MARK 11:25 - Bibəl ta Sar̄

²⁵ Ba loo ń ā ī-raī dɔɔ́ loo ndɔ̄ȳ tə́ ní, ré najə̄ kógə̄ḿ i mbo̰ō̰sí tə́ kə deē kógə̄ḿ anī, ī-mā̰yī rɔ̄sí dɔ tə́, yā kadə̄ Bɔbə̄sí kə́ dɔ rā̰ tə́ mā̰yń rɔ̄n dɔ majaĺ yāsí tə́ ō.

Bible sar

²⁵ Ba loo ń ā ī-raī dɔɔ́ loo ndɔ̄ȳ tə́ ní, ré najə̄ kógə̄ḿ i mbo̰ō̰sí tə́ kə deē kógə̄ḿ anī, ī-mā̰yī rɔ̄sí dɔ tə́, yā kadə̄ Bɔbə̄sí kə́ dɔ rā̰ tə́ mā̰yń rɔ̄n dɔ majaĺ yāsí tə́ ō.

MARK 11:25 Referans Kwoze

KOLOSƏ 3:13

Ī-tə́gāī tasí dɔ naā tə́, ba ré de kə́rēý i kə najá kə madə̄neé anī, ī-mā̰yī rɔ̄sí dɔ naā tə́. Tītə̄ ń Kɔ́ɔ̄ɓē mā̰ȳń rɔ̄n dɔsí tə́ ní, ī-rāāī tītə̄ ń noō ō.

EPEJƏ 4:32

Ī-rāāī majə kə naá ō, ādī kumsí o̰o̰sí kə madə̄sí gēé ō. Ī-mā̰yī rɔ̄sí dɔ naā tə́, tītə̄ ń Nə́ɓā mā̰yń rɔ̄n dɔsí tə́ sɔɔ̄ń ɓoo naā yāsí kə Kərist ní ō.

Najə̄ kə́ Majə yā Jeju ń Luk ndang ní 6:37

Ī-gāngī sarya dɔ deē tə́ alé, anī a gāngə̄n̄ sarya dɔsí tə́ aĺ ō. Ī-gāngī dɔ madə̄sí gə̄ anī a gāngə̄n̄ dɔsí ō.

MATIYE 6:12

Ī-mā̰ȳ rɔ̄í dɔjí tə́ najə̄ yá̰á̰ kə́ gōtə́ aĺ gə̄ ń jə-rāā seí ní tə́, tītə̄ ń jḭḭ kɔ́ gə̄ jə-mā̰yń rɔ̄jí dɔ ngé rāājí majaĺ gə̄ tə́ ō ní.

MATIYE 5:23

Adə̄ ré āw̄ kə yá̰a̰ ndējə̄ yāí loo tun̄ yá̰á̰ tə́ yā ndējə̄ Nə́ɓā, banī loo ń ūgə̄ loo tun̄ yá̰á̰ ní tə́ ba əga kemií dɔ tə́ kadə̄ ngōkó̰ó̰í i kə najá kemən tə́ seí anī,

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

MATIYE 6:5

Dan ń ā ī-ndɔ̄yī ní a, ī-rāāī tītə̄ yā ngé gól̄ loo gə̄ alé. Nel̄də́ ra kə njadə́ kə̄ dɔɔ́ kem kújə́ kán̄ naā gə̄ tə́ ō, ta gajə róbə gə̄ tə́ ō, yā ndɔ̄yń, kadə̄ de gə̄ a̰a̰n̄də́. Ādə̄ m-ə́dásí najə̄ kə́ bo ngá̰ý, nin̄-əngen̄ yá̰a̰ kəndā nja yādə́ kɔ̄ɔ́ ɓá.

Najə̄ kə́ Majə yā Jeju ń Luk ndang ní 18:11

Parijiyḛ ní ra dɔɔ́ ba ndɔ̄ȳ Nə́ɓā kemən tə́ tītə̄ ń toō beé, əda na: Nə́ɓā, m̄-ndadī, tɔdɔ̄ mā i tītə̄ gotə deē madə́ḿ gə̄ ń nin̄ i ngé ɓogə gə̄ ō, i de kə́ súmūú aĺ gə̄ ō, i ngé sāā naā loo kaya tə́ ō ní alé. m̄-ndadī ngá̰ý ɓáý to̰ tām̄ mā i tītə̄ nge taā lambóó ń toō aĺ ō.

JAKARI 3:1

Kɔ́ɔ̄ɓē rāā adə̄ m-á̰a̰ ngol ngé tun̄ yá̰a̰ gə̄ ń i Yesua ní. Ni-ra kə njan kə́ dɔɔ́ no de kə́ dɔ rā̰ tə́ yā Kɔ́ɔ̄ɓē tə́. Sətan ń i nge kəndā najə̄ dɔ de gə̄ tə́ ní, ra dɔ jī ko̰ Yesua tə́, yā kəndań najə̄ dɔn tə́.

JEJU TEĒ KUM JA̰A̰ 11:4

I nin̄ n i kāgə̄ olibə kə́ jōó gə̄ ō, ɗəra hor kə́ jōó gə̄ ō ń ran̄ no kɔ́ɔ̄ dɔ nang tə́ ní.

Najə̄ kə́ Majə yā Jeju ń Luk ndang ní 18:13

Nge taā lambóó ní ra dan gə̄lā sa̰y. Ni gḛy kun kumən kə̄ dɔɔ́ dɔ rā̰ tə́ sḛ́ý aĺ bátə́, ba a ənda nganjən ō, a əda tītə̄ ń toō beé ō na: Nə́ɓā, ī-mā̰ȳ rɔ̄í dɔḿ mā nge rāā majaĺ ń toō tə́!