MARK 11:14 - Bibəl ta Sar̄

¹⁴ Anī ni-un najə̄ əda na: Deē a əsa kaní to̰ aĺ bátə́! Ba ngé ndóō yá̰a̰ yān gə̄ oōn̄ najə̄ ní.

Bible sar

¹⁴ Anī ni-un najə̄ əda na: Deē a əsa kaní to̰ aĺ bátə́! Ba ngé ndóō yá̰a̰ yān gə̄ oōn̄ najə̄ ní.

MARK 11:14 Referans Kwoze

MATIYE 21:19

Ni-a̰a̰ kāgə̄ kótə̄ kógə̄ḿ bɔ̄gə̄ róbə́ tə́ anī aw̄ gírí, banī yá̰á̰ ń ni-ənge tū tə́ ní i mbīn gə̄ ngóy. Anī əda kāgə̄ kótə̄ ní na: Ḭ̄ ā ān̄ to̰ aĺ bátə́! Anī kāgə̄ kótə̄ ní tutə njarara kə̄ ta jī tə́ noō kɔ̄ɔ́.

JA̰A̰ 15:6

Ré deē kógə̄ḿ ndi kemḿ tə́ aĺ anī, a ənīnən̄ ndágá kɔ̄ɔ́ tītə̄ ta jī kāgə̄ kadə̄ tutə. Gō tə́ anī, a kánə̄n̄ tajī kāgə̄ gə̄ yā ɓōkə́də́ horoó kadə̄ hor o̰o̰.

MATIYE 7:19

Kāgə̄ gə̄ malang ń anə̄n̄ majə aĺ ní, a tə́gān̄də́ yā ɓōkə́də́ horoó.

MATIYE 3:10

Kə̄ngā i kə́ kəndā ngəra kāgə̄ gə̄ tə́ ɓá kɔ̄ɔ́, adə̄ kāgə̄ gə̄ malang ń a anə̄n̄ majə aĺ ní, a tə́gān̄də́ yā ɓōkə́də́ horoó kɔ̄ɔ́.

JEJU TEĒ KUM JA̰A̰ 22:11

Adə̄ de kə́ nge rāā yá̰a̰ gōtə́ aĺ kə na̰y kə̄ loo rāā yá̰á̰ kə́ gōtə́ aĺ tə́ kə̄ non tə́ ō, de kə́ yḛr kə na̰y kə̄ loo rāā yá̰á̰ kə́ yḛr tə́ kə̄ non tə́ ō, de kə́ nge rāā yá̰á̰ kə́ gōtə́ kə na̰y kə̄ loo rāā yá̰á̰ kə́ gōtə́ tə́ kə̄ non tə́ ō, deē ń ɔr̄ rɔ̄n tayā tām̄ yā Nə́ɓā tə́ ní, kə na̰y kə̄ loo kɔr̄ rɔ̄n tayā tə́ tām̄ yā Nə́ɓā tə́ kə̄ non tə́ ō.

MATIYE 21:44

Deē ń a əsō dɔ mbal̄ ń toō tə́ ní a tétə̄ rárák, ba deē ń mbal̄ ngeé ń toō a əsō dɔn tə́ ní, mbal̄ ní a rējə̄n rárájə́.

2 PIYER 2:20

Tɔdɔ̄ ngé gə̄ ń teēn̄ kɔ̄ɔ́ kum yá̰á̰ kə́ yḛr gə̄ kə́ dɔ nang tə́, kə ta kūl̄ ger̄ Jeju Kərist ń i Kɔ́ɔ̄ɓē yājí ō, nge kajəjí ō ní, ré tél əya̰n̄ rɔ̄də́ adə̄ yá̰á̰ kə́ yḛr gə̄ ní ɓírə̄n̄də́ gogə́ ō, o̰o̰n̄ ɓē dɔdə́ tə́ gogə́ ō anī, ndidə́ kə́ ta tɔ̄l̄ ta tə́ ní majaĺ ngá̰ý tɔȳ kə́ kété ɓáý.

MATIYE 21:33

Ōōī kūjə́ najə̄ kə́ rang ɓáý to̰. Kɔ́ɔ̄ loo kógə̄ḿ ndɔr̄ kāgə̄ nduú ba əndā ndogə̄ mbal̄ gīrəń gidə ō, ndēr̄ bəlo kə́ yā mbə́reń kan̄ kāgə̄ nduú kemeé ō, rāā kújə ngɔm̄ kə́ ngāl̄ ɓururu kum kə̄ dɔɔ́ kemeé ō, ba adə̄ ngé ndɔr̄ kāgə̄ nduú gə̄ kadə̄ a̰a̰n̄ gō ō, adə̄nən̄ kan̄ nduú ō, ba aw̄ mbā tə́.

MARK 11:13

Ni-a̰a̰ kāgə̄ kótə̄ kə́ kə mbīn gēé kə̄ sa̰y anī, aw̄ yā ka̰ā̰ ké n-ənge kanən kə́rēý tū tə́ wa. Banī loo ń ni-ugə rɔ̄ tə́ anī, ənge i mbīn gə̄ ngóy, tɔdɔ̄ i nāā kan̄ kótə̄ aĺ ɓáý.

MARK 11:15

Nin̄-ugə̄n̄ Jerusalem anī Jeju udə kem kújə yā Kɔ́ɔ̄ɓē tə́, ba tə̄ɓā ngé gə̄ ń a igən̄ yá̰a̰ ō, a mangən̄ yá̰a̰ ō, kem kújə yā Kɔ́ɔ̄ɓē tə́ ní kɔ̄ɔ́. Kāgə̄ tə́ndā yá̰a̰ gə̄ yā ngé mbél̄ nar gə̄ ō, kāgə̄ ndi gə̄ yā ngé kigə dér gə̄ ō ní, ni-mbə́rē tə́nī kɔ̄ɔ́.