MARK 10:52 - Bibəl ta Sar̄

⁵² Jeju ədan na kə aw̄, na taā kem yān na ajən. Kə̄ ta jī tə́ noō ni-a̰a̰ loo, ba un gō Jeju róbó.

Bible sar

⁵² Jeju ədan na kə aw̄, na taā kem yān na ajən. Kə̄ ta jī tə́ noō ni-a̰a̰ loo, ba un gō Jeju róbó.

MARK 10:52 Referans Kwoze

MATIYE 9:22

Banī Jeju tūr̄ rɔ̄n a̰a̰n, ba ədan na: Ngōnə̄ḿ, əhɔ kemií ngan̄g na taā kem yāí ajiī. Anī gíŕ mósə gān̄g dɔ dəyá̰ ní tə́ kə̄ ta jī tə́ beē.

Najə̄ kə́ Majə yā Jeju ń Luk ndang ní 7:50

Banī Jeju əda dəyá̰ ní na: Āw̄ kə kem sɔl̄ lɔmɔɔ́ na taā kem yāí ajiī.

MARK 8:25

Jeju əndā jīn kumən tə́ ɓáý to̰, adə̄ ni-a̰a̰ loo unjə̄ wáńg wáńg. Kumən tél to kə gōó gogə́ adə̄ a̰a̰ yá̰a̰ malang unjə̄ ráý ráý.

MARK 5:34

Banī Jeju ədan na: Ngōnə̄ḿ, taā kem yāí ajiī. Āw̄ kə kem sɔl̄ lɔmɔɔ́, ba ādə̄ ḭ̄ i de kə́ gír mo̰y yāí gān̄g kɔ̄ɔ́.

JA̰A̰ 9:32

Jóo toó deē oō na deē kógə̄ḿ na teē kum de kə́ ojənən̄ məndō aĺ ɓáý.

MATIYE 15:28

Tā anī Jeju tél ədan na: Dəyá̰, taā kem yāí i taā kem kə́ ngá̰ý! Anī rɔ̄ ngōnən kə́ dəyá̰ ní ngáā kum mbang nəkɔ́ ń noō tə́.

KƏLA RĀĀ 26:18

M-ə́laī i kadə̄ āw̄ i teē kumdə́, kadə̄ āw̄ ī-teē sedə́ kɔ̄ɔ́ kum til tə́ ba ī-reē sedə́ kum loo kə́ unjə̄ kow tə́, i kadə̄ āw̄ ī-teē sedə́ kɔ̄ɔ́ gíŕ tɔ́gə yā Sətan tə́ ba ī-reē sedə́ rɔ̄ Nə́ɓā tə́, yā kadə̄ taān̄ kemḿ anī əngen̄neé mā̰ȳ rɔ̄ dɔ majaĺ yādə́ gə̄ tə́ ō, kadə̄ əngen̄neé loo dan de gə̄ yā Nə́ɓā tə́ ō.

MARK 1:31

Jeju aw̄ rɔ̄n tə́, əhɔ ta jīn, ba unən dɔɔ́, anī mo̰y gajə ní əya̰n, adə̄ dəyá̰ ní rāā loo yá̰a̰ kəsa adə̄də́.

MATIYE 21:14

Ngé kum tɔ̄ɔ̄ gə̄ ō, ngé tə́sō motə gə̄ ō, reēn̄ rɔ̄ Jeju tə́ kem kújə yā Kɔ́ɔ̄ɓē tə́. Anī ni-rāā adə̄ kumdə́ a̰a̰ loo ō, njadə́ tél majə gogə́ ō.

MATIYE 12:22

Anī reēn̄ kə deē kógə̄ḿ rɔ̄ Jeju tə́. Deē ní a̰a̰ loo aĺ ō, ɔr̄ najə̄ aĺ ō, tɔdɔ̄ ndíĺ kə́ majaĺ i kemən tə́. Jeju rāā adə̄ rɔ̄ deē ní ngáā, adə̄ deē ní ɔr̄ najə̄ ō, a̰a̰ loo ō.

JA̰A̰ 9:39

Anī Jeju əda na: m̄-reē dɔ nang tə́ i tām̄ yā sarya tə́, kadə̄ ngé gə̄ ń a̰ā̰n̄ loo aĺ ní a̰ā̰n̄ loo, ba kadə̄ ngé gə̄ ń a̰ā̰n̄ loo ní télən̄ ngé ka̰a̰ loo aĺ gə̄.

MATIYE 11:5

Ngé kum tɔ̄ɔ̄ gə̄ a̰a̰n̄ loo ō, ngé tə́sō motə gə̄ tél njə̄rān̄ majə ō, bānjə̄ ur̄ kɔ̄ɔ́ rɔ̄ ngé bānjə̄ gə̄ tə́ ō, mbíkī gə̄ oōn̄ loo ō, de kə́ koy gə̄ ndólə̄n̄ ō, ngé ndoō gə̄ oōn̄ Najə̄ kə́ Majə ō.

IJAI 35:5

Loo ń noō tə́ kum məndō gə̄ a a̰a̰ loo unjə̄ wáńg wáńg ō, mbī mbíkī gə̄ a oō loo ō.

PĀ GƏ̄ 146:8

Kɔ́ɔ̄ɓē teē kum ngé kum tɔ̄ɔ̄ gə̄ ō, Ni-əhɔ ngé gə̄ ń nōrə̄n̄ ní kə̄ dɔɔ́ ō. Kɔ́ɔ̄ɓē tár de kə́ súmūú gə̄ ō.

PĀ GƏ̄ 33:9

Ni-ɔr̄ najə̄ anī yá̰á̰ ń ni-əda ní rāā yá̰a̰, Ni-əda najə̄ anī, yá̰á̰ ń əda najə̄n ní teē ndi.

Najə̄ kə́ Majə yā Jeju ń Luk ndang ní 9:48

ba ədadə́ na: Deē ń əhɔ ngōn̄ kə́ dūú ń toō kə̄ rɔ̄n tə́ najə̄ yāḿ mā tə́ ní, əhɔm̄ i mə̄kɔ́ kə̄ rɔ̄n tə́. Ba deē ń əhɔm̄ kə̄ rɔ̄n tə́ ní, əhɔ i deē ń əlam̄ mā ní kə̄ rɔ̄n tə́. Tɔdɔ̄ i deē ń dūú tɔȳsí malang ní n i de kə́ bo tɔȳsí malang ní.

MATIYE 8:3

Jeju əla jīn ɔdənneé ba ədan na: m̄-ndigə, ādə̄ rɔ̄í i kə́ unjə̄ njáý njáý! Kə̄ ta jī tə́ beē bānjə̄ ur̄ rɔ̄n tə́ kɔ̄ɔ́.