MARK 12:24 - Bibəl ta Sar̄

²⁴ Jeju tél ədadə́ na: Sḭḭ̄ ī-ndúmī i tɔdɔ̄ ī-gerī makətūbə̄ yā Nə́ɓā aĺ ō, tɔ́gə yān aĺ ō.

Bible sar

²⁴ Jeju tél ədadə́ na: Sḭḭ̄ ī-ndúmī i tɔdɔ̄ ī-gerī makətūbə̄ yā Nə́ɓā aĺ ō, tɔ́gə yān aĺ ō.

MARK 12:24 Referans Kwoze

JA̰A̰ 20:9

Tɔdɔ̄ najə̄ ń ndangən̄ na i kadə̄ Jeju a ḭḭ kɔ̄ɔ́ dan de kə́ koy gə̄ tə́ ní, ngé ndóō yá̰a̰ gə̄ gerə̄n̄ kum aĺ ɓáý.

MATIYE 22:29

Jeju tél ədadə́ na: Gír̄ yāsí i gír̄ kə́ gōtə́ alé. Tɔdɔ̄ ī-gerī makətūbə̄ yā Nə́ɓā aĺ ō, ī-gerī tɔ́gə yā Nə́ɓā aĺ ō.

EPEJƏ 1:19

yā kadə̄ ī-gerīneé tɔ́gə́ kə́ ngá̰ý ń ni a rāań kəla tām̄ yājí jḭḭ̄ ngé taā kem gə̄ tə́ ní ō. I tɔ́gə ngeé ń toō n

PILIPƏ 3:21

Ni a tūr̄ rɔ̄jí kə́ dɔ nang tə́ kə́ to rɔ̄ tō ndoō ń toō kɔ̄ɔ́, kadə̄ tél to tītə̄ rɔ̄n nəkɔ́ ń i rɔ̄ kə́ to kɔsə gɔn ní. Ni a rāā nge ń noō i kə tɔ́gə́ ń ni a əlań dɔ yá̰a̰ malang gíŕ tɔ́gə yān tə́ ní.

Makətūbə̄ ń Pol ndang adə̄ Rom gə̄ ní 15:4

Najə̄ gə̄ ń ndangən̄ kété malang ní i yā kɔjəńjí yá̰a̰, i gáŕ kadə̄ najə̄ gə̄ ní rāān̄jí adə̄ jə-tə́gāī tají ō, j-əhɔī rɔ̄jí tɔgə ō, j-əndāī kemjí dɔ Nə́ɓā tə́ ō.

KƏLA RĀĀ 17:11

Kem Jipə kə́ Bere tə́ gə̄ majə tɔȳ yā ngé kə́ Tesalonik tə́ gə̄. Nin̄-ndigən̄ najə̄ yā Nə́ɓā láẃ ngá̰ý ō, əndān̄ ma̰ȳ najə̄ kə́ ndang kem makətūbə̄ yā Nə́ɓā tə́ kə dɔ ndɔ̄ gə̄, yā ka̰a̰ń ké najə̄ ń Pol əda ní ké i rɔ̄kum wa ō.

MARK 10:27

Jeju əndā kumən dɔdə́ tə́, ba ədadə́ na: A dum̄ de gə̄, banī a dum̄ Nə́ɓā alé, tɔdɔ̄ yá̰á̰ kə́ dum̄ Nə́ɓā gətóo.

OJEE 6:2

Gō tə́ rāā ndɔ̄ jōó anī, ni a rāā kadə̄ j-a jə-tél jə-ndiī kə kumjí gogə́. Kə ndɔ̄ kə́ nge ko̰ mətá anī, ni a tél yā kunjí dɔɔ́ gogə́ ō, j-a jə-ndiī kə kumjí ta kumən tə́ ō.

JEREMI 32:17

Á Kɔ́ɔ̄ɓē Nə́ɓā, i ḭ̄ n ī-rāā dɔ rā̰ ō, dɔ nang ō, kə ta kūl̄ tɔ́gí kə́ ngá̰ý ɔ́jəń tɔ́gí kə̄ ndágá ní. Yá̰á̰ kə́ dum̄ tɔ́gí gətóo.

IJAI 25:8

Ni a nujə yo kɔ̄ɔ́ i kə́ njɔ́ḿ gə̄ tə́. Kɔ́ɔ̄ɓē Nə́ɓā a ɔl̄ man̄ nōō kə́ kum de gə̄ tə́ malang kɔ̄ɔ́. Ni a un rɔ̄sɔl̄ kɔ̄ɔ́ dɔ gír deē yān gə̄ tə́ kem ɓēé malang. Yá̰á̰ ń Kɔ́ɔ̄ɓē ənī ndūn yā rāā ní n noó.

JA̰A̰ 5:39

Sḭḭ̄ ī-ndəleī gír najə̄ yā Nə́ɓā, tɔdɔ̄ ī-gírī kadə̄ ā ī-ndiī kə́ kumsí ngándáńg i kə ta kūl̄neé. I makətūbə̄ gə̄ ngeé ń noō n ɔrə̄n̄ najə̄ kə́ kum tə́ yāḿ ní.

Najə̄ kə́ Majə yā Jeju ń Luk ndang ní 1:37

Tɔdɔ̄ yá̰á̰ kə́ dum̄ Nə́ɓā gətóo.

OJEE 13:14

Ba mā Kɔ́ɔ̄ɓē ní, i kadə̄ kə m-ɔ̄rən kɔ̄ɔ́ gíŕ tɔ́gə yā loo kə́ ɓádá tə́ a? I kadə̄ kə m-ájən kɔ̄ɔ́ ta yo tə́ a? Yo, yá̰a̰ rɔ̄ɔ̄ yāí i rá? Yo, tɔ́gí ń kadə̄ ī-tɔ̄ləń deē ní i rá? Kumḿ a o̰o̰m̄ tām̄ yā Epəraim tə́ alé.

OJEE 6:6

A̰á̰ā̰, m̄-gḛy i tár, ba i dā̰ kə́ tɔ̄l̄ ba tun̄ alé. m̄-sāā i kadə̄ deē a̰a̰ gerə̄m̄ kadə̄ mā i Nə́ɓā, ba i kadə̄ deē róō dā̰ dɔ loo tun̄ yá̰á̰ tə́ alé.

IJAI 26:19

Gír deē yāḿ gə̄, de kə́ koy yāsí gə̄ a télən̄ yā ndi kə kumdə́ gogə́, a ḭḭn̄ yā ra dɔɔ́ gogə́. Ngé to kum bumbə́rú tə́ gə̄ a ndólə̄n̄ ō, a əgan̄ kɔŕ rɔ̄nel̄ ō. Kɔ́ɔ̄ɓē a əla kə tal kógə̄ḿ kə́ i loo kə́ unjə̄ kow yā kadī, ba kə ta kūl̄ tal ngeé ń toō ní, dɔ nang a rāā kadə̄ de kə́ koy gə̄ tél ndin̄ kə kumdə́ gogə́.

DANIEL 12:2

De gə̄ ń to a ɓīīn̄ ɓádá ní, ngá̰ý gə̄ a ndólə̄n̄. Kə́rēý gə̄ ndólə̄n̄ i tām̄ yā ndi kə kumuú kə́ ndándáńg tə́ ō, kə́rēý gə̄ i tām̄ yā rɔ̄sɔl̄ kə́ ngá̰ý tə́ ō, yá̰á̰ kə́ majə ka̰ā̰ aĺ ngá̰ý kə́ a to ngándáńg tə́ ō.

IJAI 8:20

ī-tūr̄ ə́dain̄ na: Yá̰á̰ ń kadə̄ deē tél reē dɔ tə́ ní, i yá̰á̰ ndóō yā Kɔ́ɔ̄ɓē ō, i najə̄ yā Kɔ́ɔ̄ɓē ō. Deē ń a əda najə̄ ń noō aĺ ní, a a̰a̰ loo kə́ atə wororo kə́ ta gír loo tə́ alé.

TA KƏLA 18:14

Yá̰á̰ kə́rēý kə́ dum̄ Nə́ɓā i noó a? Ɓāl̄ kə́ gogə́ tə́ m-ā m̄-tél yā reē ɓēé looí, ɓáa Sara a aw̄ kə ngōn̄ kə́ dəngam kógə̄ḿ jīn tə́.

OJEE 8:12

M-ásə ndang yá̰á̰ kə́ yā rāā gə̄ dūbūú tām̄ yān tə́, banī tām̄ yān tə́ ɓáa a ton̄ i tītə̄ yá̰á̰ kə́ mbā beé.

MARK 12:23

Dan ń de gə̄ ń oyn̄ á a ndólə̄n̄ ní, nin̄ a ndólə̄n̄ ō. Ba dəyá̰ ní, i náā dan ngákó̰o̰ naā gə̄ ń toō tə́ n ni i nə̄yá̰n ní? Tɔdɔ̄ nin̄ sīrí mbak ní taānən̄ kə́ nə̄yá̰də́ tə́.

MARK 12:25

Tɔdɔ̄ loo ń de gə̄ a ndólə̄n̄ dan de kə́ koy gə̄ tə́ ní, a taān̄ naā alé, ba a ton̄ i tītə̄ de kə́ dɔ rā̰ tə́ gə̄.