MARK 12:2 - Bibəl ta Sar̄

² Loo ń nāā sāā kan̄ kāgə̄ nduú asə anī, ni-əla nge kəla yān kógə̄ḿ rɔ̄ ngé ndɔr̄ gə̄ ní tə́ taā kan̄ nduú kə́ tām̄ yān tə́ jīdə́ tə́.

Bible sar

² Loo ń nāā sāā kan̄ *kāgə̄ nduú asə anī, ni-əla nge kəla yān kógə̄ḿ rɔ̄ ngé ndɔr̄ gə̄ ní tə́ taā kan̄ nduú kə́ tām̄ yān tə́ jīdə́ tə́.

MARK 12:2 Referans Kwoze

HEBƏRO 1:1

Kété ní Nə́ɓā ɔr̄ najə̄ kə kaají gēé kə̄ nja naā tə́ ō, kə ta róbə́ kə́ tayā gēé ō, i kə ta kūl̄ ngé koō ta gēé.

Najə̄ kə́ Majə yā Jeju ń Luk ndang ní 20:10

Loo ń nāā sāā kan̄ kāgə̄ nduú asə anī, ni-əla nge kəla yān kógə̄ḿ rɔ̄ ngé ndɔr̄ gə̄ ní tə́, kadə̄ kə adə̄nən̄ kum yān. Banī ngé ndɔr̄ gə̄ ní əndan̄ nge kəla ní ngá̰ý ba tə̄ɓānən̄ adə̄ tél aw̄ jīn karī.

Najə̄ kə́ Majə yā Jeju ń Luk ndang ní 12:48

Banī nge ń ger̄ yá̰á̰ ń kɔ́ɔ̄n gḛy kadə̄ kə rāā ní alé, ba rāā yá̰a̰ gə̄ kə́ to kənge ndéý ní, a əndanən̄ i sḛ́ý beē ngóy. Deē ń adə̄nən̄ yá̰á̰ ngá̰ý ní, a dəjen̄ jīn tə́ ngá̰ý ō, deē ń ɓɔ̄ɔ̄nən̄ yá̰á̰ ngá̰ý ní, a dəjen̄ yá̰á̰ ní jīn tə́ kadə̄ yān tɔȳ yā madə̄n gə̄ ō.

MATIYE 21:34

Dan yā sāā kan̄ kāgə̄ nduú gə̄ ugə̄, anī ni-əla ngé kəla yān gə̄ rɔ̄ ngé ndɔr̄ gə̄ ní tə́ kadə̄ adə̄nən̄ kan̄ nduú yān.

JAKARI 7:7

Kɔ́ɔ̄ɓē əndā najə̄ gə̄ ń noō ta ngé koō gə̄ tə́ adə̄ nin̄ gɔŕyɔ̄nəń de gə̄ kété kɔ̄ɔ́ ɓá. Dan ngeé ń noō tə́ ní, de kə́ Jerusalem gə̄ ō, kə́ kem ɓē gə̄ ń gīrə̄n̄ gidə ɓē kə́ Jerusalem ō tə́ ní, ndin̄ lɔm. Gō nang kə́ Negeb ō, gō nang kə́ mbal̄ bo gə̄ gətóon̄ tū tə́ ō ní, de gə̄ ndin̄ tū tə́.

MISE 7:1

Yá̰á̰ kə́ to kum kaȳ aĺ kə́ ba̰ý beē! m̄-to i tītə̄ deē kógə̄ḿ kə́ dan yā sāā kan̄ yá̰a̰ gə̄ tə́ anī, teē aw̄ sāā kan̄ kāgə̄ nduú tə́. I dan kə́ yá̰a̰ gətóo kɔ̄ɔ́ tə́. Dɔ bəra nduú kə́ yā kəsa gətóo! Ka̰n̄ kótə̄ kə́ ta kəga dɔ ń nelə̄m̄ ngá̰ý ní, kógə̄ḿ gē gətóo!

JEREMI 44:4

M-ə́la ngé kəla yāḿ gə̄ ń i ngé koō ta gə̄ ní rɔ̄sí tə́ kanjə̄ kɔr ta tə́ kadə̄ ədan̄sí na: Ī-lōōī rāā yá̰á̰ kə́ majaĺ ngá̰ý gə̄ ń nelə̄m̄ aĺ ní.

JEREMI 35:15

m̄-to dan kəla ngé kəla yāḿ gə̄ ń i ngé koō ta gə̄ ní kə̄ rɔ̄sí tə́ kadə̄ ədan̄sí na: Sḭḭ̄ kógə̄ḿ kógə̄ḿ malang ní ī-tūrī háĺsí kə́ majaĺ gə̄ rɔ̄kum, ī-tūrī yá̰a̰ rāāsí gə̄ ō, ī-lōōī ngɔ̄də̄ gō nə́ɓā kə́ rang gə̄ yā ndɔ̄ȳdə́ ō. Anī ā ī-ndiī dɔ nang ń m-ādə̄ kaasí gə̄ ō, madə̄sí sḭḭ̄ ō ní tə́. Banī sḭḭ̄ ī-nēlī mbīsí ōōīneé najə̄ yāḿ alé.

PĀ GƏ̄ 1:3

Ni to i tītə̄ kāgə̄ kə́ əhɔn̄ kadə man̄ tə́ beē, adə̄ a a̰a̰n̄ i kə dɔ nāaneé ō, mbīn ndəlē aĺ ō. Yá̰a̰ malang ń ni-rāā ní teē majə.

2 YÁ̰A̰ GƏ̄ 36:15

Kɔ́ɔ̄ɓē Nə́ɓā yā kaadə́ gə̄ əla ngámbang kəla yān gə̄ adə̄ tāān̄də́ kə kum mbang kə́ majaá ō, tāān̄də́ i kə̄ nja naā tə́ ō. Tām̄ kumən o̰o̰n najə̄ yā gḭ́r deē yān gə̄ tə́ ō, kújə yān tə́ ō.

2 MBAN̄G 17:13

Kɔ́ɔ̄ɓē əndā najə̄ ta ngé koō ta yān gə̄ tə́ malang ō, ta ngé ka̰a̰ yá̰a̰ yān gə̄ tə́ malang ō, tāań Israel gə̄ ō, Juda gə̄ ō, kété, ədadə́ na: Əya̰ī kəla rāāsí kə́ majaĺ gə̄ kɔ̄ɔ́ ba ī-rāāī gō míndə gə̄ ń m-ə́dásí kadə̄ ī-rāāī ní ō, yá̰a̰ gə̄ ń m̄-ndang kadə̄ yā rāā ní ō, kə gō ndū najə̄ malang ń m-ādə̄ kaasí gə̄ ō, m-ə̄ndā ta ngé kəla yāḿ gə̄ ń i ngé koō ta yāḿ gə̄ ní tə́ adə̄ ədan̄sí ní ō.

MARK 12:1

Gō tə́ anī Jeju ɔr̄ najə̄ sedə́ kə kūjə́ najá əda na: Deē kógə̄ḿ əndā kāgə̄ nduú gə̄ kem ndɔr̄ yān tə́ ba əndā ndogə̄ mbal̄ gīrəń gidə ō, ndēr̄ bəlo kadə̄ mbə́reń kan̄ kāgə̄ nduú ō, rāā kújə ngɔm̄ kə́ ngāl̄ ɓururu kum kə̄ dɔɔ́ ta ndɔr̄ ní tə́ ō, əndā ngé ndɔr̄ gə̄ ta tə́ kadə̄ a̰a̰n̄ gō ō, adə̄nən̄ kan̄ nduú ō, ba aw̄ mbā tə́.

MARK 12:3

Banī nin̄-əhɔ əndanən̄ ō, tə̄ɓānən̄ adə̄ tél aw̄ jīn karī ō.