Referans Kwoze

Najə̄ kə́ Majə yā Jeju ń Luk ndang ní 20:39

Loo ń noō tə́ ngé ndóō de gə̄ ndū najə̄ kə́rēý gə̄ unən̄ najə̄ ədanən̄ na: Ngoljí, najə̄ ń ɔ̄r̄ ní majə ngá̰ý.

MATIYE 19:18

Ni-tél dəjen na ké i ni kə́ rá gə̄ wa. Jeju tūr̄ ədan na: Ā ī-tɔ̄l̄ deē alé, ā ī-rāȳ alé, ā ī-ɓogə alé, ā əda najə̄ kə́ sor̄ dɔ deē tə́ alé, ā ī-ɓōĺ ndíl bɔbí ō kó̰ó̰í ō,

MATIYE 5:19

Adə̄ deē ń a mbātə́ gō míndə́ kógə̄ḿ kə́ dūú ngá̰ý ō, a ndóō de gə̄ kadə̄ mbātə́n̄ ō ní, a rāānən̄ i de kə́ dūú ngá̰ý kə́ kem Ɓē ko̰o̰ kə́ dɔ rā̰ tə́ tə́. Banī deē ń rāā yá̰á̰ ń ndū najə̄ əda ní ō, a ndóō madə̄n gə̄ kadə̄ rāān̄ tītə̄ ń noō ō ní, a rāānən̄ de kə́ bo tə́ kem Ɓē ko̰o̰ kə́ dɔ rā̰ tə́.

Najə̄ kə́ Majə yā Jeju ń Luk ndang ní 11:42

Rɔ̄ ndoō i yāsí sḭḭ̄ Parijiyḛ gə̄! Tām̄ sḭḭ̄ ɔ̄rī dɔ kámbə kotə ō, kámbə ru ō, mbī kámbə́ kə́ tayā tayā gə̄ ō kə́ nge ko̰ kutə ādī Nə́ɓā ō, banī yá̰á̰ kə́ gōtə́ ō, táŕ Nə́ɓā ō, ɓáa usəsí dɔ tə́ alé. Tá i yá̰a̰ gə̄ ń toō n majə kadə̄ ə̄nīī rɔ̄sí rak ī-rāāīdə́ kanjə̄ kəya̰ ngé gə̄ noō kɔ̄ɔ́ ō ní.

MATIYE 23:23

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ kámbə kotə yāsí gə̄ ń i kámbə kotə ō, penuwil ō kumḛ̄ḛ ō ní, sḭḭ̄ ɔ̄rī dɔ kə́ nge ko̰ kutə ādī Nə́ɓā. Ba ré i yá̰á̰ kə́ bo bo gə̄ kə́ tū ndū najə̄ tə́, kə́ tītə̄ yá̰á̰ kə́ gōtə́ ō, rāā kem majə ō, ra dɔ ndū kə́ kənī tə́ ō, ɓáa sḭḭ̄ ī-mānī dɔ tə́ kɔ̄ɔ́. Tá i yá̰a̰ gə̄ ń noō n majə kadə̄ ī-rāāīdə́ kanjə̄ kəya̰ gotə gə̄ kɔ̄ɔ́ ní.

MARK 9:14

Dan ń nin̄-reē ugə̄n̄ rɔ̄ ngé ndóō yá̰a̰ yān gə̄ tə́ anī, a̰a̰n̄ kósə de gə̄ ngá̰ý gīrə̄n̄ gidədə́ ō, ngé ndóō de gə̄ ndū najə̄ gə̄ ran̄ a nējə̄n̄ najə̄ sedə́ ō.