MARK 12:14 - Bibəl ta Sar̄

¹⁴ Nin̄-reē ədanən̄ na: Ngoljí, jə-ger̄ kadə̄ ḭ̄ i de kə́ nge kɔr̄ najə̄ kə́ rɔ̄kum ngándáńg ō, ī-ɓōĺ kum deē aĺ ō, tɔdɔ̄ ḭ̄ ā ī-rāā yá̰a̰ tām̄ ger̄ ta kum deē tə́ alé, banī a ī-ndóō de gə̄ gō róbə yā Nə́ɓā i kə gō najə̄ kə́ rɔ̄kum. Ní ə́dájí: Ndū najə̄ yājí adə̄jí ta róbə kəgā lambóo yā nge ko̰o̰ ɓē kə́ Rom, aké ɔgə̄jí wa? Ní, kə j-adə̄, aké kə j-adə̄ aĺ wa?

Bible sar

¹⁴ Nin̄-reē ədanən̄ na: Ngoljí, jə-ger̄ kadə̄ ḭ̄ i de kə́ nge kɔr̄ najə̄ kə́ rɔ̄kum ngándáńg ō, ī-ɓōĺ kum deē aĺ ō, tɔdɔ̄ ḭ̄ ā ī-rāā yá̰a̰ tām̄ ger̄ ta kum deē tə́ alé, banī a ī-ndóō de gə̄ gō róbə yā Nə́ɓā i kə gō najə̄ kə́ rɔ̄kum. Ní ə́dájí: *Ndū najə̄ yājí adə̄jí ta róbə kəgā lambóo yā nge ko̰o̰ ɓē kə́ Rom, aké ɔgə̄jí wa? Ní, kə j-adə̄, aké kə j-adə̄ aĺ wa?

MARK 12:14 Referans Kwoze

1 TESALONIK 2:4

banī Nə́ɓā nāājí pá tá adə̄jí kəla kɔjə Najə̄ kə́ Majə ní. Adə̄ j-ɔjə najə̄ i kadə̄ nel̄ de gə̄ alé, ba i kadə̄ nel̄ Nə́ɓā ń nāā ngarān̄g kemjí ní.

GALATƏ 2:6

Ba ngé gə̄ ń i ngé kɔr no de gə̄ ní, ɔjəmə̄n̄ yá̰a̰ kə́ kijə gə̄ kadə̄ m̄-rāādə́ dɔ gúú tə́ alé. Kə́ rɔ̄kum tə́, ká ré nin̄ i ngé kɔr no de gə̄ kété gə̄gē anī usəm̄ mā alé, tɔdɔ̄ Nə́ɓā a gān̄g sarya i tām̄ ta kum deē alé.

GALATƏ 1:10

Ní, mā m̄-sāā i kadə̄ i de gə̄ n kə ndigəmə̄n̄, aké i Nə́ɓā n kə ndigəm̄ ḿ? m̄-sāā i kadə̄ nel̄ de gə̄ seḿ a? Ré i de gə̄ n m̄-sāā kadə̄ kə nel̄də́ seḿ anī, mā i nge kəla yā Kərist to̰ alé.

2 KORḚNTƏ 5:16

Adə̄ jḭḭ jə-ger̄ deē i kə gō yā dā̰ rɔ̄ɔ́ to̰ alé. Ká ré kété jóo jə-ger̄ Kərist i kə gō yā dā̰ rɔ̄ɔ́ gə̄gē anī, ngɔlaā jə-gerə̄n tītə̄ ń noō to̰ alé.

2 KORḚNTƏ 5:11

Jḭḭ jə-ger̄ yá̰á̰ ń i ɓōĺ ndíĺ Kɔ́ɔ̄ɓē ní, adə̄ jə-sāā i kɔjə de gə̄ kadə̄ gerə̄n̄ najə̄ kə́ rɔ̄kum. Nə́ɓā ger̄jí majə ō, m̄-taā kem kadə̄ sḭḭ̄ ī-ger̄mī kemsí gə̄ tə́ majə ō.

2 KORḚNTƏ 2:17

De gə̄ ngá̰ý a rāān̄ najə̄ yā Nə́ɓā i yá̰a̰ gātə̄ tə́, banī jḭḭ jə-to i tītə̄də́ aĺ ō, jḭḭ jə-rāā beé aĺ ō. Tām̄ i Nə́ɓā n əlají ní, j-ɔr̄ najə̄ kanjə̄ gír̄ kə́ rang kemjí tə́ ta kum Nə́ɓā tə́, kə gō ɓoo naā yājí kə Kərist.

2 KORḚNTƏ 2:2

Tɔdɔ̄ ré m̄-rāāsí adə̄ kemsí nel̄sí aĺ ní, i náā n a rāā kadə̄ kemḿ mā a nelə̄m̄ ní? I ngé gə̄ ń m̄-rāādə́ adə̄ kemdə́ nel̄də́ aĺ ní ngóy aĺ a?

JA̰A̰ 7:18

Deē ń ɔr̄ najə̄ kə dɔneé ní, sāā i kɔsə gɔn yān nəkɔ́. Ba deē ń sāā i kɔsə gɔn yā nge ń əlan ní, ni i de kə́ rɔ̄kum, adə̄ yá̰á̰ kə́ gōtə́ aĺ gətóo kemən tə́.

Makətūbə̄ ń Pol ndang adə̄ Rom gə̄ ní 13:6

I tām̄ najə̄ ń noō tə́ ɓáý to̰ n ə̄gāīneé lambóo ní. De gə̄ ń a taān̄ ní, i Nə́ɓā nəkɔ́ n əndā kəla ń noō dɔdə́ tə́ ní.

Najə̄ kə́ Majə yā Jeju ń Luk ndang ní 23:2

Əlan̄ gír sekə́n rɔ̄ Pilatə tə́ ədan̄ na: Á̰a̰ā̰, j-ənge dəngam ń toō loo sə̄lā nápar deē yājí gə̄ tə́ ō, loo kɔgə̄ de gə̄ kadə̄ Sejar yá̰a̰ tīr̄ gə̄ tə́ ō. Tá nəkɔ́ əda ɓáý to̰ na ni na i Kərist ō.

Najə̄ kə́ Majə yā Jeju ń Luk ndang ní 20:22

Ní ə́dájí, jḭḭ ní ndū najə̄ adə̄jí ta róbə kadə̄ Sejar lambóo aké ɔgə̄jí ḿ?

MARK 14:45

Loo ń ni-ugə̄ ní, ni-mān̄ gandang kə̄ rɔ̄ Jeju tə́, ba ədan na: Ngoljí! Ba ni-ɓirə̄n kə̄ rɔ̄n tə́ dagə.

MATIYE 22:17

I beé ní, ə́dájí gír̄ yāí kə́ dɔ najə̄ ń toō tə́: Ndū najə̄ adə̄ deē ta róbə kadə̄ Sejar lambóo aké ɔgə̄n ḿ?

MISE 3:8

Ba mā ɓáa, kə ta kūl̄ ndíĺ Kɔ́ɔ̄ɓēé ní, tɔ́gə́ḿ i ngá̰ý ō, m̄-ger̄ yá̰á̰ kə́ gōtə́ ō, m-ə́hɔ rɔ̄ḿ tɔgə ngá̰ý ō. Adə̄ de gə̄ kə́ kem kojə yā Jakob tə́, ń i gír de gə̄ yā Israel ní, m-ásə kɔjədə́ kəsō wōn̄g yādə́ ō, mān̄ dɔ ndū najə̄ yādə́ ō, kadə̄ gerə̄n̄.

JEREMI 42:20

Sḭḭ̄ kɔ́ gə̄ ī-gólī rɔ̄sí, tɔdɔ̄ sḭḭ̄ ə́lamī rɔ̄ Kɔ́ɔ̄ɓē Nə́ɓā yāsí tə́ ə́daī na: Ɔ̄r̄ najə̄ kə Kɔ́ɔ̄ɓē Nə́ɓāá tām̄ yājí tə́, ə́dájí yá̰a̰ malang ń Kɔ́ɔ̄ɓē Nə́ɓā yājí əda ní kə ta njaá na j-a jə-rāā.

PĀ GƏ̄ 120:2

Kɔ́ɔ̄ɓē, ī-gān̄g dɔḿ jī ngé túbə́ góləń loo gə̄ tə́ ō, jī ngé sor̄ gə̄ tə́ ō.

PĀ GƏ̄ 55:21

Deē ngeé ń toō rɔ̄ madə̄ tan gə̄, ni-əhɔ madə̄ naā yān i yá̰á̰ kə́ karī tə́.

NEHEMI 9:37

Dɔ nang ní teē yá̰á̰ kə́ majə gə̄ ngá̰ý adə̄ mban̄g gə̄ ń ə̄ndādə́ dɔjí tə́ tām̄ majaĺ yājí gə̄ tə́ ní. Nin̄ o̰o̰n̄ ɓē dɔ dā̰ rɔ̄jí tə́ ō, dɔ yá̰a̰ kul̄ yājí gə̄ tə́ ō, tītə̄ ń kemdə́ ndigə ní. Ba jḭḭ jə-ndi i dan wur kɔl kə́ ngá̰ý tə́.

2 YÁ̰A̰ GƏ̄ 19:7

Ní, ī-ɓōlíī Kɔ́ɔ̄ɓē ō, ə̄ndāī kumsí gíŕ yá̰á̰ ń ā ī-rāāī tə́ ní majə ō. Tɔdɔ̄ Kɔ́ɔ̄ɓē Nə́ɓā yājí i nge rāā yá̰a̰ gōtə́ aĺ aĺ ō, i nge rāā yá̰a̰ tām̄ ta kum deē aĺ ō, i nge ndigə kadə̄ karī yā nujəń sarya aĺ ō.

2 YÁ̰A̰ GƏ̄ 18:13

Banī Mise tél ədan na: Tītə̄ ń Kɔ́ɔ̄ɓē na ndiń kə kumneé noō ní, na i yá̰á̰ ń Nə́ɓā yān na a əda ní n na n-a n-əda ní.

NDŪ NAJƏ̄ 16:19

Ī-lōō tə́la ta njaí naā tə́ loo sarya tə́. Ā ī-gān̄g sarya tām̄ ta kum deē alé. Ī-lōō taā kadə̄ karī, tɔdɔ̄ kadə̄ karī i yá̰á̰ kə́ a utə̄ kum de kə́ ngáā gə̄ ō, a nujə najə̄ yā de kə́ sew gə̄ ō.

2 KORḚNTƏ 4:1

Nə́ɓā a̰a̰ kum tō ndoō yājí, adə̄ ni-adə̄jí kəla ń toō. I tām̄ najə̄ ń noō tə́ n tɔ́gə́jí urə̄ń wak aĺ ní.

MATIYE 22:16

Gō tə́ anī əlan̄ ngé ndóō yá̰a̰ yādə́ gə̄, naā tə́ kə de gə̄ yā Herod gēé adə̄ aw̄ dəjen̄ Jeju na: Ngoljí, jə-ger̄ kadə̄ ḭ̄ i de kə́ nge kəda najə̄ kə́ rɔ̄kum ō, ḭ̄ ndóō de gə̄ gō róbə yā Nə́ɓā i kə najə̄ kə́ rɔ̄kum kanjə̄ ɓōĺ deē ō. Tɔdɔ̄ ḭ̄ ī-rāā yá̰a̰ tām̄ ta kum deē alé.

MARK 12:13

Əlan̄ de kə́rēý gə̄ kə́ dan Parijiyḛ gə̄ tə́ ō, dan ngé yā Herod gə̄ tə́ ō, rɔ̄ Jeju tə́, kadə̄ ré Jeju əda najə̄ kə́ gō tə́ aĺ anī, kə n-əhɔnən̄ dɔ tə́.

MARK 12:15

Ba Jeju ger̄ kadə̄ nin̄ i ngé gól̄ kum de gə̄, adə̄ ədadə́ na ké a nāānən̄ i tām̄ rí tə́ wa, kə reēn̄ kə njáŕ sə́lē arjā̰a̰ kə́ kum madə̄ kutə jōó kógə̄ḿ kadə̄ n-a̰ā̰.